هات لي قصيدة وعلاقتك الـ شعريّة معها

[عبدالعزيز رشيد]

لـ [محمّد الدحيمي]
والله مافيه كلام ينقال إلا انّها تمثّل كل إنسان _برأيي_ من أقرب ماقرأت لـ نفسي لـ نفسي لـ نفسي

يعيـن الله يادنيــا تسـوق ايامها الاحزان
ـــــ يعين الله .. وانتي مثل قفـل ضاع مفتاحه
يعين الله .. وجروحي لها في كلّ وقت شان
ـــــ كذوب اللي يقول ان الزمن يـداوي جـراحه
سقى الله يوم انا يمه غريرٍ يزعـج الجيران
ـــــ سقى الله يوم انا طفل يصج البيت بصياحه
سقى الله يوم كان اقصى طموحي لعبة الدنان
ـــــ نهاية يومي المغرب .. واخاف الليل واشباحه
سقى الله يوم انا البسبشت ابوي وثوبه القيطان
ـــــ واقلّد كلّ شي فيه .. حكيه .. جدّه .. مزاحه
واشيل المسبحه مثله ليا هوجس وهو سرحان
ـــــ بيشعر .. واحسب ان اللي عطاه الشعر مسباحه
سقى الله بيتنـا ذاك البسيـط مشقّق الجــدران
ـــــ شجاعٍ يهـزم الغدرا .. يـقـنـديله ومصباحـه
تكحّلنا القناعه .. لاطمع .. لاهم .. لاحرمان
ـــــ واذا جالليل تكفّـينا ثـلاث اخوان طرّاحه
جميع الذكريات اللي غدت في قفرة النسيـان
ـــــ يحاكي حلوها عبره .. بموق العين سبّاحه
خذتني غربة عنوانها .. غربـه بلا عنــوان
ـــــ ابي عقب التعب راحه لقى فيني التعب راحه
رجعت اليوم مثل اللي رجع عقب القنص خسران
ـــــ غدى طيره وجا يسحب سلوقيّه وملواحه
قصيده مابعد مرّت ببـال مساعد وضيــدان
ـــــ هواجيس ابـدويٍ هايمٍ في عشق فلاحه
وروح ٍ تايبه كانت تبي لذنوبهـا غفران
ـــــ خطاي اني كتمت اسرارها بعيون بوّاحه
تقولين المطر ماهوب .. يمّـه دايمٍ هتّـان
ـــــ اجل معذور قلبٍ في همومه ضاعت افراحه
انا يمّه غلطت ولانـي اول واحدٍ غلطان
ـــــ ابونا آدم من الجنّـــه خرج باسبـاب تفّاحه
خذلك الوقت فيني ماخذلـتك ياأعز انسـان
ـــــ وش الدبره ؟ وحظّي صار قفلٍ ضاع مفتاحه

 

[عبدالعزيز رشيد]

الكريمة \ الريم
نور حضورك وجمال تواجدك أجمل شكر
كلّ الشكر لإضافاتك وأيامك أعياد مسرورة

 

[عبدالعزيز رشيد]

لـ [عبدالرزّاق الهذيل]
من آخر أشعاره هنا اجزمت بأن الشعر لايموت مع الكبر بل يقلّ وإذا ظهر ظهر بكامل هيبته ووجاهته ورجاحة نطقه وفكره , ومن حينها وأنا لاأؤمن بشيء اسمه موت شعر الشاعر

من خلقتي حاضر خيال وبديهه
ـــــ بس المحيط اللي به ابحرت خاين
ان قلتها واخطيت ماهي وجيهه
ـــــ وان صبتها ماصبت غير الغباين
في هالزمان اللي به الصدق تيهه
ـــــ أصبح به الصادق على الناس هاين
صار الظفر به للكذوب وشبيهه
ـــــــ ونال المحبّه والثقه كل خاين
وقتٍ تخالط عاقله مع سفيهه
ــــــ وضيّعت لي الحقّ والحقّ باين

 

[عبدالعزيز رشيد]

لـ [نور سالم]
رغم أنني أحب قراءة شعرها لكن لم يسبق لي وأحببت الرجوع والقراءة مرارا وتكرارا لـ نصّ لها كـ هذا النصّ بالذات.

