- قارعة التشرد -

[مشعل الغامدي]

المشاركة الأصلية كتبت بواسطة فتاة تهامة

[poem=font=",6,darkblue,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
إيه الشتا يا هشاشة عظمي وما قويت=اشب ناري وانا عاري بوجه الصقيع
وشلون ابقدر وانا اصلا يا بلادي نسيت=اني طفل كل ما يعصى جروحه يطيع
ما بين صوت المدافع والقنابل بكيت=وانا من اول حلمت اقطف زهور الربيع
لبسي كفن يا عرب مدري وش اللي جنيت=هل هي ضحية حقيقة او سياسة قطيع
يا برد خذنا حطب جاهز ومن كل بيت=اجسادنا جايعة للموت ما نستطيع
الخوف يبني خيام التيه واللي بنيت=كومة رمل مع مهب الريح تسقط سريع
حنا غلابا وياللي ما سمعت ودريت=بشار قاتل وفعله في بلادي شنيع
اطفال بين الحذر والجوع قبل المبيت=النوم مثل العيا لعيون طفل رضيع
صوت الارامل قهر يامن بذلت وعطيت=شفهم على قارعة ذاك التشرد جميع
وين العرب والتلاحم وينهم ما لقيت=اسلامنا صار جملة من كلام المذيع
ابكي وانا واحد من الالاف معها غديت=اشيل عجزي معي ما عاد عندي صنيع
تيهٍ جرفنا معه يا طاغية ما استحيت=من خالقك لو يجيك الذنب من كل ريع
يا أمة الحق صوت الشعب فيه انتهيت=قطّع حناجر وحلم الله علينا وسيع
يارب هذا الدعا دمعة ومعها رجيت=لطفك ونصرك وعجلّ بالفرج يا سميع
يارب ياللي على كل الاكابر عليت=سلّط على الطاغية وبقدرتك يا بديع

[/poem]

نصٌ من العيار الثقيل

ولا غرابة

فخلفه معرف فتاة تهامة

ممتنٌ لهذا الألق سيدتي

تقبلي مروري وتقديري