كوني مع ربك
يا بنت مو زود الحــســــن بالـــدعـــــايه
زود الحســـــن تقوى وخجـــل يرتقي بك
صوني عــفـــافــك وامــنحيه الـــعـــنايه
وتجــــــــنبي درب الخــــــزايا يعــــيبك
ولا تســـمــعي للـــذيب هــــرجٍ وغــــايه
ولا تذعـــني لصـوتٍ سعــى لــك يذيـبك
خــبـيث بارع بالـحـــــكي و الــــــروايه
يحيك لـك غــــــدرٍ بعـــرضك يصـيـبك
يغـمـــرك باحضــان الدفــا والـــرعــايه
ومــــبيّت الـــنيـــه وظـــــنك حــــبـيـبك
مــاهي من الحكــمــه تغيب الـــــدرايه
ومــاهو من المنطــق هــوى يلتهي بك
النــفــس تامـــر بالخـــطــــا والغـوايه
وذنبك على جنبك وربك حــســـــيــبك
تمـــــســكي بالــــــدين أصـل الـهـدايه
وفعــلي الصواب وســـــدّي بابٍ يريبك
وكـــــوني مـــع ربك وحــتى النــهــايه
يرضــــيك ربك مــن جــــنانه يـثيـبــك
ليلى الوحيمد / شاعرة الإحساااس
آخر المشاركات
08-27-2011, 08:25 PM
كوني مع ربك
العرض الشجري