اللوامة !!

[فهد دوحان]

:



[poem="font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]مرت علي اربعين من السنين تعـَدي=عديْ الذيابة وهي تنهب عشا ليلها
مابين مر ٍبحلق العمر وبين شهـَدي=تعلق الما بروحي ، واحتبس سيلها
اخطيت واذنبت واسرفت وتراخى جهَدي=بين اتخطى السنين وهي على خيلها
اركض وارد اركض اكثر ما ابي مقصدي=آصل بليــا يقين الا وانا امشي لها
عينٍ على الدرب وعين معلقة بالجَـدي =ارقب سماي وعيوني لدت سهيلها
اهيجن اليا طرا غالي وارد آحدي=اعبر فرات الليالي وآقف بنيلها :
اعد كم خطوةٍ ضاعت وهي تهتدي=واشوف كيف اهتدت خطوة على ميلها
ماخفت شي ٍوانا لو مابقى فـ بلدي=بلد ، وسوءاته المفضوح قابيلها
امد له من عيوني قبل مدة يدي=غربان الاعذار تحفر له واغني لها !!
ياعــالم بخائنــة عينــي وماتعتدي=ياسامع ٍ وسوسة نفسي واباطيلها
يارب ، وانت العليم اني ومن مولدي=وذنوبي اللي تطيش طيور ابابيلها
من الصّبا لين ما هد البياض اسودي=لاوزن الارزاق يشغلني ولا كيلها
تعطي بفضلك وعدلك كافر ومهتدي=سعى العباد بمناكبها ، وتحصيلها
ولا تدنس بشهوات الحرام جسدي=لاصارت ديون من يقدر على شيلها ؟
ولا تعديت حرماتك بعرض اجودي=وانا ادري بعاقبتها قبل لامشي لها
ولا ازكي عليك النفس يا سيدي=الكاشفة ســاق عن فتنة خلاخيلها !
المرسلة للغوايات ابرهتها فـَـدي=الهادمة كل بيت .. المطلقة فيلها !!
غنيمة الروح يوم اني اصير وحـَـدي=آنـس بتكبيــرة النجوى وتهليلها
اسوق ذنبي عليك وكـن اشــوف سْعـَدي=والنفس لولا طمعها فيك : ياويلها !![/poem]

http://www.alsabahpress.com/ArticleD...px?artid=59690