هاتي لي _ الكوب والكافين
ــــــ والنور : وطي لي من ضيّه
وأن دقت الفاضيه : نسرين
ــــــ قولي لها ماني ابـ/ فيّه !
والباب اخذيــه بل ايدين
ـــــــ ايديني اليوم مو هيّه.
ابرتشف وحدتي : من حين
ــــــ مالي سوى وحدتي ليّه
ان رحت منّي بروح لوين ؟
ــــــ وان جيت أبلقاني : هنيّه
نفسي / ونفسي بها ضدين !
ــــــ لائي تنازع بيّ الـ / ايّه .
يمكن رضخت لحدى الوضعين
ــــــ واصبحت افرض على النيّه !
يمكن تعثرت بين وبين
ـــ واحترت فـ/ـ الشمس ! والفيّه !
يمكن خذاني بكى كهلين !
ــــــ وانحزت للطين والميّه .
ومروني الناس مغتربين !
ــــــ أجناب / واصحاب / وبنيّه
كانت تقول الوطن من وين؟
ــــــ كانت تفتش عن احجيّه
وكنت ارسم لجوعها صحنين
ــــ واطعم سراب الحكي = غيّه
من يومها / و السؤال ! سنين
ــــــ تكبرني وانحني بيّه !

 

[عبدالعزيز رشيد]

لـ [قسمة العمراني]
كلّما اشتقت لـ قراءة جديدٍ لقسمة إذ ان شعرها قريب لـ روح ذائقتي تذكّرت هذا النصّ إذ أنها خاطبت كلّ من يبحث عن شعرها لأندهش من قرب شعرها

الغياب اللي يجملني بنظركم
ـــــ أتركوه يعيد تصديري إليكم
أشتهي أغيب وإن غبت أفتكركم
ـــــ ويبتدي شوقي يتوجّد بي عليكم
والمراكب راسيه بي / فـي بحركم
ـــــ والبحرموجه رماني لـ شاطئيكم
والفؤاد اللي رميتوه ومكنتم
ـــــ واعلياواعليه يموت فيكم
وإن خطرتم أورحلتم أوسكنتم
ـــــ الخطاوي سايره بـي تقتفيكم
في غيابي أفتقد فـيّة قلمكم
ـــــ وتزهرحروفي على راحةأيديكم
وأتهجا دايم إحساس/ ن/ كتبكم
ــــــ لاذكرتوني وقلبي محتريكم
ياعساني وكل مافيني فدا لكم
ـــــ أنتم الأول وأنا أقف بآخريكم
والله إني كل ماغبت أنتظركم
ـــــ في إياب / يردّني/ في مقلتيكم
والغياب إن كان سافربي بعدكم
ـــــ يتسّكع بي ويأخذني عليكم
أتركوه يعيد ترتيبي بورقكم
ـــــ أتركوه يجيبني (قسمه) إليكم

 

[إغفاءة حلم]

المشاركة الأصلية كتبت بواسطة عبدالعزيز رشيد

لـ [قسمة العمراني]
كلّما اشتقت لـ قراءة جديدٍ لقسمة إذ ان شعرها قريب لـ روح ذائقتي تذكّرت هذا النصّ إذ أنها خاطبت كلّ من يبحث عن شعرها لأندهش من قرب شعرها

