قــهـــر ولاّ ســهـــر .؟

[سطام الصعب]

اسمه مرادف للورود
........... وانا اعشقه حتى النخاع

لو ماله بكوني وجود
........... بضيع في دنيا الضياع

 

[سطام الصعب]

يراضيني بدلع ويقول : ( سامحني .. ونا الغلطان
........................ عصيت امرك غصب عنّي طلبتك قول : مسموحه )

ويبعد خطوه ثم يرجع ويسأل .. خاطرك زعلان .؟
........................ إذا زعلان ذي بوسه تطيّب جرحي وجروحه

بعدها .!
............ ضاعت علومي وقلت من الزعل فرحان
........................ تعال اقرب تعال اقرب لك أنت القلب ارجوحه

تبي تزعّل تبي ترضي كذا ولا كذا كسبان
........................ مدام الحل هو بوسه .. ترى زلتك مدموحه




ومن الحب ماطعج

 

[سطام الصعب]

مشكلة قافي حبيبي انّه ما يحشم حدا
..........// لا كبير ولا صغير ولا رفيق ولا عدو

:

اي شخصٍ بس المح نار حقده موقدا
..........// العب بحسبة كيانه وياجنوني اشهدو

:

ما نظمت البيت لجلك يا شبيهٍ للندى
..........// ولا حنيت الراس الاّ لربّي خلاّق البدو

:

كل طموحي انّي اوصل وتجاوز هالمدا
..........// ومسك القمّه بإيدي وغيري توهم يبتدو

:

مين مثلي بس يهمس يلقى للهمسه صدى .؟
..........// مين غيري هامته للسُحب والفعل ارعدو .؟

:

مو غروراً يشهد الله دامني بدرب الهُدى
..........// اي غروراً يبـ يجيني..( افهموني .. وركدو )





قـهـــر

 

[سطام الصعب]

لو للوفا قدر ومكانه لدى الناس .؟
.................... ما كان خلْ بيوم فارق خليله

 

[سطام الصعب]

يالله
طلبتك
ايـــه
فكّر
وبعدين ..؟

عذرك .!
ابيه اليوم .. اقوى من الإمس

خذ راحتك ../.. فكّر بعذراً وعذرين
...... دام الكذب ببلاش .. كذّب ولا تدس

لكن قبل لاتقول وقول هالحين
...... خذ من عروقي بيت ماجالك بهمس

لو ترفع الإعذار قدر المحبين
...... ما كان هذا القلب في كذبتك حس

 

[سطام الصعب]

مجنون اي بالله مجنون بالحيل
............... خصوص لامن شفت رمشك وروجك

ببقى معك لو صار دربي بهاذيل
............... باقي معك لو صرت بفراش زوجك

 

[سطام الصعب]

تلويصه سريعه






الدمع يتسامر معي ولاّ انا اتسامر معاه
....................... مدري .! ولَكن الإكيد الدمعه لعيوني نصيب

( الجرح يذبح لانزف ومرّه انسان ووطاه )
....................... وسأل مجرّب يالخوي ونسى اقاويل الطبيب

مقدر اكذّب يافهد وقول قلبي قد نساه
....................... وانا ادري انّه مبتعد ..//.. وحسّه لروحي قريب

خلني كذا ما اقتنع صحّك عيوني ما تراه
....................... والصح انّي محتظر وانتظر رجعت غريب

معاه ظايع
يافهد .؟
لا والله
انا ظايع بلاه
....................... اغيب لامنّه حضر
و
حضر ليامنّه يغيب

معاه ظايع
لابقى دمعي لجل اكسب رضاه
....................... بودّي لاكنّك تعرف الدمعه لمثلي تعيب

و بلاه ظايع
لا ذكرت الخد من جمب الشفاه
....................... لو انّي اسبح بالألم بلحظة كل جرحٍ يطيب

وغيب
لامنّه حضر والشر واظح في سماه
....................... موخوف.! لَكن مذهبي ماودّه يزعّل حبيب

وحضر
ليامنّه رحل وتبع طريقٍ قد مشاه
....................... بنّيتي شيٍ كبير .. والهروله ماهي لذيب

وقبل انتهي لي التفت وخذها عبارة بلون آه
....................... بصبر على جرحٍ نزف والله على فعله حسيب

 

[سطام الصعب]

الف مرّه قلت لك .!
خل العذر ../.. خل العذر
لا تعتذر لو بسإلك
ليه الغياب المستمر

من ثلاث ايام
و
الدنيا سواد
و
المشاعر
صابها ضعف الجماد
و
الليالي تمر بصعوبه
وإنت .!
اكذب عليك إن قلت لك
إنت ./. إنت