اقتباس:
المشاركة الأصلية كتبت بواسطة ناصر بن حسين
واحد هو الحِزن لو كِثرت وجيه الليال !
.................... ياوقت ... لا تقفل أبوابك عليّ .. و تشين !
حظي يدينه قصيره .. والأماني طوال !
.................... والريح عن عالي أفكاري ... مـ تبّت يدين !
ناديت صدفه .. تهاوت بي بيوتٍ جزال
.................... سافرت .. لكن طريق العمر .. برد وحنين !
يـ الله أبفتح على سُور المقادير / فال
.................... محتاج آمرّر خلاله .. كل مابي .. سجين !
هذا البلد : صُبح كسلان و شقاوة عيال
.................... فيه البشر : يحسبون المال .. سحرٍ مبين !
ماقسى من إنك لجل عينه تعاف السؤال
.................... إلا الغرق في كلام الناس بأسباب .. دين !
عطشان ياطفلة الما يا إنتعاش الزلال !
.................... غيمك خذلني .. ولا لي بعد ربك .. معين !
الهمّ : رحله طويله .. ترفض الاختزال
.................... والحب : لوحه نستها الشمس في بيت طين
وأنتي مع كبرياءك ... نايمه بالحلال !
.................... وانا إتّقطّع ورودي .. ياتجين .. أو تجين !
ليت السما .. لا دعيت الله تمطر وصال
.................... ما كان جفّ الخفوق و صار شكلي حزين !
ذنبي زرعتك على جالي .. بلحظة زوال
.................... ذنبك : رحلتي مع النسيان .. خلف السنين
فيني من الكادحين .. الصبر و الإعتدال
.................... إنسان قُوتي .. على كثر إحتياجي [ يقين ]
اصحابي إن رحت عنهم صوّتو لي تعال
.................... وإن جيت : شبّوا فوانيس الجفا .. مبعدين
يطردني الحكي | وآتهرّب من الإنفعال !
.................... لين آتعثّر .. بواقع .. للمصالح .. رهين !
طفلٍ تعوّدت أوزّع ضحكتي [ برتقال ] !
.................... للناس .. لأ شباه تشبه ناس .. للعابرين !
مرّي / قبل تتلف آمالي هبوب الشمال !
....................بعض الغلا ... يذبح الرجّال .. لو مايبين !
صدري حديقه .. حواليها المواجع ظلال
.................... عمرك سمعتي حديقه .. تفتقد .. ياسمين ؟
حديقه .. تفتقد .. ياسمين ؟
حديقه .. تفتقد .. ياسمين ؟
حديقه .. تفتقد .. ياسمين ؟
(f)
|
b]
الشاعر المبتكر ناصر الشعر
ماشالله عليك الله لا يضرك ياناصر
تعديت سدرة منتهى الشعر
تحلق بنا بكل نص انت مدى وبعاد اهني فيك بعاد
لانك بعد اخر ومدرسه
لفت انتباهي (الانتظار كان بالنص الي قبله او ماقبل الي قبله
تقول بما معناه اقطع ورده تجي او ماتجي تجي
وهنا بقلب النص لانه يخرج بصدق شي يربط ماقبله بهذا النص
كماخرج من قلبك النقي وصل بدهشه لقلوبنا
واخذ مكانه المعتاد بسويدأ القلب بدون ستيذان
لانه مخول
ودي لقلبك النقي يالقريب من القلب دايم
خ م
[/b][/QUOTE]
آخر المشاركات
07-28-2009, 12:59 PM
العرض المتطور
