تعال واكتب حالتك/لحظتك شعراً ..!

[أمجاد محمد]

تجي وكنّي أحبّ الناس لعيونك ..
وتروح ماخذ بقايا روح من روحي

تنسى خفوقي وهو ف البعد مضنونك
كنّك تُضاف بهدووووء لْـ سلّة جروحي

 

[حنان العصيمي]

نساي.. وانت الهوى بالنسبه لى والماي
اسمع أنا صوتك ولا تسمع نداي
اشهق انا باسمك..واشتاق له وانت معي
اكتب على سمعي اغاني
اكتب واغنيك..حيرتني واحترت انا فيك
تزعل بلا أسباب..وتعاند وأراضيك
بكل حالاتك انا أبيك..بكل زلاتك انا أبيك
حبيبي انت..والا العذاب انت
والا الفرح انت
مدري وش اسميك...
نساي
تغيب والدنيا معك تغيب
تقطع خيوط الشمس عني
ويصبح العالم كئيب
وأصحبت انا لوحدي على
ارضيك غريب
ما تكتفي من غربتي
ما تكتفي من حيرتي
الله عليك كم انت عجيب..الصمت دايم لعبتك
الصمت احيان رهيب ..


( فايق عبد الجليل )

 

[عبدالناصر الأسلمي]

مساءات حالمة

 

[سعيد الموسى]

إذا صار الحكي انتي ،ترا كل الحروف جبال

أحس انفاسك النرجس وداخل شفتك غررررشه!

يابنت الحور :وش كنتي ؟ سوا طفله مشت تختال

خُطى غيمه / خُطى حشمه /وضحكه ظالمه هشششّه

أنا لله من يوصف سكينة نغمة الشلال ؟

خذيني طفل متمرد نشد من هالمطر رششششه !

 

[الموج]

يا مَدى !
وديّ بصُوتَه / لو صَدى . .
والله اتْعَبني العَنا !
جِيِبوا عَيونه . . بس مَسا
أسكبْ بِها شويّ " اسئَله " !
كيفْ ومتَى . . ؟!
شَلونْ غَابْ / عنّي أنَا . ؟!
ما كَنت لَه صبَح و عَطر ؟
ما كَان صُوتي " أغنيّة " . . ؟!
شَلونْ غابْ / و آنا أسْكَن " زحمَته " . . !
يا مَدى . . شفْني أضيِع / بلا يَده !
وبَلا ملامَح ضحْكتَه !
ودّي عَيونه تَشوفَني . .
يَرضاها هالحَاله عليّ . . ؟!

* شُرُود . . !

 

[علي المحمد]

لو هموم المفارق مثل كل الهموم
ماتشوفون عيني بالدموع سبحت

بين صدة عزيز وكبرياء مهزوم
عين شحت علي وعين استسمحت

بس مالله خلقني من بكاي معصوم
وادري انه المحاجر لو تفيض افضحت

والله اني على جرحي صبور وكتوم
لكن ان الدموع ان روحت روحت

اعذلتني ظروفي وانهكتني عزوم
والوجيه احزنت لي والقلوب افرحت

اشهد ان الليالي ماتعرف السلوم
قلب جافي لقاه وجه صافي بحت

راهنتني تبلل بالدموع الكموم
ويشهد الله عليها راهنت واربحت

احرمت نور عيني من غلا ريم قوم
بذرة وارتوتني واثمرت واطرحت

جادل دوم ماهي مثلها كل يوم
استضاحت غموض وبالغموض اوضحت

دورت بين قلبي والهدب درب نوم
وامرحت وين مدري المهم امرحت

تنحت اسمي بقلب جيت فيه معزوم
واسمها بين جلدي والعظام انحت

مثل جفني لعيني بالنعاس محكوم
كل مانمت نامت كل ماصحى صحت

دايم ازعل عليها بس قلبي رحوم
وهي تموت بعذابي من تحت لي تحت

مثل وجه العلاقه في ثياب الخصوم
ان تطيبت طابت وان جرحت اجرحت

خصها الله بوصف من خيال معدوم
لا اذان اسمعتبه ولاعيون المحت

كن ربي خلقها من بياض الغيوم
ومن كفوف السحابه بالورد القحت

عن سواها فرقها بالقمر والنجوم
وكل عذرى تباها بالجمال انزحت

بالحلا هي كوم وباقي الناس كوم
كفتٍ عادلوها بالبشر وارجحت

لعنة العشق تبقى مثل ضرب السهوم
لو محى الوقت جرحه صورته ما انمحت

كيف ابنسى وانا اللي من جفاف لسموم
ماحشمت العيون ولا الدموع فلحت

 

[الموج]

ممكَن تجينيِ شويّ . . ؟
عطنيِ بَقايا ضيّ
ملّيت أنا العَتمه
وقَلبي تعبْ جَرحه !
ممكَن تجيني شويّ ؟!
محْتاجَه لعيُونَك . .
ألمَح بها نفْسيِ
محتَاجه لصُوتَك ،
أصرَخ وأدورّني !
صوتيِ أنا أخْرَس . .


* ارهاقْ !

 

[دنيا العطار]

[poem=font=",6,darkblue,bold,italic" bkcolor="white" bkimage="http://www.ab33ad.com/vb/mwaextraedit4/backgrounds/7.gif" border="double,6,green" type=2 line=0 align=center use=sp num="0,black""]


نزفت شعري من جرحي ومن ألمـي = ومــن شـعـوري بـآهـات المساكـيـن

ورثت أوزار من راحـوا وقـد تركـوا = طفـلا تعـثّـر بـيـن السـيـن والشـيـن

ورحت وسط ركام الزيف أبحث عن = مـاض تبخـر فـي فوضـى العنـاويـن

حتـى هــوى العـمـر أوراقــا كدالـيـة = تراقـص الـريـح فــي أيــام تشـريـن

والمـوت أقبـل نـحـوي باسـطـا يــده = لــه هــدوء كـمـا زحـــف الثعـابـيـن

يـا ربــة الشـعـر كُـفّـي إنـنـي بـشـر = - رغم التصبر- من ماء ومـن طيـن[/poem]






القصيدة للشاعر الأردني ، صبري الجابري