سوالف عرب على جال (نقدهم) *

[صالح العرجان]

المشاركة الأصلية كتبت بواسطة عبدالعزيز رشيد

هلا:صالح ..

بديهيّ أن تجد _أغلب_ مانقدّمه _من نصوص_ بساحات النتّ فأغلب الأمثلة هي لشعراء كبار هم واجهة القضيّة وهم مايعنينا أمرهم أكثر عدى عن أحداث وقصص نضيف عليها ماعلمنا ومالم يُعلم,حتّى أشعارنا ترويها ألسن "النتّ" (": , أمّا بخصوص ماتخفيه صدور كبارنا ماأتذكّره وأستطيع جلبه ساطرحه لخدمة الموضوع طبعا .

من بغاك ما عذرك

ومالك عذر عن صدور الكبار ودفاينهم

ربي يسعدك قل آمين

 

[عبدالعزيز رشيد]

هلا صالح

للكلّ عليّ أفيد الموضوع وبنفس الوقت أحاول أجيب نصوص "النتّ" محروم منها (":

 

[عبدالعزيز رشيد]

سليم بن عبدالحيّ شاعر الأحساء ربّما هو غير مشهور لكنّه ندّ لمحسن الهزّاني وشعراء كبار آخرين كانوا يسندون عليه ويردّ عليهم لكن الغريب أنّه لم يشتهر! وربّما هذه سمة شعراء القرى غالبا وخاصة الأحساء مثيرا مايجلّ أهل البادية شعراؤهم لكن ذلك لايحصل مع شعراء القرى بالرغم من كونهم لسان حال بلدانهم الناطق والمخاطب للملوك والأمراء وهذه القصيدة التي سنوردها له دليلٌ على ذلك بعد أن أخذ الإمام فيصل أموال أهل الاحساء عقابا لهم كتب سليم بن عبدالحيّ للإمام مخاطبا وطالبا الصفح عنهم ودافع عنهم كان المتحدّث باسمهم تماما كما كان محمّد العوني مع أهل القصيم ومبيريك التبيناوي مع جزء من شمّر لفترة وقال سليم بن عبدالحيّ*:


[poem="font="simplified arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
واعلّة الدار جت من جوف امعاها=شالت على كتفها حتف بلواها
قيل ان ذا الجور من نصيف ساكنها=ياويلها ان ثبت من بطش مولاها
ان افسد القوم في دارٍ يعم بها=خسف بحيطانها مع ساكن حماها
اف لمن لايحاذر بطش خالقنا=ومن غاض العلم في غير الجدا تاها
والخاسر اللي تعدّى السنّة الغرّا=والشرك راس الكباير منه منشاها
دار الحسا رميت التهمه بجانبها=واستأثروا عمدة التوحيد مأواها
شبه لهم حظّ حرفٍ من كيانها=كنّه قلم فاسق عدواه ابداها
ماوالذي كون الكونين واوجدهن=ربٍّ عليمٍ بىخرها ومبداها
ان بان ذا العالم من داري لفارقها=ايضا ولايجتمعلامي بلاماها
مايقتضي حظّ نفسي ان أقيم بها=حاشا ولااجاور الملحد بمرباها
ساداتنابالهدى ظنّوا بذا فينا=بانت لهم شبهةٍ فينا محاذاها
اترك بنا الظنّ ان الظنّ اثمٍ جا=في محكم القول اوحى به طاها
ان تبغون بالميثاق نرضيكم=بالله ياذا محال ليس نرضاها
ولا الخصومة على المشروع تجمعنا=وطريقة المصطفى يازين مجراها
يامن عطاه المولى قبضة ولايتنا=وسمى امام بعين الدين يرعاها
يانجل تركي يافرع الندا يامن=سميت في رتبة الجودا بعلياها
يافيصل الصارم الماضي على الأعدا=كلّ اسوة تنكر المشروع تنفاها
انت التقي النقي وانت الذي تنفي=عوج المظالم ولاترضى بفحشاها
بك شارة الدين امام المسلمين احلم=على رعاياك واحلم في موالاها
سكّان هجرٍ رعاياك الضعوف اشفوا=في وهبةٍ منك مجراها ومرساها
يرجون جودٌ هقوا به من صخى نفسك=وشافوه يجري بيانٍ في سجاياها
من كلّ يتيمٍ وطفل وحرمه رملا=لله من ضيعو بحماك ملجاها
العفو واللطف الجميل اضحى=في تاج هامه حبالك لان مطواها
ارجع ذكى الوفى والحلم من طبعك=واحلم على امة يعناك معناها
وتصديقك الشكّ ماياجب ولاتابى=انص الشريعة وخذ من عين مرماها
واترك بنا الظنّ الا ان تبيّن لك=من روح خبث النفاق فجد علياها
وارحم مسيثي عرف طبعك فلاتاخذ=بعقوبة المحسن لحسناك يرجاها
تقول دار الحسا جت بيت مال لي=غرايس الغين وانهارٍ جرى ماها
وبيوتها خذ سعود شرط جايزها=وصارت حلالٍ ملكها حينما جاها
وانا على عقدها الأوّل براجعها=في مقتضى الشرع حل الام جمعاها
نقول حقّ فلكن صارت الهدنة=وجاها كف الردى كشف مغطاها
وكل رجع في المقام الأولى منها=وانقاد فيها مسام البيع واشراها
ثمّ اتاها أبوك وشدّ مرتبها=وعطا عليها اهلها حينما جاها
وعطيت الأب مثلك مايعارضها=حاشا عليك القطاعه مانت ملفاها
ولاتخلت عن التوحيد فطرتها=ولاتغيّر عسل صافي مصافاها
فما نخبر جنابك وانت به ادرى=لكن دام عزٍّ بها لازلت مشكاها
واسلم بخير بجانب دارنا تحظى=بالعزّ تأمر بطاعتها وتنهاها
صلّى الهي على المبعوث سيّدنا=عدّة نجوم بغدر الميل يزهاها
والآل والصحب ماقال الأديب بها=ذا علّة الدار جت من جوف امعاها
.[/poem]

*القصيدة من كتاب:خيار مايلتقط من شعراء النبط لعبدالله الحاتم

 

[عبدالعزيز رشيد]

عندما سال المذيع مخرج مسلسل"الزير سالم" عن المصادر التي سوف يستعينون بها لإيراد الأحداث قال:بأنّه لن يلجأ إلى المصادر التاريخيّة بل سيلجأ للمصادر الشعبيّة والفلكلوريّة المرويّة كونها أقرب للإمتاع وأصلح للمسلسلات المتلفزه,ولهذا السبب رأينا المسلسل يخالف التاريخ والمعروف كثيرا كثيرا من اسمه "سالم" وكان اسم المهلهل "عديّ" وصولا لكتابة كليب بن ربيعة "لاتصالح" والتي كتبها قبل موته إلى الأبيات المختلف نسبتها (من مبلغ الحيّين أنّ مهلهلا:لله درّكما ودرّ أبيكما) قيل بانّها للمرقّش وليست للمهلهل,أشياء كثيرة بالمسلسل خالفت التاريخ والواقع ومارأيناه لم يكن مؤلّفا من فريق العمل بقدر ماكان مؤلّفا من الموروث الفلكلوريّ والحكاوي المحكيّة عن قصص البطولات وأيّام الجاهليّة - الغريب أن يؤلّف كتاب يحمل اسم المسلسل"الزير سالم" وصورته ليحدث تداخل بين المهلهل الممثّل والمهلهل الحقيقي

 

[فاطمة العرجان]

