[ (العيد) .. ماتت فرحته / في مهدها ..]

[فواز الفهيد]

مابين فرحة روز وظروف أبو روز ..
..................... العيد ... ماتت فرحته .. في مهدها ..


كن الشقا مابين الأضلاع .. مركوز ..
..................... وكن الأمل عقده ... زماني عقدها ..


من صغر سني بين الأحلام محجوز ..
..................... و هذي بعد هذي وهذي ... بعدها ..


مالا يجوز لغير صدري .. به يجوز ..
..................... في غربتي نفسي تناست سعدها ..


ماعاد أميز ضيقة الخلق .. والعوز ..
..................... ولاعاد أميز برقها ... من رعدها ..


حتى المواقف بين ثابت .. ومهزوز ..
...................... واللي نزل منها .. ومنهو صعدها ..


مثل الخسارة .. لاتعشمت بـ الفوز ..
...................... وأقسى من وعودٍ زماني / وعدها ..


الفرحه اللي شفتها تحتضن / روز ..
...................... كفنتها حلمي ... و صدري لحدهاا ..


الرياض
صباح أول أيام عيد الفطر ..

10:41ص

فواز الفهيد ..