تفعيلة الصمت

[سلطان الاسيمر]

[poem="font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ياشقى ذيك الليال القديمه ياالجديده "=" صوّر الواقع على ماتبيه بدون قيمه
كل ليل يخط بالروح لاوجاعي قصيده "=" وانتهيت وكل جرح ٍ بدا ينقض قديمه
ايه لو اني ما فكيت للمجمول قيده "=" كان ما شفت العواقب على الخافق وخيمه
آه يا قو المفارق على فرقا فقيده "=" لو يبل الجرد صمتي شطح للقاع غيمه
وين ابذكر كل لحظه وهو ذكرى واعيده "=" وين ابرحل والمشاوير فعيوني سقيمه
كم بغيت اجيب عيده وانا ماشفت عيده "=" صد ما كنه تركني على مركاة ضيمه
نعنبو جد الغلا ما حسب حسبة رصيده "=" ما معه تنفع مراجل ولا عقول ٍ سليمه
يلتحفني شي ٍ اكبر من البعد ومديده "=" واعتذر عن حرقة القلب لا شب بهشيمه
وكل طعنه احتضنها بها فرصه سعيده"=" يكفي اني اذبح شعور لعيونه واقيمه
والسهر لو صب الاحزان سهد ٍ في وريده "=" وش يفرّق قلب الانسان عن قلب البهيمه
ليه يا تفعيلة الصمت والحانه .. وبيده "=" صّدتك ذي سلطنة شعر واسوار ٍ عظيمه
اختلى فيها من البعد ( عرّاب ) ويقيده "=" نار شوقك . وارتحالك . وترويقة غريمه
كل هذا وانت ليل ٍ فهق عصر امس جيده "=" المواجع مالها حل يا مال الغنيمه
ذا سوال ٍ لا حكيته ولا فكرت ازيده "=" وذي دروب ٍ ما توقف على اول هزيمه
خل مالي من الطواري سوى الجرح وصديده "=" دام مالك بالحنايا سوى قدر وحشيمه
ذاك اخر ما نطقته وذاب الكون بيده "=" صدق مال الحب غايه ولا للرجل شيمه
اعترف ان المقادير اعذار ٍ بليده "=" قالها من كّذب احساس ينبض في صميمه
انتهيت من المعاذير وألحقت الوليده "=" طعنة ٍ لا هي بتبرى ولا من دون قيمه [/poem]