الغياب اللي يجملني بنظركم
ـــــ أتركوه يعيد تصديري إليكم
أشتهي أغيب وإن غبت أفتكركم
ـــــ ويبتدي شوقي يتوجّد بي عليكم
والمراكب راسيه بي / فـي بحركم
ـــــ والبحرموجه رماني لـ شاطئيكم
والفؤاد اللي رميتوه ومكنتم
ـــــ واعلياواعليه يموت فيكم
وإن خطرتم أورحلتم أوسكنتم
ـــــ الخطاوي سايره بـي تقتفيكم
في غيابي أفتقد فـيّة قلمكم
ـــــ وتزهرحروفي على راحةأيديكم
وأتهجا دايم إحساس/ ن/ كتبكم
ــــــ لاذكرتوني وقلبي محتريكم
ياعساني وكل مافيني فدا لكم
ـــــ أنتم الأول وأنا أقف بآخريكم
والله إني كل ماغبت أنتظركم
ـــــ في إياب / يردّني/ في مقلتيكم
والغياب إن كان سافربي بعدكم
ـــــ يتسّكع بي ويأخذني عليكم
أتركوه يعيد ترتيبي بورقكم
ـــــ أتركوه يجيبني (قسمه) إليكم

أشتقتها وربي ...
لاعلاقة تربطني بها سوى قصائدها ..
ولا أعلم سرّ حبي لها ولقصائدها ...

عبدالعزيز رشيد ...
كل الشكر لك ..

 

[عبدالعزيز رشيد]

لـ [وحيدة السعوديّة]
أذكر قبل كم سنة نظمت مجلّة فواصل مسابقة وفازت بها هذه الشاعرة رغم وجود العديد من الأسماء الكبيرة _فعلاً!_ ورغم ذلك اختارتها اللجنة وفعلا كانت اللجنة عادلة قرأت الأبيات الفائزة_ عبارة عن 8 أبيات تكملة لـ بيتين بنفس البحر والوزن_ فكانت مذهلة وزاد ذهولي بعد قراءة اوّل نصّ نشر لها بعد المسابقة لـ أرى بامّ عيني جدارتها

يا ساري الليل ليلة خافقي غَلْسا
ـــــ تناوشَته الجروح سمال وِجْدادِ
ويش آتذكَّر لكل الناس ويش أنسى
ـــــ هو نازف الجرْح عمره جَفّ بفوادي
واللي قسا اليوم له من أمسي الأقسى
ــــــ تخالفوا بالمناظـر بسْ الاوغادِ
يا راعي الفزعه أرْيَا خاطري عَمْسا
ـــــ ما جَفّ وادي غـثا إلاّ سال له وادي
والصبْح مبطي وانا طاوَل بي الممسا
ـــــ والرَكب دوني يشمّل وجهه الحادي
حَلَفْت ما لي على هالسانيه غَرْسا
ـــــ ولا ني بشاري بـلاد وْبايع بلادي
والكلمه اللي وراها تِبْذَلْ النَفسا
ـــــ لا بد تظهر ولو فـي وَجْه جَلاَّدي
الله خَلَقْني ولي بالمَرْجله مرسى
ـــــ والله خلَقْني ونجمي بالسما بادي
وان هَزَّعْ الغصن منّي ناعِمْ اللمسا
ـــــ ما زَلْزَل القلب منّي سيفك العادي
شرِبْت فنجال جورك مير لا تقسى
ـــــ ماابليت عَـزْمي ولو يبلنّ الاجسادِ
والمورِدْ اللي تجي به حَيّة الرّسا
ـــــ دونه بـ اْرِدّ الذلول وأركي شْدادي
إن ناشني نابها لو راسها مَلْسا
ـــــ ماني بناجي ولو دَقّيت الاوتادِ
أبا ترَحّل عساني أطْلِقْ الحِسّا
ـــــ من قيدك الصلْب واقدَحْ تحته زْنادي
يا ساري الليل قافك لا يجي هَمْسا
ــــــ الليل به وحشة السارين تزدادِ

 

[عبدالعزيز رشيد]

لـ [فهد عافت]
نصّ ((أشياء)) صار لي أكثر من سنة وأنا أبحث عنه دون جدوى فقط عثرت عليه ناقصاً ولم استطع العثور عليه ):

؟