~ عســـاني عســـاني ~

[هنادي المطيري]

مسـائكم شعــر


،
،



يا ساقي الورد العطر .. ماسقــاني
........... وقّف عن عروقي / مـواصل معاليــه

يا وحشه غيابة / وقسوة زمـاني
........... وياشيب عمـرٍ اندفـن دون ماضيـــه

تاج المحبه / صاحبي / ماشناني
........... اللي شنى حظي زمانٍ أنا فيــه

حرم خفوقي فرحته .. والتهاني
.......... وفطم سعادهـ حب ماعشت حاليـه

والله مايمــدي لقيتـه وجــاني
.......... حتى حبيب الروح ماكان يمديه

وانقطعت الخدمه / على حد ثاني
.......... خدمه رصيد الشوق والحب والتيـه

ياني على حزني والأشواق ياني
.......... اسرح واتمتم حرقه البعد وابكيه

هو راح .. لكن .. باقيٍ بالمحاني
.......... ترك على [ وجنات عيني ] مواريـه

أشرف محبـه .. في وفـاها تفــاني
.......... وأنا على عهـدهـ وفيّـه وأراعيــه

وان قلت أبي غيرهـ عساني عساني
........... أموت قبـل ايدي تلامس أيــاديـه


،
،



اعتذر لـ غيابي وكل عام وانتم بخير

أختكم في الله
قلب الشعر