عارف سرور ..كلي لك وبسرور ...النزف الاول أهداء للنور عارف سرور

[فهد الغبين]

الاهداء الي البياض
في قلب ذلك الرجل بما تعنيه الكلمه
للسرور في قلبي
عارف سرور

في
السماء
في مدائن
لملمت للدين ..دائن
واصبح الديان
دائن
في السماء
من
بعيد
او بعيدك
من يعيدك
جيت
أعيدك
وجيت بك
أقراء
بعيدك
جيت أبقراء ..شي أخر
شي فيك
وش يعيدك
للي منك
وللي
فيك
شي ياعارف
يقول
لي ياعارف
كل ماقرا /به
يعيدك
من بعيدك
للخفوق
اللي يريدك
لقلب ما يكذب عليك
لدمك اللي لك واليك
لخيييييييييييك اللي
مايبيعك ..يشتريك
للي شعره لابدا لك
ياخي فيييك
جاء يبيك
مد / له عارف
إيديك
ولاتهاب
ما لهذا الذل عندك
لا ياعارف اي باب
أنا اعرفك
لا ياعارف
ما تهاب
مد له عارف
يديك
لانه اللي
مصطفيك
دون ايات مخلوق
وانت أخوه
وإن تحيزم بك
لقوه
سيف ما يقبل فصـام
حتى لو هو في خصام
وحتى لو هالاخ /صام
سيف صعبٍ ينثلم
لو يلم الهم
هم
مايهم السيف
دم
دامك إنت اللي
أخوووه
فلا يهم
ااه لو ماهم رموه
كان ما شفته يقول
ليه ياعارف
اااه ليه
ليه ياعارف ..؟
ليه ياعارف ..سكت
وانت بس اللي
شكيت
لك شعوري بكل
بيت ..ولا ابيت
الا اني أكتبك بسطور
بنزف قلبي وب الشعور
ساعة شعوري
سماه
من البياض بداخله
في كل حرف
له حضور
يملى حالك عتمته
لاجيت
باعارف سرور
نور
ويبتديك
من بياض ..بالسواد
ومن سواد
بالبياض
شفت فيك أنسان غير
يعني عارف
يا سرور
ياهو ياخي إنت غير
يعني ياعارف
سرور
فيك شي من الجنون
ياعني ياعارف
سرور
شي لكن .به فنون
هذا أنت ..هذا أنت
ياااا / عارف سرور
ساعة تلملم غباي
لا سقط بالسهو
نون
وتكتب أسمي
من رقيك في السماء
في سماء الماء
نون
يعني نفيك للغباء
بزود نون ..!
بلا إساء
لكل سكان
السماء
بدون اسم
للي ياعارف هناك
وأنت تعرف وين ..!
ياعارف سرور
في السماء
في زراق ٍ لملم شعوري
دماء
حيث ما لا ساء
ساء
وابتدا بالاسم سم
وسط فنجال القرابه
سم ..في فنجال ..دم
ومن غبائه مد يده
ماقدر يقول (أكرم)
وثم سمى
من شموخه
وابتدا لسمه ياخوك
يقبل يسمي بـ سم
وايتجرع
بالمراره ..كاس سم
في السماء
لجل ترضى هالنساء
ولا يهتم
حيث هم الهم
دمٍ
قال سم
وثم سمى
بالغباء فنجال
سم
لن من مده بيده
لي ياعارف ولد
عم
وابن دم
حيث هم
لا يعلمون ..اين أسرار
النساء
بين ( لم الكاف ) ساعه
وبين (ميم ) (الكاف )
باعه
إبن عم
مايهم ..دامهم بالهم ..هم
همهم (هــم )
يفرحون
يفرحون مايهم
عند ماهم يبداون
بقولهم ياخوك عني
عندما تقلب الن ..ياخوك
نال
من الالوف
لو شعل بصدور ربعه
في جهنم كل جوووف
بالحروف
بنار أوف
بيوم
نال
كل ماسمي إساء
ولا أساء
كل ماحاول يعوم
طاح بسيوف القرايب
كل ماحاول
يقوم
ورغم هذا ..ما يـكل
كل ما يطعن
يقووم
ولو بقاياه العظام
اللي لولها
الهدوم
كان طاحت ..يوم طاح
وجاء يقول
الن ..ساء
رغم ما جاله إساء
في السماء
قلهم ياخوك عني
في السماء
حيث لا يوجد ..نساء
المساء العف ..ترجمني غبي
بس مع هذا ياعارف
ما بخسني حق
نوني
فالغبي من قبل
نون
وجاء يقول
الغبين ..!
الغبي + نون
وهو غريب
الغبي ..في حور ..نون
نفي غباء الغبي
نون
ووسط عين
ولا يحور
وبحتجاج
بلا احتياج
لعالم فجه ..أُجاج
ياعجاج الفكر لملم
مابقابي من عجاج
لم أعد ذاك الجنون
الا لاني ..بـ ارتجاج
او بعالم من جنون
باجنون الفكر عارف
قلهم ياخوك
عااااااااااااااارف
يا زجاج
مالكم ..ماتفقهون
هذا ماهو من زجاج
ولا يتكسر
حتى لو قلبه زجاج
هذا هذا
اخو عارف
فهد
من جمع بالغبي ( نون)
دون مانتم
تشعرون
ولو قريته ..دون معنى
ماهو الا شرخ
بي بدا ياخوك
جرح
وصار ياعارف ياخوك
للعدا ياخوك
فرح
وابتدا بي
دون ما اشعر
شعر .. خارج هالشعور
شرخ لايمكن