المشاركة الأصلية كتبت بواسطة عبدالعزيز رشيد

عندما سال المذيع مخرج مسلسل"الزير سالم" عن المصادر التي سوف يستعينون بها لإيراد الأحداث قال:بأنّه لن يلجأ إلى المصادر التاريخيّة بل سيلجأ للمصادر الشعبيّة والفلكلوريّة المرويّة كونها أقرب للإمتاع وأصلح للمسلسلات المتلفزه,ولهذا السبب رأينا المسلسل يخالف التاريخ والمعروف كثيرا كثيرا من اسمه "سالم" وكان اسم المهلهل "عديّ" وصولا لكتابة كليب بن ربيعة "لاتصالح" والتي كتبها قبل موته إلى الأبيات المختلف نسبتها (من مبلغ الحيّين أنّ مهلهلا:لله درّكما ودرّ أبيكما) قيل بانّها للمرقّش وليست للمهلهل,أشياء كثيرة بالمسلسل خالفت التاريخ والواقع ومارأيناه لم يكن مؤلّفا من فريق العمل بقدر ماكان مؤلّفا من الموروث الفلكلوريّ والحكاوي المحكيّة عن قصص البطولات وأيّام الجاهليّة - الغريب أن يؤلّف كتاب يحمل اسم المسلسل"الزير سالم" وصورته ليحدث تداخل بين المهلهل الممثّل والمهلهل الحقيقي

ولذلك لاتوجد لدينا مسلسلات تاريخية بالمعنى الحقيقي للتاريخ ,
لأن المصادر غير معتمدة ولا موثقة وإنما هي حكايات مروية
من جيل لآخر وكل منهم يزيد وينقص في روايته ليتشابه القول
على المشاهد بين مايقرؤه في مصدر معتمد ومايشاهده في مسلسل
يقال عنه بأنه [ تاريخي ] ..!


عذراً للمداخلة أستاذ عبدالعزيز
- متابعة -

 

[عبدالعزيز رشيد]

هلابك:فاطمة

كون تلك المسلسلات تأتي خلال شهر رمضان كـ "ترفيه" لن تكون هنالك اهميّة للتفاصيل لتاريخيّة "الصلفة", مممممم وللأمانة المسلسلات المصريّة هي الأكثر جديّة من ناحية المصادر التاريخيّة,سررتُ بمتابعتك كثيرا أختي .

 

[عبدالعزيز رشيد]

عبدالرحيم المطوّع أو مطوّع أشيقر قصّة مشهورة وأقرب للأسطورة حسب تعبير الأكثريّة كونها عجيبة وكأنّها لـ"مجنون ليلى"! الحكاية مختصره أنّ عبدالرحيم أحبّ بنت دونه بالنسب أو سمراء وتزوّجها _سرّا_رغم معارضة أهله وأقربائه وزاد تضييق الخناق عليه عندما عرفوا بامره وأخذوه معهم _ليرغموه على تركها_ بعيدا عن بلدتهم وعندما اصطاد ظبيا كتب بدم الظبي قصيدة ماإن أنهى بيتها ليأتوا إليه وقد فارق الحياة,طبعا الحكاية تختلف من مصدر لمصدر بل لاتكاد تستقرّ على بضعة أحداث متّفقٌ عليها إلا الزواج رغم معارضة الأقارب, لمجنون ليلى حكاية مع الظبي ولمجنون ليلى حكايا تشبه برومانسيّتها حكاية عبدالرحيم المطوّع لكن الغريب أنّ هنالك الكثير من المؤرّخين من ينكرون وجود قيس بن الملوّح من الأساس! ويزعم أنّ القصائد لغيره وإن وجد يصرّون على أنّ القصص ماهي إلا اختلاقات ومبالغات وهنا قصيدة مطوّع أشيقر _والتي تختلف من مصدرٍ لمصدر كعادة القصائد القديمة جدّا_ :

