شهر 7 !!
إلــ ..غيث الحربي
بامانه حرّ..
وانا جوفي خَلي ما طالته لسعه
عرقت كثير في دمّي
نزفت بْصيفي.. القاصي وبني عمّي
بامانه حرّ يا صوتي!!
حرقت إعتامي الصادي
شعلت أغصان صدري في مهب الريح
وانا ودي لو آنادي
رمد بعروقي الكادي
وباقي ترتجف شمعه!
بامانه حرّّ..
وانا احرس كل غيمه ما لها رجعه
بـْ ..شهر سبعه:
يجيك الداين المديون
وتتهافت عليك أسما.. تشيل عيون!
يجونك سمّ
يطوفك من خوال وعمّ
وتتحضر لعرس العالم.. وتنساك!
عْزوبي بخنجر أهل البيت للـ ..قلعه!!
على مَرْتبْتِك/ المُربك من الأحلام
على مْرَتّبْك/ تسْمر بك ضعاف أرحام!
بْـ ..شهر سبعه..
أمانيك الصغيره تنتحر مُتعه!!
وتيبس باقي الأكواز
تحس بمصرع (البيدا) على (الأهواز)!
فـ شهر سبعه
ضربت بمسبحة ذكرك صميم الغيث..
ولكن ما انفتل شارب
ولا حتى انفرج باب السما.. موارَب!
فْـ ..شهر سبعه:
يهلّ الموت يا ما بكامل السمعه..
وتتمنى لو انك فاقد لسانك..
تقلْب السين (ثاء) فـ مفردة (تسمين)..!
يطيح المستحىَ وتحنّ لاوثانك
فـ ..شهر سبعه
ينادمْك العطش ضعفك..
لو انك ليث!!
وانا يا غيث..
أمرّغ حضني بلوثة وحل جدّي
هنا حدّي..
وهنا بآخر مطاف الأرض لي باحه..
تسَوِّر داخل الخاوي/ خوا يدّي!!
فـ ..شهر سبعه..
تلاطفني نسا الذكرى
فلانه جات
فلانه ما تمنتني سوى اللي مات!!
وانا يا غيث كلّي في شهر سبعه..
مجرّد مَدْكِيٍ في شقة المأساة!
أقوم الصبح متوضّي
واردّ مْن الضحى المشؤوم بالصرعه!
[poem="font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]ألا يا (غيث).. شفني واقفٍ في طيحة أوتادي=تعاركني رمال الذكريات.. وبندقي فكره
غريبٍ.. صانع أحلام.. مْتناغم.. فاقد بلادي=على تيه السنين بنسلي الماجد.. وانا نَكْره!!
يناديني من أبعد تهلكه بالأرض.. ميلادي=ولا ادري مِن تقدّم.. هو صباي أو خاتمة بكره؟!
تخبْر: الكرسي المتطرّف (بلوبيك) يا حادي؟=ثقل وزنه من مْلاقىَ جناب الطاهر بذكره
وصلتك.. كل أبو دمي عطابة سدرة أجدادي=تحفّظت أخرج بثوب العزيز.. وجيت لك مكره
معي يا (غيث) للإتريك دمعة ليلي السادي=ابا اكسرها زجاجه للطريق اللي نسى سكره
أبي الليله تعرْف إني الأسير الحرّ فـ ..عنادي=من الليله تعال أكتب لك اسمي.. صافيٍ عَكْره!
خبا جمر المساري والنجوم تطيح بجيادي=وراهنت بلظى حرّية المترمّد بوكره!!
يجوز إني .. قرابة عام .. ناسي الثار بحيادي=عشان الصلح يوصل.. لو سنين اجتاحني مَكْره
أنا يا (غيث) ما خانت يدي ساعات ميعادي=يجوز اللي طعن قلب الزمن يا (غيث).. هو شكره! [/poem]
فـ ..شهر 7
[poem="font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=1 align=left use=ex num="0,black""]يبس عمري وانا حارس ضفاف الما=ثلاث عقود أدوّرني ولا القاني
على مْراية حياتي وجهي الأعمى=ومتى ناظرني العالم.. لقا ثاني!![/poem]