يٌجبرّ
ابتدا بالقلب شرخ
من دمائي ..سال دمي
من الدماء
ثم تكون ااه ياعارف
ياخوك
وسط قلبي
شرخ
في وسطه ...زجاج
ماجرحني ..بس
لاكن
مابقى بي أي حس
يطرب للحن
الاماكن
وكل مافيها ياعارف
من عطر يملا الزوايا
دامنا أهل العطايا
مابقى ..غير النوايا
ااخ ياعارف ياخوك
اااخ من سود
النوايا
دام ..ما بالروح
روح
ياخي روح
ياخي روح
ياخي قلي كيف أروح
دام ما بالروح
روح
الا تتشظى شظايا
من الطعون
من الجروح
تكفى ياخي لا تروح
تكفى تكفى
لا تروح
والعب العب
بالجروح
دام كلي شف تشظى
وجاء شظايا
بنزف روح
من بقايا .صوت غنى
يا وطنا ..ياوطنا
شردونا من وطنا
من وطنى شردونا
واصبح الغرب بوطنا
ولا عطينا المنع ساعه
لان مافينا ..قطاعه
ودمنا محال عارف
لو غسل يصير
ماء
ولو هو ساعه
ولو زعلنا
ياخي ياعارف ياخوك
ياااااااااااااااخي ...بس ..!
بس .. بس ..بس ...!
ما لهذا الحلم ..علم
لملم أحزاني جميع
ولمني الى الضياع
وشافني ..ميت ولكن
ما قدرت أقول
لكن ...!
اااه ياعارف ياخوك
اااه من لكن يا اخوك
ماقدرت أقول ..!
كيف أقول أهلين ..لكن ...!
كيف أموت بذل ..لكن ...!
كيف أنادي الحق ..لكن ..!
كيف أعاتب ربعي
لكن
ما قدرت أقول ...لكن
لكن أسمعني ياخوك
حالف إني ما أصالح
حالف اني ما أمالح
حالف أني
ما اصالح ما اصالح
حتى لو موتي
ما اصالح
كنت أضن الحلم
ساكن ...في دماءٍ
من دمائي
تنتمي نفس أنتـ / مائي
ولالقيت
الا لكن
من البياض
تضخ دم
ولما أتم
من بقايا الهم ..غم
كل هم بي تسربل
جاء يعزي الاخ
هم
ولا يهم
الا من مثلك ياعارف
دم ..يشعر ..نزف
دم
ولا دعيت
ولا بديت
ارفع بصوتي واغني
قال من عدى على راس عالي
الا لك
يابعد راسي ومالي
كل ما برجمي
رقيت
ياخي قلي
قلي ياعااااااااارف
ياخوك
ياخي قلي ..!
قلي قلي
وين أنت ..؟
يوم طحت ..ومالاقيتك
وابتدت تكات صدري
بالثواني
تك ..تك ..تك تك
ولا شكيت
الا لك
ياخي قلي
وين أنت ..!
يوم طحت
اشعر بهذا الشعور
لين طحت
ااه مني
اااه ياعارف سرور
كيف طحت
وانت أنت
من يسكني
نور
تدري ليه ..!
لانك أنت اللي
وحيد
من جرى بوسط
الوريد
لنك أنت اللي
وحيد
بس
عارف
و
لان فيك من السرور
الف باب
وباب
من المعارف
لاطرقته
شع لي عارف سرور
باب
نور
وابتديه
..
من بعيد الذاكره
وكل مافيها
بعيد
جيت لك
كلي لك
ولا شكيت
ولو صرخ لك ألف عرق
ولا بكيت
لو تسيل الارض
دمع
من ماسي
جت براسي
والمصيبه ااه منها
يوم جت
ماجت الا
اااه منها
جاتني من أعز
ناسي
في حروف
سربلت بالاااه ..أوف
ولا تأوف صاحبك
لانه و بك
لابدا يكتب شعور
وابتدا من دون يشعر
بالسماء الخاليه من كل شي
من أنتقام الخي
خي
من الاساء
كل ماحاول ..هطول
من سماء
ما قدر ..يكتب شعور
بلا شعور
ساعة رقى
فوق فوق
للسماء
في مساء لملم الاحساس
ذوق
وقال لا ...لا
لا يا عااااارف
ياخوي
ما أصالح ..ما اصالح
حتى لو فيها اضيع
يكفي ياعارف ياخوك
من عطوك العز يوم
نفسهم (هم ) من رموك
من بني عمك
يجيك ..ب ابن / عمك
مر سمك
ولو يمر السم ..(ك)
مايمر ال سال ..(م)
ومن قديم
كان (كم ) الكاف ..ميم
ودون كيف
صارت الميم اللعينه
تطعن الكاف
بسيف
وتسقيه دواء ..سم
ياخي سم
واتعذر ..من يسمك
لو يحاول في يديه
كسر مرسم (كاف) (ميم)
بنزف أخر
كم نشى بالغيم (ديم )
ولا نوى يمطر ..ياعارف
جاله من الهم ( جارف)
وثم تبخر من جديد
للسماء
وجاء يقول
كي يسمك ب اسم ماء
من الحياء
وجاء
يسمك
ياخي سم
سم هذا السم
سم
ولن هذا ..سم دمي
جيت أسمي
ايه ب اسم الله بسم
دام هذا السم دم
غصب أسمي
غصب ياعارف أسمي
واشرب من الدم
سم
اااه مني
واااه منــ/ـهم
لابدوا بي يطعنون
ولملوحه يم / مر
دام مر / اليم / مر
ليه فيني يغرقون
كل ماسمي
بدم

