|[ هـَذا حلْمــيّ * ~

[الموج]

ضمنيّ مثَل الطّفل
الـ يحضن ألعابَه لصدرَه . .
وخبّني لكَ ، خلف ظَهركْ
وليّا اسْألوك
وش تخفيّ ؟
قلْ حلميّ ، !
ما ابيه يضيّع منيّ
ولا أبي غيريّ يشوفه / أو يحسه
قل حلميّ ، اللي متشبّث بكميّ
قل حلميّ ، وخوفيِ إني ما اصونه
ما ابيه يموتْ عندي ،
لا .. أنا أبيه يكبر
ثم يكبر
ثم يكبر
لجل لا صارت سنيني سوده بعيني
يضمني / يحتويني
هذا حلمي ، وش تبونه ؟؟
ليِش يعني تحرجُوني ؟؟
إيه أنا حلميِ بكفيّ ،
ولجل يكبر / بخفيه بوسط قلبيّ
وكل يومْ افتح له شباك / صدريّ
لجلْ يدري كيف أنا أبيه يكبر
لاجل لا مني بكييت يحتضني
يقول اصبر ،
بكرا احلى ، بكرا اجمل
لاجل يهديني ابتسامه
وفرحةٍ ماتت بوجهي
هذا حلمي ، وش تبونه ؟
خلكم ، بعيد عنه
لا تجوونه / وتقربونه !