- 2 - [ You Tube ]

[الشعر الشعبي]

شُعراؤنا الكِرام ..
نَتواصَلُ مع حَرفِكُم العَاطِر بـ - 2 - [ You Tube ]
نَضعُهُ بينَ أيدِيْكُم لـِ تَمنَحُوهُ الاكْتِمَال .. بـِ شَعالِيْلِ ضَوئِكُم
فاسْرِقُوا مِنه اللقطَة المُناسِبة ../ واخلُقُوهَا شِعراً [ سَوِيَّاً ]




- 2 - [ You Tube ]

وَ لنَتَّفِقْ عَلى :

1. أنْ يَختار الشَّاعر مَا يُناسِبُهُ مِنَ القَوَالب أَي : عَمُودِيّةً كَانَتْ أمْ تَفْعِيْلَة
2. يَحِقَّ لَهُ أيْضَاً اختِيَارُ اللّقطةِ المُرادُ قِراءتها فِي مَقْطَع الفِيْديو بِحسبِ ما يَراه
3. لا تقل أبيات العمودي عن خمس أبيات والزِّيادة مفتوحة لـِ مَنْ أرَاد
4. بيْنَ فَتْحِ المُتصفح وَ إغلاقِهِ ثلاثَة أيَّام ، إذْ يَليْ ذَلِكَ ثلاثة أيام للتّصْوِيْتِ عَلَى المُشَارَكَاتِ .
ثمَّ يَومٌ لإعْلانِ النَّتِيْجَة
5. تُرْسَل المُشَارَكَات لِمُعَرِّف [ الشِّعْر الشَّعبي ] وسَيَتِم طَرحها تِباعاً فِي نفس المُتصفّح مُُرقَّمَة وبِدُون أسْمَاء
6. بَعد إِعْلانِ النَّتِيجَةِ سَوفَ يُنسَبُ كُلُّ نصِّ إلى صَاحِبِهِ
7. سَيَتمّ اسْتِبْعَادُ مَا اخْتَلّ وَزْنُهُ وَ اعْتَلّتْ قَافِيَتُه .

آخِر مَوعِد لاستِقبَالِ مُشَارَكاتِكُم :
يوم الثُّلاثاء السَّاعة [ 8:00 ]

اللهُم اسقِنَا مِنْهُم ../ حَتَّى نَرْضَى

.

.

 

[الشعر الشعبي]

[ 1 ]





[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]مدّ كفّك وخذني .. إنتشلني إليك=ضمني لك بحضنك ودّي أرحل معاك
مرّت سنين عمري وإنتظاري يبيك=من تحاكوا [ يتيمه ] طاح دمعي هناك
أسمع أطفال غيري تندهك تحتريك=تركض بشوق يمّك تختفي في مداك
وأختبي في مكاني أنتظرها يديك=تحتضني مثلهم تبتسم لي شفاك
" طفلتي ليش دمعك بلل العمر فيك=دام قلبي يحبّك خلّي حزنك وراك "
وأسرق الشوف منّك لين أضحك عليك=يومك تحس فيني " ياه م أحلى شقاك "
أصرخ بشوق " بابا " إنتظرني بجيك =حطّ كفّك بكفّي إحتياجي دفاك
كنت أحاكي طيوفك ب إمنياتٍ تبيك=اليتامى غلابا ليه ماارحل معاك[/POEM]

.

.

 

[الشعر الشعبي]

[ 2 ]



.

,

.
يتيمه ..
خانها المرسم ..
بركنٍ في طرف مأتم
جدارٍ مايحسّ ابها ..
ولا يحفظ لها ماضي ..
تلوّن به ..
وترّسم به ..
وتتطاول .. وتنثر به
دموعٍ حرّها لاضي
وتصرخ به [ يبه ] وينك .. !
ابي بس احضن ايدينك
وتقبض كفّها [ فاضي ] من الاحلام والفرحه
تمنّت شوفته .. لمحه
بياضٍ من سنا صبحه
يخلّي قلبها راضي ..
اثاري الموت يصلبها
يتيمه ..
خانها المرسم ..
بركنٍ في طرف مأتم
طباشير الفرح كذبه
تلون به .. ويشطبها ..
جدارٍ ما يِحسّ ابها
ولا يحفظ لها ماضي ..

.

.

 

[الشعر الشعبي]

[ 3 ]

:

يامدى الليله ويا زول الظلال
ياحزن منثور من لون الغلال
بـ انحطامي
بـ احتلامي
بـ ..عطا فيك\ رامي..!
واتبعثر في جفاءَ شفت حلمي فيه مال..

