تصبح على خير ياللي نايم بصدري

[خالد بن منشار]

[poem=font=",6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
تصبح على خير ياللي نايم بصدري= عساك تحلم وتلقاني فيْ احلامك
بنطرك تصحى واشمّ انفاسك العطري =واحضنك وادفى واشب الضوّ بنسامك
بنطر عيونك تفوق اليوم ياعمري =وآشوف سحر العيون ونظرة سهامك
ببوس خدّك وابوس شفاتك الجمري =واكتب على قبلتك مجنون بلهامك
اموت بك عشق واحيا بك غلا عذري = اموت بك من شعر رّاسك الى اقدامك
ياحبني لك حبيبي يادفا فجري =يا اغلا من العمر عمري فدوة ايامك
خذني بياديك خذني حبك الطهري =لا من صحت عينك وظلّيت قدامك
خذني وطفّ الحريق اللي جلب قهري =اقتل هموم ٍ بصدري واذبح اوهامك
تعال نسكن هنا في صدري البحري=تعال نرسم على الأمواج سلهامك
اصحى حبيبي تراك اليوم في صدري= من امس نايم ابي تحكي عن احلامك[/poem]

 

[فهد الماجدي]

خذني وطفّ الحريق اللي جلب قهري
اقتل هموم ٍ بصدري واذبح اوهامـك


تعال نسكن هنا في صدري البحـري
تعال نرسم على الأمـواج سلهامـك


اصحى حبيبي تراك اليوم في صدري
من امس نايم ابي تحكي عن احلامك

الله الله

(ياشمس لاتطلعين اليوم)

التحيه والتقدير لك
,

 

[إيمان محمد ديب طهماز]

والله من أروع ما قرأت ياخالد

بحق قصيدة على منصّة الجمال

تتنفس بها المشاعر وتستريح

شهادتي مجروحة ياخالد

رائع والله

تقديري

 

[هجرس البدر]

اصحى حبـيبي تراك اليوم في صدري
من امس نايم ابي تحكي عن احلامك
*
ـ
تُلبس الذائقة طوق العاطفة بشعرُكَ هذا ياخالدْ

 

[أمجاد محمد]

-


نص فيه من الجمال والعذوبة الشيً الكثير
مذهل أنت

 

[منتهى القريش]

خالد بن منشار

هو لا يكتب الشعر فحسب ..
هو يرسم بالكلمات أجمل اللوحات ويلونها بإحساسه العذب ..

لك الود والورد ..

 

[هـيـفـااللاّفـي]

.
.
هنا اجتمع الجمال
صح احساسك ياخالد
وشكرا كثيرا

 

[شقران الزيادي]

فاتنة بحق ونوع فاخر من اجود انواع العطر / الطهر
سأشتاق لها كثيراً يا خالد
حتى اسمعها بصوت فارسها
الي ان نلتقي