مليت عطر ثيابي

[خلف المهيلان]

المشاركة الأصلية كتبت بواسطة ناديه المطيري

دَوَّرْت مابيــن جِدْرانـي وِبيبانــي !!!
ضاعَتْ كُفوف الأَماني تِحْتري درْفـَـة

أَحْيانَ ادَوِّرْ مَلامِــحْ ( وَجْه ) وَالْقانـي
وَاحْيان اتوه بْمَلامِـحْ ( وَجْه ) ماعَرْفَه

حاوَلْـتَ الاقـي مَسافـاتي / وِعِنْـواني!!
في رِحْلِتِي | وْبوصَلَةْ هالرّوح مِنْحَرْفَة

حاوَلْـتَ اشَتِّتْ وَابَعْثِــرْ في عُمُرْ فـاني
ثُمْ اجْمَعَــهْ واتِشَتَّتْ فـي فنـا حَـرْفَه !!!

أَشْعَلْت انا في غِيابَهْ ( عِذْر ) وَابْكاني
وَازْريت ابَـرِّرْ قِسـاوَةْ قَلْبَـه وْظَـرْفَه !!

ليه المُواجِعْ تِصِبّ السَّهْر لَاجْفاني ؟!
مايَكْفي الشّـوق يَثْمَـلْ بَه وْيِحْتَرْفَهْ !!

سَمَّرْت هذا (الغِيـاب) بْلوحَـةْ احْـزاني
وعَلَّقْتَـها فـي جِـدار الّـــروح وَالْغـرْفَة

مابين جَرْحـي / وِتَنْهيدي / وِحِرْمـاني
دَمْـعٍ تَـرَدَّدْ مـَ بيـن مْكابَــر / وْذَرْفَــه !

بحـاوِل ابْكــي إليـن تْصيــح جِـدْراني
وِانْ ماذَرَفْتَــهْ بَكابِـرْ وَافْتَـحَ الشّــرْفَة

وانـادي اللّيـل يِتْكَـسَّرْ عَلـى اغْصانـي
وَاتْمَرْجَــح النّـور طِفْلَــة عَـذْبِةٍ تَـرْفَة

وِانْ ماقِطَعْـت المَسـافَة مِنْ عُمُـرْ ثاني
راحَ انْـزِوي لين الاقـي لِلْعُمُـرْ صِـرْفَه

يِمْكِـنْ ( بُكايـا ) يِعيـد وْجيـه خِـلّاني !
وِالاّ أَتــوه بْمَلامِـحْ وَجْـه ماعَـرْفَـه !!!

.


.

وضوح عدد ( فبراير)2010

مَلّيت عِطْـر ثْيابي
............... لَنَّهْ يِشابِهْ عِطْرِكْ
قارورِتَهْ تِزْها بي
........وانا زِهيت بْـ [ غَدْرِكْ ]
كِنْت انْتِثِرْ وَاتْعابي
..........كان الْفَضاء بْـ صَدْرِكْ
وَارْمي عَليك عْتابي
.......تَهْمِسْ بـِ إِذْني [ صَبْرِكْ]
أَشْرَعْت لَكْ أَبْوابي
......سَكَّرْتُهُمْ .. وِشْ عِذْرِكْ ؟!
كِنْت ارْسِمِكْ بـِ كْتابي
..........شِعْر وْأَماني .. وَاثْرِكْ
تَكْتِبْ قِصيد غْيابي
...............ليتي كِشَفْتَهْ أَمْرِكْ
ياليت صِحْت بْـ [ مابي ]
............يومٍ وميت بْـ سِحْرِكْ
مير الْبلا بَـ اصْحابي
...............طِفْلَة وَانا ما أَدْرِكْ
إِنِّ الْهَوى أَوْدى بي
..............حَتّى وِقَعْت بْأَسْرِكْ
تَبْغى تُشوف الْعابي؟!
...........جَرْح وْدُموع وْهَجْرِكْ
أَرْجوحِتي أَوْلى بي
...........مِنْ لِعْبِتِكْ / مِنْ قَهْرِكْ

اليوم الجمعة ( مقامات ) فهد دوحان

ناديه بهذا المطر غرق كل الود والورد