تعال واكتب حالتك/لحظتك شعراً ..!

[صالح الشملاني]

لا تسولف لي وجع خوف المنافي .!
الوطن حلمي يسولفني واغيب .!!

في شوارعنا الحزينه كنت : غافي .!
ملتحف حزني ونظرات الغريب .!!

من قريت الناس ايقنت اختلافي .!
لا وطن فيني ولا صدر ٍ رحيب .!!

قلت لـ أحلامي البسيطه لا تخافي .!
غصنك الشاعر: وغرّد عندليب .!!

لو أخاف البوح: ضيّعني ارتجافي .!
القصايد شمس والدفتر مغيب .!!

مانشيتي الحزن والدمعه غلافي .!
لاشعرت بغربتي مالي صحيب .!!

ياربيع الحلم كسّرني جفافي .!
حارت اقدامي على اطراف النصيب .!!

لو تهزّ من القصايد كل : خافي ؟!
ما يطيح إلا ولد عم وقريب .!!

آآه من دمعة عزيز ٍ ماتشافي .!
عفّة المحتاج جرح ٍ مايطيب .!!

كم بكيت البرد من قسوة لحافي .!
يوم بعض الناس تبكي للحبيب .!!

شوفني أهديت وجهي لـ السوافي .!
ما معي إلا أنا وليل ٍ كئيب .!!

ممتلي بالأسئله لـ آخر مطافي .!
كنت أنا ويّاي: نبحث عن مجيب.!!










للوطن . تركي عواد

 

[صالح العرجان]

أحيان من كثر الفرح في وجودك
لانمت أخاف أقوم وألقاك حلم .. ؟!

 

[هيفاء الزامل]

فمان الله يا نبضٍ قضى به .. قلبي المخطور
سنين الهم والغربه .. وحزنٍ دار في كونك

فمان الجرح والصدّه.. فمان الخاطر المكسور
فمان أوقات .. لو مرّت معاك تمر / من دونك !

* ؟؟؟ *






.

 

[صالح العرجان]

اثقـل حروف يشيلهـا فـيه حرفيـن
لا أب يــدري بــه ولا أم تــرده

في خطوتـه رحلة ودمعـة وسـكيــن
وحـــظ توســد بالمــراسـي مـخـده

 

[هيفاء الزامل]

وأسولف لك: صباح الآه ياعمري ، وأشربك جرحي ،
ويفز من الضلوع .. أصغر طموحاتي .. واقول :إصبر !


* ؟؟؟ *





.

 

[صالح العرجان]

من منطلق .. يامالقينا : صبرنا .!
ومن منطلق .. طنش على شان / الاحباب


ومن منطلق .. محدِ يَ قلبي : جبرنا .!
تعال نرسل لَ الغلا .. شوق / وعتاب


قولوا لـ خلي .. وادري انه : يخبرنا .!
الدرب موحش .. لاكن القلب / ماتاب .. ؟!

 

[سعيد الموسى]

*
ــــــــ

*

البارحه كنتي معي
مثل الدموع
بــــ إصبعي !
*
*
كنت أنفضك ... سبّابتي !
إبهامي الطيّب !
حكى !
*
ـــــــــ
*
قلت أسترك !
أستر يدي !
أو أرفعك ياغيمتي !
طحتي من أمطار
الهدب !
وآخر ســــِما
من شيمتي !
خنتك !
وقلت أستعذرك !
يامكرمك !
يامبخلك !
البارحه ماانتي معي !
رمشي سِما !
لاتِدمعي !

 

[هيفاء الزامل]

ممكن سلف نوم ؟! جفّ من السهر جفني !
……….. وإستوطن الـ .. هالقلق! في رعشة أحداقي !

ياصاحبي كل جرح فيك … ينزفني !
……….. شف كيف حزني عليك يشبّ فـ أعماقي !
.,’

* ؟؟؟ *





.