تَغْرِيبَــة !

[عمر المسفر]

.
.

لـ قلب الصديق مشاري النصير


وتضيع روحك .. بـ روحك .. حزنها مغري
ـــــــــ ألـ برزخة ( آه ) .. تنحـت فيـك تذكـاري !

مشكور ع الصمت من صدرك إلى صــدري
ــــــــــ ياخي ببيع الأماني .. ما أتخبر .... شــاري ؟

يغتال بوحه حنيـن الصبـح .. من بدري
ــــــــــ ما تنطقه .. غير .. زفرة جرحــه إجبــاري

في بوهتة خط .. ملحه ما نوى .. يسري
ــــــــــ ألا بمنديــل يركب وجنتـه .... عــاري

يا صاحبي ضجّ بي صمتك ولا .. ندري
ــــــــــ من فينا صاخب يقضّي الليـل سـهّاري

يالله عسى الله يعضّم أجرك و .. أجـري
ــــــــــ ماتت جميع المشاعر داخـل ... أشعـاري

في دفتري ذكريات الطيش من .. صغـري
ـــــــــــ ياهي تفض المشاعر لي لفى طاري

يا مشاري هذي المدينه من نفذ صبـري
ــــــــــــ وهي تهاجم حنيني .. ليييييييه يامشاري ؟

ما كنت أنا طفل فيها .. جزء من .. عمري
ــــــــــــ أو عمر لا هـ المدينـه .. كـل مشـواري

من شاغبت غيمه المنفى سما .. فجــري
ــــــــــــ وأنا أدور عذر .. في سلـه .. أعـــذاري

تغريبتي / قسمتي أو بالأصح .. قـدْري
ـــــــــــــ ما ضخت ألا بعين الحب إصـــراري

للنزف طارت قصايد تحضن .... القمري
ــــــــــــ فيها من الضيـــم والهجــران ... وأخبــاري

ألحين روحك بروحك حزنها ... مغري
ـــــــــــــ مابرزخت آه تنحت فيك ... تذكـاري ؟

.
.