اااه ياعااااااااااااااارف ياخوك
خالفوا كل الضنون
بين كان .. وأمر كون
ياخي ما اقدر أكون
ماهو بكيفي
يفقد النور ..البريق
ولا قريب يرتكي لي
لانعميت
ولا لقيت أيه صديق
يوم طحت
ولا نخيت
وينكم ياعيال عمي
ليه منكم ..شفت
سمي
هل لاني ..ما قويت
أفرح اللي يفرحون
لاطعنت ضهورك ..لو بالصدور
ليه قولوا
علموني عيال عمي
يادمائي هذا دمـي
سيحوووه ..وأملئوا منه التراب
وطالعوووه
ينبت الارض ببياض
الف قلب من القرابه
جو يجرون العتـابه
وينبت الحب بغرابه
رغم منكم جااا صوابه
ليه
قولوا ياقرابه
ليه فيني ..تطعنون
او تطيعون
الغرابه
وانا منكم
منسب ..ومربى
ودم
لا شكيت الهم ... هم
هم يكسر ..كل
ضيق
في خفوق ٍ من عناده
لو تويق
اااه ياعارف ياخوي
لو تويق
داخل ضولعي لقيت
الف بيت ...من المحبه
للي ..داخل ضلوعي
مشبه
يوم ..شاف المال
غنى
ايه غنى
لجل هذا المال أشبه
وبعد شبه مايهم
مابقى به اي
هم
مايهم ..مايهم
ولو أكبه ..وش يصير ..!
ثم كبه .. وافتخر في كب
دمه
لجل يرضي من لجاه
يقول عمه
اااه ياعمه ..مانتي والله خوش عمه
وبيا إنتي مادريتي
قلت أغنيها ياعارف
لجل أسلي صدري اللي
بي يقول
اليوم من لي
الا أنت
الا انت
يوم عزوه بوفاته
واستلم منهم عزاهم
وقال شكرا للعزاء
يا اعزاء بمماته
رغم انه رغم ذلك
جا يتقبل في عزاه
موت نفسه
وهوه حي ...!
من يعزي الثاني فينا
قل ياعارف من يعزي
ميت يعزي بــ حي
والا حي ..به يعزى
مات ..من ضيق الصدور
وتوه الحين بحياته
جاء يكفن كل معنى
يعني بذله حضور
وجاء يدور
في كفن أبيض سواده
من عناد ٍ ماقبل
عارف
عناده
ومن زناده
مد صدره للطعون
وجاء يقول
من يعزي الميت حي
ومن يقول الاااخ خي
ومن يقول الامي ..مي
الا من عاش
بشعوري
ينثر الماء في مدائن
ما قوت تنبت
زهوري ..يوم مت
وابتدوا ..في فقد ...نون
لملمة صدر الغياب
بغي أب
وجاي ينادي
يارباب يارباب
هل لرب الباب ...باب ..!
جاوبيني ...جاوبيني
يارباب
ام لباب الرب باب ...!
اطرقه لامن تعبت
جاوبيني يا رباب
هل لرب الباب ..باب
القى في طرقه ..جواب
بعد ما طال
الغياب
لابدا للنون نفي
ولا بقى بالفي
في
صدري الغبي
وجاء غبي
من دون نون
وكان أول ..اااه من أول
ياعارف
كان أول ..بس تحوول
يكتب أسمه
الغبيــ .... ويزيد
نون
وضاعت بليا ديه
واقتلوها
واقتلوه
ربعه اللي شف
ولووه
وفوق هذا
شف ياعارف
ماكفاهم
أصلبوه
وقالوا انه ...فاقدٍ نون
لــ أبوه
وجاء غبي
وكان أول ...مو رسول
الا نبي
يحمل بفكره شعوب
من مداين ..من سحاب
حتى ذاب
ويوم ذاب
شف ياعارف
كلبشوووه
ولا يتوب
اااه مني
واااه منك
ووواه ياعرف ياخوه
اااه منهم
من ولوووه
بس تدري ..وش حصل ..!
تدري ياعارف يا اخوووه
او يا اخوي
دامنا نفس الكيان
بحس ..يرفض
الا انه يا يكون
انسان دايم
والا مايكون انسان
حتى لو مات
ب زمان
ب لا
أمان
بس موته مايجيه
الا لانه
مثل مانت اتهقى به
مايموت الا
عزيز
تدري ياعارف يخوه
وش يقول
الغبي ...لا زاد ...نون
الغبين
جاء يقول
جا يقول
كل هذا الحب كله
وكل شي هنا لك
جاء ياعارف
في سرور
ومن خفوقي
جاء لك
في حروف جت
تقول
انت ياعارف سرور
كلي
لك
وبسرور
حتى لو ماني
بسرور
جت تقول
وبسرور
كلي ياعارف سرور
كلي
لك
ولو
بعدت

