إحساس يــ غ ــمر الأنفـاس

[رزان العتيبي]

أُولى محمومة بالـ تعب !

عنوووود قولي لهم :

عطشى على بير الأماني لي سنين !
قولي لهم : ماتت وهي تْقول : بُكرى

قولي لهم : ماملّت تْقول : بِ يحين
راحت ولكن خلّت .. أبيات ذِكرى !







بين مدينة و حزن !

همّ الـ مدينة فـ الشوارع يبيّن :
لا ناموا الحرّاس وإستيقظ الليل !

واللي في قلبه جرح .. ماهو بهيّن ،
يتقاسم الأحزان معها : مواويل !

ايْغني دموعه : حنيّن ، حنيّن
مايدري إنه أشعل البُعد قنديل !

مثلي بهذا الوقت والضّيق ليّن ..
يـ الله بنام الحين كافي : بهاذيل !





لا صباح يُشبهك !

(كلّ صبح يمرّني دونك حزين )*
الزهر يذبل ويتناسى شذاه

والعيون تدُور بين العابرين
تنتظر زولك وتترجى تراه

يارفيق العُمر ياملح السنين :
لا تغيب .. وتنحفر بالقلب آه

خلّ صبح اليوم يحتاجك : حنين
اي تعال انشر ب أنفاسك دفاه

شفني أتفتّح بوصلك ياسمين
شف تفاصيلي تغرّد بالحياه

من تجي تحيا ضلوعي واستكين
وإتمخّطر لك أحبك بالشفاه

والأغاني بصوت " فيروز وشرين "
لك تردّد : قد سكَني في هواه

شفت كيف الصبح بوجودك يحين
يعني من غيرك انا أول من نساه


* الشطر الاول لحنان العجمي بتصرف منّي




الأماني أجمل حينما لا تتحقق !

بعض الأماني تاخذ سنينها لين
تبدا تموت بـ خافق اللي نطرها

كذبة ترى : بتصير يمكن بعد حين
حنّا كذبناها وحنّا .. انْخَسِرها







ومن غيره ؟! يطيب الحزن في عينه ؟!

يبه : تدري أنا لي كم سنة وأكثر ..
أظن ؛ أظن من صغري ،
عجزت أضحك | عجزت أبكي !
أواعد هالـ فرح بكره ،
يجي بكره بِلا بُكره ..
وأظل أحوس بالـ حجرة.. أدوّر في دواليبي ،
على فستان يضم بـ داخله بسمة ..
ولا ألقى إلّا حزن مقسوم مـ الفطرة !
يبه : طِفلتك ماكِبرت ..
ولا عدّت على الـ عشرين من فترة..
يبه : طِفلتك ماشابت !
ولا زالت تدسّ ألعابها بالـ درج تخاف من الزمن .. يهديها للـ غبرة ..
يبه : طِفلتك كم ذابت ؟
سوالفها من الـ حسرة ..
يبه : حتى شعر راسي .. غزاه الشيب واحتكره !





فجر أخير !






أدورني فـ منافيهم !
وأدورني أنا : فيهم ..
غريبة كيف ماحسّيت ،
وش فيهم ؟!
على شكل أمنيّة .. مرّوا
رمتني بين أياديهم !

رماد الليل ياجاهل :
على مهلّك .. عيوني مابعد جفّت من الغيّاب
أبي لا وصّلوا خدّي
تجي تسكن بدل فاقد ..

وأنا أستاهل ،
يقولوا : من عرف سرّك ..
يفيض الهمّ في بيره !
ويرفع به من الأسفل ..
يروي به عطش هالناس : عن جراحك
عن أفراحك ..
عن الأيام والأحلام ...
وأنا كان الخطا منّي ،
حسبت الكلّ يشبهني !
رضيت أكون بـ الآخر ....