من الارشيف: (( عشـق سـاره )) ..

[متعب المضعان]

بدون اي مقدمات

اليكم هذه المتواضعة التي انتقيتها

من ارشيف قصائدي

وهي للتواصل معكم من جديد

(( عشـق سـاره ))

[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
البارحة جالس انا وسط ميشار*=والكل حولي قام وإشتب ناره

وأركز دلاله والأباريق بالنار=ونقى من البن والورق في مهاره

ودارت سوالف كلها حكي وأشعار=بين الغزل والفوز وأيضا الخساره

ورجعت أنا الذكرى أنطوت وقت الاسحار=في يوم ٍ أشعث أغبر ٍ يامراره

ومنها تهيض خاطري غصب و إحتار=ومنها طرت لي سالفةعشق ساره

بنت ٍ جميلة ولا على حسنها غبار=فيها مذاهب بدونا والحضارة

عشق ٍ بدى بالعين وفي داخلي سار=عشق ٍ عفيف ٍ مابدى بالحقاره

عشق البدو عشق الوفا عشق الاخيار=عشق العنود اللي إمتلت بالطهاره

ماهو بعشق ٍ ابتدى بوسط له بار=عشق الغبا عشق الندم والخساره

وأوااااااااه ياحب ٍ عليك الزمن دار=وأنهى وصالك بالهوى في قراره

وفي يومها كن مركبي بالهوى سار=مركب غرامي والهوى هو شعاره

وأدري أنا إن البحر دوم غدار=مهما تشوفه صافيات ٍ بحاره

ودخلت أنا في مركبي مثل الأغرار=وجتني أعاصير ٍ تلوح بدماره

ومنها تراخى مركبي وسط الإعصار=وضيعت مساري وإرتطمت بحجاره

ومن يومها وفكري عليل ٍ ومنهار=ياكيف يجي يوم ٍ عليل ٍ نهاره

كيف ينتهي حب ٍ بدى مثل الأزهار=كيف ينتهي حب ٍ زرعنا بذاره

كيف ينتهي حب ٍ على جملة أعذار=كيف ينتهي بالله قولي ياساره

ووجدي عليكم وجد من ضيع الدار=يبي دياره ولالقى وين داره
[/poem]



*ميشار : هو المنتزه الوطني بمدينة حائل




اخوكم

متعب المضعان

 

[نايف السعدي]

متعب المضعان
اهلا بك وبتواصلك
دمت بهذه الروعه
احترامي

 

[نبراس المشعل]

مراحب تراحيب المطريا متعب

حضورك حضورالشعر ..

دام بوحك الراقي

 

[متعب المضعان]

المشاركة الأصلية كتبت بواسطة نايف سعود

متعب المضعان
اهلا بك وبتواصلك
دمت بهذه الروعه
احترامي

نايف سعود

شكرا ً لرقي مرورك

ودمت بخير

 

[ماجد صخنان العنزي]

متعب المضعان
صح السانك يالغالي
لازلت تذكرنا بروح الشعر الاصيل
وتجمع به مفردتنا الحديثه
مرضي جيلنا وجيل من سبقنا
لسهولتك صعوبه لايتقنها الا انت


اخوك /ماجد العنزي

 

[العـنود ناصر بن حميد]

متعب المضعان

حضور من نور

شكراً لتواصلك الجميل

وصح قلبك

 

[غنج نجد]

الشاعر الفاخر


متعب المضعان


وكما هــو انت ... تـأتي محمــلا بالشعر .. المطر
شكرا لهذا الكرم الحاتمي برحلتنا مع ســــاره
على ضفاف مشار وجبال اجـــا ......

صح الله روحـــك
وتحيتي لقلبك برائحـــة العود والكمبود

اختك

غنج نجد

 

[مشاري الشليمي]

متعب المضعان ..





( بس خلاص ) ..



هذا اللي اقدر اقوله على هـ النص اللي يعيد للـ جميع الذكرياات





يا للاسف فقد ادمعت عيناي من هـ النص



لا تكرر هذا النص حتى لا تكسب بنا ذنب في تقليب المواجع والذكريات