((.................... فـلـسـفــة بوووووووح ....!!

[ثاني الدهمشي]

مساء أو صباح الوررد ..

شيء جديد وطاروق سبيشل ..

أتمنى ان يحوز على رضى من يقرأه ..

:





تدري وش اكبر جرح ما يقــواه صدري؟
..............................جرح السنـين اللي عطـت غيري مكـاني
وانا ادري ان لي قدر واعرف كبْر قـدري
..............................بس المصيـبه..من ذكـرني هـو نـساني
لو كان عندي عـلم ما عشـّمت صـبري
...............................وهـو من تحمــّلني بما فيني عـشاني
صغـيـر سـن وتغـزو الشيـبات شَعري
...............................ما كنّـها إلا تقـول : وش بـاقي يا ثاني؟
لكــني اردع هاجـسي وآقـــول بدري
...............................عليك يالدنيـــا .. مدام العـمـر فـاني
يالـيت مالي حبــرٍ ينــاديه سطـري
..............................وليت الشِـعـر عـدّا بوجهه يوم جــاني
يا زين عيـشة خافــقي من قبل يسـري
..............................بعــروق دمـي لين خيّــم بالمــحاني
بي اختلط نـقـوة شـعـر دهـاة عصري
..............................لكن عيــبي فيه .. صـدقـي و اتّــزاني
والحين انا شاغـل عقـول ودايـم اطـري
..............................في بـال من لا غبت عنـهم صرت جـاني
خاويت لين ايقـنت ابد ما آديــر ظـهري
..............................بالـذات للي عيـونه اعطـتني..أمـــاني
واكبر هزيمة للحســود وعــزّ نصـري
.............................هو : ان ابـويه حـي ومن حـولي اخـواني
ولو كل ما يطــري على بالي بـ يجــري
.............................والله لأســوّي شيٍ يحــسّف زمـــاني
اللـي محمّــلني وزر غيــري و وزري
.............................واللي ضربـني ثم بكـا و راح اشـتـكـاني
والله يقــطع حــظٍ يـبـادلْه عـمــري
.............................ودّهـ .. وكـن اللي حصـل لي ما كــفاني
زول الفـرح من قلّ ما اشعـر فيه مبـري
.............................والذنب ذنب الحـزن..يـوم الحــزن أنـاني
أوجّـه لـ تفكــير هـذا الجيـل ..شكـري
.............................واعتب على مابـي من بحــور و مــواني
وآقـول للكــاره .. تراك تشـبّ جـمـري
.............................داخـلْك وانت بغفـلـتك , واللـي بغــاني :
يغـنيه حبّه لي عن استـنهــاض عـذري
.............................لو قصّـرت عيـنـي بشـوفـتْه و لقــاني
يا صـاحبـي تدري سألتك ليه ؟ مـدري !!
.............................بس الوكـاد انت تْعـرف وش كثـر اعـاني
كل صبـح لي موعـد على تصـويت قـمري
.............................وكل ليـل لي جلسـة مع هــم يْحـــداني




:



وسلامتكم ..

 

[بدر الحنيف]

ثاني الدهمشي ،،


حجز أول مقعد .. في هذه الرحلة الأبداعيه ..


حضور شعري فاخر ..


لا جديد .. يا ثاني .. فالابداع ملتصق بك ..



دمت وداام بوحك ..


تقديري

 

[عبدالله الدخين]

ثانــي الدهمشــي






صـح لسانكـ وتسلمـ يمينكـ .. دائما ً تاتي بالجديد والنادر





لله دركـ







تحياتي لكـ

 

[عبدالله سعيد]

:

:

واكبر هزيمة للحســود وعــزّ نصـري
.............................هو : ان ابـويه حـي ومن حـولي اخـواني

لم أكاد أنتهي من قراءة هذا البيت إلا وعيني تغرق بالدمع ,,
لا حرمك الله من تحب يا ثاني .
يا أخي طززززززز في الشعراء إن لم يكتبون شعرا بتلك القوة
تحياتي لك

:

:

 

[نبراس المشعل]

يا صباح (الشعر) و ( المطر)


معزوفه رائعه
كما السحابه الممطره التي ترسم ملامحها
على حبات الرمال

 

[عبدالعزيز رشيد]

حسد يقتات القلوب !
وسيرة جمال كتبت على ورق من احساس
وبـ حبر من شعر


تحيّاتي لك

 

[سلطان ربيع]

ثاني الدهمشي

وفلسفة بوح من نوع أخر
وبحرفنه أخرى

لك من التقدير أوفره
يا رائع

 

[العـنود ناصر بن حميد]

انسكب النور هنا

ثاني الدهمشي

صح قلبك

ودمت بخير