[poem="font="simplified arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

يقول التميمي الذي شب مترف =مدا العمر ماشا في زمانه جاه
ياراكب ياللي من عقيل تقللوا =من نجد الى الريف المريف مداه
حدروا بنا من جوعكل وقوضوا =على كل هباع يمد خطاه
علاكم تجد السير لكن وصفها =على قطعة البيدا وكثر اسراه
صريمة ربد حدها جال تيما =على الأرض من عالي النبا بوطاه
فلما جو الدهنا والأنسان ماله =ملاذ وماكتب عليه وطاه
لقو جادل في زربها مستكنه =حماه من لفح السموم ذراه
غشاها لذيذ النوم والنوم قد غشا =من القوم حذر وايتليه عداه
فقلت لأخواني ومثلي ومثلهم =يشكي إلى من الزمان وطاه
دعوها سبيل كود من ذي فعايله =يجزى على فعله يشوف مناه
ياشمل يامأمونة الهجن هوذلي =إلى دار من صعب على لقاه
ادقاق حجل اطراف ياناق وان طرى =على البال زاده من عناه شقاه
لعل قصر حال بيني وبينها =لنجم من المولى يهد بناه
أبغى الى هد العلا من قصورها =وذهلن عطيرات الجيوب حياه
يظهر عشيري سالم من ربوعها =هذاك مطلوب الفتى ومناه
الا واعنا عيني إلى ريت صاحبي =جضيع لغيري وأحترمت لقاه
سيره ممروع لغيري ويهتوي =وساقيه ما ينحى علي بماه
دع ذا وسل رب الملا في محلتم =سرى يشعق بظلما شعاع سناه
لاكن بأمر الله تطلق ركونه =عزايله وصف السحاب رداه
حوراك تبن والذراعين زجهن =من الريح زعاج وطار سناه
وطا ماوطى واللي وطا مابعد وطا =غطا ماوطا واللي وطاه غطاه
محا ما محا واللي محا بعد مانحا =محا ما محا واللي نحاه محاه
عصا ما نصا واللي عصا بعدما نصا =نصا ماعطا واللي عطاه نصاه
وان كان لي ظن وهاجوس خاطري =قد حال بين البازمين غشاه
من باعنا بالهجر بعناه بالنيا =ومن جذ حبلي ماوصلت رشاه
الا قفا جزا الا قفا ولاخير في فتى =يريد هوى من لا يريد هواه
خليلي يشادي خاتم العاج وصطه =قول انفرج لولا البريم زواه
خليلي خلا قلبي من الولف غيره =عفت الأخلا والخدون حذاه
خليلي لو حال البحر بيني وبينه =ذبيت روحي فوق غبة ماه
خليلي لو يرعى الجراد رعيته =أهظله من حشمته ورضاه
خليلي لو يزرع ازيرع سقيته =من الدمع لوشح القليب بماه
خليلي لو يبذق على الشري ريقه =غدا عسل والتاجر يزيد شراه
خليلي لو ياطا قبر ميت =بأمر الولي حكاه حين وطاه
خليلي لو يطا على جمرة الغضا =وطيت في رجلي تبع ماطاه
خليلي معسول الشفاتين فاتني =كما فات لقاي الدلي رشاه
كن عن صغير السن حذر ولاتكن =دنوع إلى شفته بسن سفاه
وإن كان ما جاوز ثلاث مع اربع =وعشر فلا يشفي الفؤاد لقاه
تعاديه ما يدري وتصافيه مادرى =وما سمع من غالي الحديث حكاه
عضيت روس انملي بنواجدي =وقلت آه من حر المصيبه آه
لو أن في قول آه تبري علتي =كثر أن في ضامري قول آه
الأيام ماخلن على حد ماكونه =ومن لاكونه عابيات عباه
.[/poem]

.
دائما ماتشي القصائد بحقيقتها في كلّ شيء

 

[عبدالعزيز رشيد]