..
تسألني الألوان وينك..؟
والا رسمي مايمرك وسط عينك..؟
والا يعني انا أنام
صار يومي يشابه حمام
والأمال
شوف بالي في حياتي وارتماء بك محال ..؟

..
صبري بـ ألواني كسير
... ... ...لحظة..؟ وتكفيني تمر
رسمه تعني لي أسير
... ... ...عمري ..؟فـ باكر يمر

..
روف أرتمائي..
شوف مائي..
أحتمائي..
أنتهائي..
أبتدائي لـ مولد من.. تواصيف السؤال..؟

أنا للورده أحن
أنا للبسمه أئن..؟
هنا طاحت أشيائي..!
رسمت ألوان من بسمه
غفرت أمال محتشمه
ياويل عبراتي
حتى الركن..
لما كانت تعانيه الجفاف..
بس يسأل..؟
وينك..
وينك..
وتئن..

.

.

 

[الشعر الشعبي]

[ 4 ]


[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]تعلّمت أكتبك وأقراك على جدران غرفتنا =أضيّع حزني برسمك وأعيشك في دفا لوني
رسمتك يا يبه كثر الغياب وكبر ديرتنا =كثر ما يفرح إحساسي إذا ما فيك نادوني
رسمتك من حزن كانت تسولف فيه جدتنا=تناديني أجي أسمع وأتيه وتدمع عيوني
صحيح إني أنا الطفلة اليتيمة بين أسرتنا=ولكنّ اليُتُم أصبح كفيف بداخل جفوني
لأني كل ما أضوى حروفك وسط غرفتنا=أحس إنك معي باقي تنور عالمي وكوني[/POEM]





.

.

 

[الشعر الشعبي]

[ 5 ]


يُبَه
شْلونَكْ ؟
صَبَاحْ الخِير
مِشتَاقَه ..
يُبَه مِشتَاقْ ؟
تِفَكِّرْ بِي ؟
مِثِل مَانِي أفَكِر بِيك ؟
بَكّتْ عِينَك ؟ مِثِلْ مَا عِينِيِ بتِبْكِيك ؟
يُبَه فِي غِيبِتَكْ كُل الدَمِع حَرّاق
رَسَمتَكْ عَالجِدَار ... ومِنْ حَضَنتَكْ ضَاق
يُبَه كِل يُوم ..
آناظِر فِي السَمَا وأنسَاقْ
لَعَلْ لـ/رَجعِتَكْ بَارِق
يُبَه فِي غِيبِتَك
حَتَى النَفَسْ فَارِق
حَتَى الأكِل فَارِق
نُورْ الشَّمِسْ فَارِق
عَتم المِسَا فَارِق
لِيه يَا يُبَه تفَارِق ؟
إنتْ اِهتَنِيتْ بغِيبِتَك
وأنَا الضَحِيَه بَسْ
إلـ/كِلمِتَك


" طَالِق "

.

.

 

[الشعر الشعبي]

[ 6 ]

يبه وينك
تعال ابغى
عمري تحضنه ايدينك

على الجدران
اشوف ظلك
واركض لك
تحضن دمعتي بعينك

يبه وينك
جلدني صمت هالطبشور
جلدني فيه الأبيض
وانا طفله
تحني عينها برسمك
يبه .. ما أوجع الصوره
تعال ابغى اسولف لك
وانيمني على صدرك
تعال الحلم صحاني على صوتك
كذا موتك
جدار .. وضل .. وطبشوره؟

أجل ببكي
ولا بـ احكي
عن احلامي
تدري شنهي أحلامي؟
حقيبة مدرسه .. والوان وطبشوره

وتجيني إنت
إذا رن الجرس .. للبيت تاخذني
وباص المدرسه واقف
ولا اشوفه
واركض لك وتحضني
تحملني على ايدينك
واحس اني
بحضنك صرت عصفوره

.

.

 

[الشعر الشعبي]

[ 7 ]
[poem="font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]برْسِمْكْ واتْخَيلْ مِدَى كفّكْ (ا)قْريب=يومَ الزمَانَ ابْطِى وَلَا ردّكْ بْسِاع
يومكْ رحَلْت وطفلتك ترجيَ الغَيب=انَّه يِحنّ ويطفي دْموع مِرتاع ..
كم كنت أخاف انك بلا موعد (ا)تْغيب=شاقول لعيوني اذا نامت جياع!!
قلت ارسِمَكْ واحْضِنْكْ ياسيّدَ الطِّيب=لو كِنْت بالطَبْشُور وجروحي وْساع
لابدّ ما ألقى لي من ْكفوفك صْحيب=ياقف معي لا انتَثْرَت هموم و اوجاع[/poem]

.

.