[POEM="font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]تشعب في صدر عارف فكرّ ماتقبل التصوير=من الأبعد ..لهذا الماء ..تسربل مائها لضامي
ضمى واستفرد حروفى عطاشى والضمى بال بير=ضمى من كثر مايكتب ضمى ومعاتبه غامي
ياعارف قلهم صدري قراح ولايزال كبير=وانا الماوي لما أكتب الي من ضيع الوامي
بعيدا ً ...ايه القلب الكبير اليا لفاك صغير=بعيداً ..ياعتب نفسي ..عن اللي صار ب أعدامي
هناك ..بعالم ٍ اّخر ..ولكن ياهو عارف غير=هناك بداخل صدور الضباب ..بعالم ألهامي
هناك بلحظة شعور السماء وفي سماء الزير=بعد ما احس ب الحامي ..تحاول قتل ..أحلامي
ياعارف ..! من يقول إنه ياعارف يب يجينا خير..؟=مدام الحامي الحامي ..ل ألحمي ماهو حامي ..؟
بعد ماكنت ياعارف أسوهج بالزريقاء ..عصير=غديت المرمى ل الرامي ..بعد ماكنت أنا الرامي
ياعارف لو عزف عود الضلوع الدندنه بيغير=مدام الامي الاّمك ..ترى الاّمك الاّمي
مدى ياعارف أفكاري مدى واليا نويت السير=يسير السير من دهنه ..ودهنه يطلب إبلامي
مدى ياعارف أفكاري مدى يم السماء تسير=قهر من سل في سل السيوف لسل ..أسقامي
شلع غيم الدخان اللي ضلوعي ولعته لكير=وأيقن بعدما الهب ضلوعي لااا ...ل إرغامي
مدام الفكر في كوكب سماه يعاند التدوير=يا أعلام القصيد أنتم هنا مانتم هنا أعلامي
ياعارف قلهم صدر حوى نجد وعبث بالدير=وانا ما دمت انا السامي أموت وفكري السامي
مدام الخير ..في كتم الشعور..! اقول لا للخير=يا اكرام ٍ نعيش أحنا ..أوإنا ما حنا ب أكرامي
ياعارف كلما أكتب على الكيبورد حرف يبير=لان القادم القادم بما أكتب ..ب أقلامي
مدام العير ..لو تحمل من الاسفار تدعى ..عير=ملامي للملا ...مي ٍ ضماه ..يغيث لوامي
ومدام الطير ..بي يكفخ ..أحب أعيش مثل الطير=ولا به خير من يطلق جناح ..ويبقى مترامي
يامدام الخير ..باسكات الحقيقه ..لاهنا للخير=ولو في بيتي السابع ..وزوده سبع ..مت/عامي
تتابع ضحكة أحلامي ..عليّ ..ولا تقول يصير=وش اللي صار ياعارف بصدر إنسان مو كامي
ياعارف ..يا اخي لحظة أبفهم ..لي متى التعزير=الم يأذن ل أخصامي ..تعوف الماء لاخ /صامي
ياعارف يالبياض اللي كساني بالبياض عصير=أهل من ينفي أوهامي ..هم أهلي داخل أوهامي
بعيده يامدى ذيك الغيوم ..ولا لحقك الطير=بعيده يانسانيس الشعور ..إيسلم احسامي
انا ياعرف المنفي من ربعه ..بلا تقصير=وانا المحتاج لنفاس الغياب ..ورقلة عضامي
ياعارف لحظة .أتركني بغني ياخلف مايصير=أهل يعقل يابن عمي ..تبيني اقول أعمامي
حمامه غردي لحن ٍ سكني ..واشدي به للبير=انا يابير ..من فاض بمداك ..وصار بك دامي
حمامه غردي لحن ٍ يقول إن الثواني ..تشير=الي موعد بدا أعدامه ..بداية بديه إعدامي
حمامه غردي لحن ٍ يقول لكل من في الـ(WERE)=تعالوا نعيش بحساس الكرام إن كنتم أكرامي
وتعالوا نكسر القيد اللعين ..ونطلب التغير=وتعالوا نقول لا للي يقول الراي ..إجرامي
مدام إنا ..بدا منا ..مدى ..مايقبل التقتيرعلام العالم (العالِم) تمسح ماطىء أقدامي
من الغيّابْ ..لحضور الغيـ/ـاب ..لسكرة التفكير=يصيح الفكر ياعارف ..ذبحه البارد الحامي
يااااااااااعاااااااااااااارف من يلوم اللي يحاول في سماه يطير=مدام الحج مايقبل ياعارف غير ..بحرامي[/POEM]