قصيدة أرسلها الشاعر:محمّد أبودباس من بلدة العودة بالسدير لإبنه في عُمان:
[poem="font="simplified arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يا ونةٍ ونيتهـا مـن خـوى الـراس=من لاهـبٍ بالكبـد مثـل السعيـره
ونين من رجله غـدت تقـل مقـواس=ويوّن تالـي الليـل يشكـي الجبيـره
ويا حمس قلبي حمس بـنٍ بمحمـاس=ويا هشـم حالـي هشمهـا بالنجيـره
ويا وجد حالي يا ملا وجـد غـرّاس=يوم اثمرت واشفا صفـى عنـه بيـره
من ثمر قلبـي سـرا هجعـة النـاس=متنحـرٍ دربٍ عسـى فيـه خـيـره
الله يفكـه مـن بـلا سـو الاتعـاس=ومن شـر عبثـات الليالـي يجيـره
فى ديـرةٍ تقطعـت عنـه الارمـاس=سبعيـن يـومٍ للركـايـب مسـيـره
لا والله إلاحـال مـن دونـه اليـاس=حـط البحـر والبـر دون الجزيـره
يالله ياللـي رد مـن عقـب ما يـاس=يوسف على يعقوب وابصـر نظيـره
ترد على دباس يا محصـي النـاس=يا عالـمٍ مـا بالخـفـا والسـريـره
يا دباس أنا بوصيك عن درب الادناس=ترى الـذي مثلـك يناظـر مسيـره
عليك بالتقوى تـرى العـز يا دبـاس=فى طاعة اللـي مـا ينجيـك غيـره
هاذي ثمان سنين من رحـت يا دبـاس=لا رسالـه جتنـي ولا مـن بريـره
يا دباس من عقبك ترى البال محتـاس=وعليك دمـع العيـن حـرّق نظيـره
وعليك كنى فى دجـا الليـل حـراس=أصبح على حيلـي وعينـي سهيـره
أصبح انا مابين طـاري وهوجـاس=وطـواري تطـري علينـا كثـيـره
مثل الوحش قلبي على كـف حبـاس=يكفخ كمـا طيـرٍ اسبوقـه قصيـره
متحيرٍ من عيلـه البيـت يـا دبـاس=ارجى ثـواب الله وأخـشى المعيـره
أخاف من حكي العداء ثـم الانجـاس=أهـل الحكايـا الطايلـه والقصيـره
ويقال خلا عيلته عـنّـز الـراس=أقفـى وخـلى عيلـةٍ لـه صغـيـره
والا فأنا يا بـوك قطّـاع الارمـاس=مانيب مثبـورٍ أو رجلـي كسيـره
آصلك لو دونك نبا حمـر الاطعـاس=الصلـب والصمـان دروب عسيـره
مهالـك مـدارك مـا بهـا أونـاس=ألا الثعـل والبـوم تسمـع صفيـره
لو كنت فى نزوى وديرة بنـي يـاس=أهـل المـوازى والوجيـه الغبيـره
عبّـادة الاصنـام شرّابـة الـكـاس=الخمـر والتنبـاك فيهـا وغـيـره
لركب على وجنا من الهجن عرماس=فجا النحـر يا دبـاس حمـرا ظهيـره
متروسة الفخذيـن مزبـورة الـراس=كن الخلاص عيونهـا يـوم أديـره
أو شبـه ربـدا تخـفّـق للأونـاس=وان رفّعـت جنحانـهـا مستـذيـره
تنشر من العوده على نـور الانفـاس=عند الفجـر والليـل مقفـي مريـره
