ترجعين .. لــ بيت بعيوني بنيته من زمان !!!

[ظافر الهرمسي الهاجري]

[poem=font=",6,blue,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]



ترجعين لبيت بعيوني بنيته من زمان =
من عروق اليآس وأحلام الجروح الطيبين =
ترجعين وكل ضحكة ما ضحكتيها بأمان =
في عيوني لو بكيتي لازم أنك تضحكين =
ترجعين بقلبك الطيب لأنه يوم كآن =
قلبك الطيب امان وقلبي الطيب أمين=
يوم كنا اثنين نتعاهد على صدق الضمآن =
قبل ما بعدك يطول وقبل مآصير السجين =
وآفي ٍ من قبل لآعرفك وأعرف أن الحنان =
يجبر الرجال يزعل لين رآسه ما يلين =
قد تعب ساقي وأنا امشي في دروب الامتحان =
أشتكى مني الصبر من يوم قلتي: (حالمين) =
كنك الأحساس في صوت الكمنجه والكمان =
والحنين أصله (أنــــا) أشتاق لكني رزين =
يعني أنـــــْــا سالفة تكتب بماء الزعفرآن =
يعني أنـــــْــا سالفة ترسم على بلورتين =
وأصبحت عندي الحياة أشكوك من كثر الرهان =
وأصبحت حريتي ( شك ) أيتحداه اليقين =
لين طاح الفارس أللي قاد خيل أبلا عنان =
وسط صدري له ميادين ورياحين وحنين =
كآن همه في رضاك وكآن همي ما يهان =
بس طآح وطآح بغيابك على رمل السنين =
ولو تحاشاني كلامك ( نظرتك.. تملأ المكان) =
وين ألد أعيوني الثنتين أشوفك لي تجين =
لي تجين وتقربين وتتركين الصولجان =
في خفوق اللي يحبك كثر ما ودك تبين =
وكلمتينك سارحه ما بين اذني وأللسان =
جيت أهجيها وكانت كلمتين (الله يعين)=
وكلمتيني ما نسيتيها وأنا أقسم بالآذن =
لوخذاك البعد عن عيني (مصيرك ترجعين)=
ترجعين ألبيت بعيوني بنيته من زمان =
من عروق اليآس وأحلام الجروح الطيبين =
ترجعين وكل ضحكة ما ضحكتيها بأمان =
في عيوني لو بكيتي لازم أنك تضحكين =
ترجعين بقلبك الطيب لأنه يوم كآن =
قلبي الطيب أمان وقلبك الطيب أمين =
[/poem]

 

[عبدالعزيز سحل]

ظافر الهاجري

صح نبضك

نص اكثر من رائع من الالف الى الياء

ورساله نبيله لمن يهمه الامر

مودتي

 

[حاتم منصور]

ياظافر

هذا النص العاطفي مبهر ومليء بالصور الرائعه والجميله
أسلوبك جميل جدا ً
وكم أشعر بالحرص على متابعتك دوما ً

رائع وأكثر ياأخي

مودتي

 

[نواف بن جارالله المالكي]

ظافر

أنا دخولي الى النت قليل
بسبب الملل والانشغال ..
وقبل أن أدخل اي موقع ادبي أدعو الله أن اظفر بالشعر

وظفرت به ياظافر ورب الكعبه

جميع الابيات تزاحم بعضها البعض على محراب الابداع

ولكن هذا البيت اريده توقيعاً مجيّراً باسمك لو سمحت

وآفي ٍ من قبل لآعرفك وأعـرف أن الحنـان
يجبر الرجال يزعل ليـن رآسـه مـا يليـن


هذا البيت وافق اشياء في نفسي

أو لها الاعجاب ،، واشياء أخرى

ظافر / ظفرت بالجنه ان شاء الله . آمين .

 

[الموج]

ظَافر الهَاجريّ ، صحَّ لِسانَك وكلَّك يا الشّاعر
ومَثلْ ما قَالوا " الصّمتُ في حَرم الجَمال جَمال "

 

[ظافر الهرمسي الهاجري]

المشاركة الأصلية كتبت بواسطة نومان سحل

ظافر الهاجري

صح نبضك

نص اكثر من رائع من الالف الى الياء

ورساله نبيله لمن يهمه الامر

مودتي

نومان

صح بدنك

والرائع حضورك

أهلا بك َ أخي وصباحك نور

 

[ظافر الهرمسي الهاجري]

المشاركة الأصلية كتبت بواسطة حاتم منصور

ياظافر

هذا النص العاطفي مبهر ومليء بالصور الرائعه والجميله
أسلوبك جميل جدا ً
وكم أشعر بالحرص على متابعتك دوما ً

رائع وأكثر ياأخي

مودتي

حاتم منصور

الرائع حضورك ومرورك ....

نهاري سعيد بقراءة تعليقك ....

والله لا يحرمنا هذا وجودك المفعم بالذائقة

لا هنت

 

[فاطمة ناصر]

قد تعب ساقي وأنا امشي في دروب الامتحان
أشتكى مني الصبر من يوم قلتـي: (حالميـن)

كنك الأحساس في صوت الكمنجـه والكمـان
والحنين أصله (أنـا) أشتـاق لكنـي رزيـن

يعني أنْـا سالفـة تكتـب بمـاء الزعفـرآن
يعنـي أنْـا سالفـة ترسـم علـى بلورتيـن

الله الله الله عليك
هطلت مطر من نوع مختلف
فـ أثلج كل زوايا القلب وبِتْ فرِحه
لروحك زهور الناردين