" اقرب وسيله " بداح الشويب

[بداح المطيري]

اوقات في راسي هواجيس وعلوم
ابختلي بالنفس .. بـ اقرب وسيله

فيني علومٍ تجعل الراس منجوم
بحلولها اقطع .... مسافه طويله

الطيب في بعض المخاليق معدوم
ماينذكر لك طيب .. ... لو ترتكيله

وهذاك يضحك لكن الناب مسموم
وهذا على ربعه .... يشب الفتيله

وهذا يذم وذاك .... طيّب و مذموم
يعني على ماقيل "يشفي غليله"

وهذا يرّفع بالسوالف ... ثم يقوم
ومن يقنع المسكين ؛ لا جاب حيله

وهذا مقّدر عند ربعه .. ومحشوم
لا طاح من ربعه .... بفعله يشيله

فعله على الوقفات عادات وسلوم
من جيل ابوه وجيل جده .. وجيله

وهذاك بين الخلق معطا ومحروم
صبره على نفسه .... وقلبه دليله

ايــقنت بين الناس ظالم ومظلوم
ولابد راع الحق .... يـدرك ســبيله

ياخذني التفكير ساعات : ويحوم
ويرجع على موضوع خيلٍ اصيله

اشره وابرر وأرجع اشره : و لليوم
عـوايــدي ...... اشكيه ثم اشتكيله

وعرفت مابه بالمخاليق .. معصوم
وان الكمـاله .. بـ البشر مستحـيله

ورضيت بالمكتوب والرزق مقسوم
وغير النصيب المنــقسم ما تجيله

#بداح_الشويب

 

[رشا عرابي]

الناس مَذاهِب أيّها الشاعر الأَلِق
ولقد أتَيتَ على لُبِّ الحِكمة متشبثةً بتلابيب القصيد
ولا تَخفى أنوارُها

لله درُّ الحرف حين يَنصاعُ طَوعاً لإلهامٍ مُضيء

لك التّحايا من وريد العِطر جوري

 

[بلقيس الرشيدي]

كبِير يابدَّاح باحسَاسك وقصِيدك ماشَاء الله
بِحق من أجمل ماقرأت اليَوم تبارك الله وحماك الله .

 

[عبدالإله المالك]

يا بداح
أحسنت شعرًا رائقا وإبداء النصح وإسداء النصيحة

تحياتي لك