والعصر بالصمان تسمع لها اضراس=حبل الرسـن خطـرٍ تبتـر جريـره
نهـار ثالـث بيـن حمـا الاوراس=واره يمينـك جعلهـا لـك سفـيـره
ثـم أركـب ساجيـة تقلـب الـراس=تمشي بأهلها فـى البحـور الغزيـره
إلى مسقط الفيحاء بها الخير محتـاس=لولا الكفـر والشـرك واوي ديـره
عز الله انها ديرةٍ مالها أجناس=لولا بها يعبد مع الله غيره
لولا بها يشرك علي وعباس=وأيضا بها الفاروق سبّه بريره
فيها الطبيخ وراهي الخبـز يا دبـاس=يقعد خـوى الـراس خنـة خميـره
هى ديرة اللي باغـيٍ كيفـة الـراس=ولا له أحد همه مـن النـاس غيـره
هيسٍ ولد هيسٍ للمواعين لحّـاس=يفـرح إلـى نيـدي لذبـح النحيـره
وماقفك ذا يا دباس مـا فيـه نومـاس=يصلـح لقيـنٍ مهنتـه طـق زيـره
ترى الفداوي دون وانشد الناس=راعيـه مـا يذكـر بمدحٍ وغيـره
ماله سوى طق الحنك منـه واليـاس=وليا انقطع خرجه فـلا لـه ذخيـره
طلب المعيشه بالحراثـه والاجنـاس=المشترى والبيـع يوصـف وغيـره
قم انهض العيرات مـع كـل فـرّاس=يـا دبـاس دوّر خـيّـر تستشـيـره
جدك وعمانـك هـل العـز والبـاس=أهـل اللـوازم مكمليـن القصيـره
يا دباس ما يصبر على البق والحـاس=ألا الـذي مالـه بنـجـدٍ عشـيـره
واليوم يا مـروي شبـا كـل عبـاس=أنـت الرجا يـا كعام وجه المغـيـره
عشرين عامٍ كلها أرجيك يـا دبـاس=مثـل الغريـر اللـي تولـع بطيـره
عد المناكـب هيلـعٍ فـرخ قرنـاس=يمناه فـى لطـم الحبـاري شطيـره
عانق خلوجٍ روّحت عقـب مـرواس=عنـد العصيـر لبيضهـا مستذيـره
والليل جاها وحال من دونهـا اليـاس=روحها علـى فرقـاه فـرت فريـره
يا دباس أنـا يابـوك مانيـب بـلاس=ميـر ان عيـلات الرفاقـه كثـيـره
جنبت وسط السوق وامشي مع الساس=وأخذ شوي الحـق واتـرك كثيـره
يا دباس لو جبت من دحب الاكياس=مختلفـةٍ مــا بـيـن رزٍ ونـيـره
مالـي بهـا يا جعلـها بألـف قبـاس=أو جعلهـا تذهـب ولـو هـي كثيـره
يا دباس قلبي كل مـا هـب نسنـاس=شرقيـةٍ هبـت بقلـبـي سعـيـره
والحال يا فرز الوغى مسّهـا البـاس=عليـك يـا ناطح وجيـه المغيـره
وغصون قلبي يا فتى الجـود يبّـاس=غادٍ أنـا يابـوك كنـي هشيـره
مـن شافنـي يقـول ذا فيـه لسّـاس=واللـي بـرى حالـي إلهـي خبيـره
لا وعلا من قبـل غـوّال الانفـاس=ومفـارق الدنيـا يجينـا بشـيـره
عسى يطق البـاب والنـاس غطـاس=يا والـي القـدرة عليـك اتعبـيـره
وصلاة ربـي عـد ماهـب نسنـاس=على النبـي عـدة حقـوق المطيـره
.[/poem]

