الجندي حسن ..

[فرحان الصعب]

للضحك ليس إلا..

مساء الخير يا سادة،،



يا رقيب حسين يا ذيب السريـه..
شف لنا الجندي حسن عنده خفـاره!!
قلّه.. يحضّر ..ولا ينكب ..خويه..
الشغل .. واقـف.. وحنّـا .. بانتظاره!!
وان تعذّر.. بالظروف ..الاوليــه..
انتبــه.. تقبل.. حلوفـــه.. واعتـــذاره!!
شفته.. بعيني.. وطلّاته بهيـــــه..
داخل.. تويتر.. علومـه.. بالصـــداره!!
مع طلوع الصبح..كلماته..نديـه..
وكل.. صفحة.. بنت.. تلقاله.. عبـاره!!
يتبعونه ناس ..مجهولة.. هويـــه ..
ويمدحونـه نـاس ..باسما مستعــاره!!
وعنده التفضيل*.. والرتويت ميـه..
متعبٍ صبعه .. ومشقي صبع جـاره!!
صورته بالعرض حاضن مزهريه..
ومن وراه.. جدار..به صورة..محـاره!!
توحي..انّه.. منولد.. بالفيصليــه..
وانّ له.. برجين .. وله ..مية..عمـــاره!!
وبالحقيقه ما جمع قيمـة..ضحيـه..
ولا خبر عنده سوى.. ددسن غمـــاره!!
الغثا والديـن.. معمي ..والديّــــه..
والفقر.. يتليه .. من ..حاره .. لحـاره!!
يحسب عقول البشر مثله .........
وصار غش الناس.. بعيونه..شطـاره!!
يا رقيب حسين يا ذيب ..السريـه..
جب لنا ..علمـــه.. وحنـا..بانتظــــاره!!
قله الضابط.. ووصانــي وصيــه..
اقفـل.. حسابــه ..واردّه.. للخفــــاره!!