أطفال كنا .. بس كنا مجانين

[خالد الداودي]

المشاركة الأصلية كتبت بواسطة نفاع العنزي

.

.



[poem=font=",6,,bold,normal" bkcolor="transparent" bkimage="" border="none,4," type=1 line=0 align=center use=ex num="0,black""]

قبل أمس أنا وياك نلعب على الطين = وأحلامنا قبل أمس كانت تشابه

أطفال كنا .. بس كنا مجانين = ما فيه شيٍ بالوسيعة نهابة

كنا صغار ولا نحسّب لبعدين = بعدين .. والله ما حسبنا حسابه

ايامها .. والقلب ما ياسع ثنين = كنتي فرح عمري ولا هي غرابة

كنتي بعيني غير كل الملايين = أحسك أقرب من جميع القرابة

أشوفهم في عين .. وأشوفك بعين = أيوووه يا ذاك الغلا ينحكابه

نعيش حاضرنا وكنا سعيدين = نرضى بواقعنا ولو هو خرابة

هذا مع انا صغار كنا على الدين = نضحك على همال دمع السحابة

كنتي على انغام الربابة تنامين = وأنا .. يصحيني .. ونين الربابة

واليوم حنا وين ؟ وأحلامنا وين ؟= لو شافنا (قبل أمس) زاد اغترابه

(قبل امس) هذا.. موّت سنين وسنين = وحلمٍ يموت .. وحلم ثاني شقابه

تدرين وش عمر الزهر بالبساتين؟ = مثل الفرح .. لا شاف هم الكآبة

جيت أربعيني.. وأحسبها ثلاثين = شيب شبابي.. ما اهتنا في شبابه

والله وشيبنا.. وشابت قوانين = وماتت ثوابت حلمنا ..وسط غابة

ورغم اختلال معادلات الموازين = وطيش القلم في مفردات الكتابة

تبقين في خفاق نبض الشرايين = وأبقى على عهدٍ .. لبستي ثيابه

وسرٍ كتبنا مفرداته.. على الطين = في ذمتي .. ما فيه حيٍ درابه

[/poem]



.

استرجاع الذاكرة الى الامس القريب
انتشال شيء قابل للنسيان .. والتدوين

جميل انت كروحك المناسبة داخل النص
واجمل


لك السلام
خ