بسيـــــطه ..

[فايز بن جبيل]

صباحكم مطر ... ال ابعاد

بسيطه .... للتواصل


وش فيه باقي لاتقولين مايصير

.......... صعبه بعينك وفي عيوني بسيطه !

تستكثرين الريشه اللي على الطير !

.......... والريش نبت جروحنا يا عبيطه

اجروحي اللي مالها عد تحصير

........... جرحً نضمد فيه وجرحً نــخيطه

وجرح عجزت اللقا له ايات تفسير

............ نقرب منه ولا قدرنا نـحيطه

جرحً بقلبي ما ارسمته المحابير

........... ليت الالم يرسم لنا هالخريطه

اليا ذبحنا الضمى نحفر البير

.......... والا البحر ماينشرب من محيطه

بعض الجروح تحيى بحشمه وتقدير

........... وبعض الجروح اتموت موته حطيطه

تصبح جروحك ياغلا بي على خير

............ ما دامها تمسي بقلبي سليطه

لي عبرةً ادفن وراها التحاسير

......... ولي نظرتن محروقتن مستشيطه

ولي قلب ماتلفي عليه التباشير

......... عــزي لحظً مايحرك زحيطه

ولي نفس ماترضى بذلً وتقصير

......... دربً خلا ولا دروبً خليطه

خالي سماي ولا نجومً مكاشير

.......... ليلً ظليم ولا ذليل المقيطه

ارقى بعيني عن رذال المعايير

.......... خوفً تشوف الساقطه والسقيطه

اما نســطرها ابليا مساطير

.......... مانرتجي للواسطه و الوسيطه

والا الرجا مافيه فودً وتبرير

......... الزنبــــلــيطه يا وعـــــــد زمــبــــليطه

اخذي حروفً سطرتها المقادير

.......... القاف بين والمعاني غويطه

واقرب جروحي خلها لك مشاوير

........ والمبعده للهاويه و الهـــــبيطه

يوم اتقارب مقفــــياتً مدابير

......... ويوم اتباعد يقترب لي شريطه

علمي بنفسي يوم اعد المخاسير

......... هذي تجي غصبً وهذي لقيطه

بس الوكاد ان مابقى شي مايصير

........ ومع غيرها هذي تهون وبسيطه






كل التقدير ,,

من الارشيف بتاريخ 1413ه

 

[محمد فرج]

اخذي حروفً سطرتها المقادير

.......... القاف بين والمعاني غويطه

واقرب جروحي خلها لك مشاوير

........ والمبعده للهاويه و الهـــــبيطه

يوم اتقارب مقفــــياتً مدابير

......... ويوم اتباعد يقترب لي شريطه

علمي بنفسي يوم اعد المخاسير

......... هذي تجي غصبً وهذي لقيطه

بس الوكاد ان مابقى شي مايصير

........ ومع غيرها هذي تهون وبسيطه

وإن كانت المعاني غويطة فقد لثمنا ألقا هنا
شكرا فايز
على القديم والجديد .
تقبل مروري .

 

[فايز بن جبيل]

وإن كانت المعاني غويطة فقد لثمنا ألقا هنا
شكرا فايز
على القديم والجديد .
تقبل مروري .[/quote]

هلا بك وبمرورك الغالي والعذب يا محمد

الف شكراً

ودي وتقديري

 

[أحمد الهايس]

ارشيفك من ذهب يا فايز
ياخي انت لك لون ورائحة وطعم ,, مختلف دائما ً ...

 

[عبدالإله المالك]

فايز ..

ليست بسيطة ولكنها كالبحر البسيط .. ليس اسمه دليلاً على بساطته ولكن الأمل يبسط ُ لديهِ.

ممتع حتى في ما مضى من خالياتِ السنين ِ

 

[فايز بن جبيل]

المشاركة الأصلية كتبت بواسطة أحمد الهايس

ارشيفك من ذهب يا فايز


ياخي انت لك لون ورائحة وطعم ,, مختلف دائما ً ...

هلا والله وغلا يا احمد مرورك نور وسطورك تثلج الصدر

اسعدتني الله يسعدك

الف شكراً

كل الامتنان ..

 

[فايز بن جبيل]

المشاركة الأصلية كتبت بواسطة عبدالإله المالك

فايز ..

ليست بسيطة ولكنها كالبحر البسيط .. ليس اسمه دليلاً على بساطته ولكن الأمل يبسط ُ لديهِ.

ممتع حتى في ما مضى من خالياتِ السنين ِ

نورت المتصفح يا عبدالاله ياهلا وغلا

كل الشكر والمطر على مرورك وشعورك الطيب

ودي وتقديري