وهذا جواب ابنه:
[poem="font="simplified arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
حي الجواب اللي لفانـا مـن الـراس=جابـه غـلامٍ مـا توانـى مسيـره
اهـلا هلا عد مـا حبـك قرطـاس=أومـا كتـب فوقـه بيـوتٍ شطيـره
جواب منهو لي مـودٍ مـن النـاس=ابوى مـا يوصـف حلـيٍ لغيـره
فرز الوغى كنه على الوكر قرنـاس=قـروم ربعـه كلهـا تستشـيـره
دليل عيـراتٍ ليا هـب نسنـاس=ثـم ادلهـم الجـو ومابـه ذخـيـره
مهفي الغنم لاهل الركايـب والأفـراس=لا روحوا له فلا عليهـم قصيـره
راعي معاميلٍ بهـا العبـد جـلاس=للبن يشـري بالسنيـن العسيـره
هاذي بمركاها وهاذي بمحمـاس=وهاذي يصبـه للوجيـه السفيـره
وخلاف ذا يا راكـبٍ فـوق عرمـاس=مامونةٍ من نقـوة الهجـن عيـره
حمرا وهي فى سنها وقـم الاسـداس=متوسط لا فاطر ولا هـى صغيـره
ماهي لحوحٍ راكبه بالعصـا قـاس=حرّم عليهـا غيـر شيـل النقيـره
والخرج هو وبيـوت قيـلٍ بقرطـاس=مـع مزهـب الأيـام ما هـي كثيـره
وفوقه غلامٍ منـوته قطـع الارمـاس=لـو هـو بليـلٍ ما تغيـر نظيـره
وليا لفيت الدار فاجهر بالاحسـاس=وبلغ سلامـي كـل ذيـك العشيـره
وختص ابوي اللي نفل جملة النـاس=وخصّه بعلمٍ وقـل ترانـي بشيـره
لا يا نقى العـرض يا بـوي لابـاس=ان كان تشكـي الضيـم فأنـا اسيـره
وان سايلك عنـي ترانـي بنومـاس=وأنا أحمد اللي مـا توسلـت غيـره
الحمد لو يشـرى شرينـاه بأكيـاس=بأموالنـا نرخـص نـدوّر الستيـره
مطرق فنرجـيٍ مضاريبـه الـراس=ومصلبـخٍ جبتـه عسانـى ذخيـره
من صنع نصرانيٍ مشـروبه الكـاس=يذكر ورى جـاوه بعيـدٍ مسيـره
أبغيـه للـي حادينـك علـى السـاس=اهـل النمايـم والحكايـا الكثـيـره
ربعٍ نـووا فيـك الـردى والتخسـاس=مهبول ياللي قـال غايـبٍ عشيـره
علي ديـنٍ لأودع الجمـع ينحـاس=لين العشيـر يقـوم يلعـن عشيـره
يا بوي انا ما رحت لكيفت الراس=مع ذا ولانـي فـى سفـاهٍ أوغيـره
أما سكنا الدار مـن غيـر هوجـاس=وألا نعـاف الـدار وندوّر غـيـره
كلـه لعينـا كلمـةٍ قلـت يا دبـاس=تشكي وأنا دونـي بحـورٍ غريـزه
خذ لك يمين الشرع قطـاّع الأنفـاس=انه فـلا جتنـي علـومٍ بصيـره
لانيب جانـي ولا حبـرٍ بقرطـاس=ايضـا ولا جتنـي علـومٍ سفيـره
ان كان تشكي الضيق يا بوي لاباس=جاك الفرج يا بـوي هـو والبريـره
ولا فأنا يـا بـوي قطـاع الأرمـاس=اصبر على الشدة ولو هـي عسيـره
يا مسندي يا بوي شف اوكد النـاس=ثم أنشده قل ويـش هو في مسيـره
ان كان ما يفرح صديقـك بنومـاس=تحرم علينا اللي نهـوده صغيـره
مدلول مجهـول زها زين الالبـاس=بنت الذي يثني ليا جـت كسيره
طارٍ يقول اظهـر وطـار بجـلاس=قمت اشرب التنبـاك واثـره نكيـره
ابغى عسى الله يبرد القلب يا نـاس=من لاهـبٍ شبـت بقلبـي سعيـره
ومن كان له غايبٍ فلا يقطع اليـاس=ان قدّر الله جـاب علمـه بشيـره
.[/poem]


.
عنّي كما يقال عن طرفة بن العبد:"هو أجودهم واحدة" يعنون بها معلّقته أجد قصيدة أبودباس كذلك بالنبطيّ