 

[نواف التركي]

فهد الغبين

أهلاً وسهلاً بك وبحضورك الأول , نصك المترامي الروئ والمتناغم الخطى كـ ما أنت جميل حضوراً وإيقاعاً .

ألف هلابك
في أبعاد أدبيه .

 

[عبدالله ثويني المانع]

..


ــ فهد الغبين ــ

أهلاً وسهلاً بك في أبعاد أدبية
نتشرف بحضورك ونحتفي بنورك


النقاء يستحق كل هذا
الوفاء ..

سلم فكرك
ودام تواصلك وتفاعلك


..

 

[عبدالحميد بن ناحي]

فهد الغبين

حضور أول جميل جداً

أنت مبدع يافهد

أهلاً وسهلاً بك وشكراً لك

 

[صالح العرجان]

هلا بصوت النجر وفوح الهيل وفنجال الشجاعه والكرم والجود


حفظكم التاريخ باهل العطاء وبصدري حفظتك ( الشيخ )




هلابك كثر ما حن غريب الدار لدياره

 

[هنادي المطيري]

،


{ فهد الغبين


اشتقت لــ نبضك حقاً
اهلاً بك من جديد / ونص جميل جداً
بـ مقام قلبك الراقي المليء بالشعر والمعطّر بـ العذوبه
من كريم إلى مستحق طبعاً



كل الاحترام ||

 

[شــمــ نـجـد ــس]

:

الشاعر فهد الغبين

قلم وفكر يجبركـ على المتابعة

بالأمس /لازلت أقرأه في إحدى المنتديات التي جمعتنا .

اليوم / اهلا وسهلا بكـ وبحضوركـ المضيء

سعداء آل ابعاد بكـ

 

[نـــجد]

إهداء شامخ لشامخ

يجمع أبجديات الجمال في ثناياه بكل التفاصيل

فهد الغبين
أبعاد لك أهلا