(( رعشة صامتة ))

[صالح العرجان]

المشاركة الأصلية كتبت بواسطة عبدالعزيز رشيد

من شتاء العام الفائت,وشكرا لغيث الحربي ولكم طبعا .

[poem="font="simplified arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

انحبس صوت المكان وصاح صمته=يقترب همّي بخطاوي كنّه الهمس
أرتجف من صوت في صدري كتمته=كنّه الهايت وباضلاعي لقى الأُنس
برد موحش ماسوى بصمتي رسمته=مخلبه يترك جروحٍ مالها طمس
والكلام اللي على بالي نهمته=كان ماغير البرود يصافح الخمس
يسأل فراشي:منامك؟ قلت:قمته=ارتعش نومي وصحى وماعاد من أمس
ارتمى جفني تعب منّي ولمته=من بقى غيرك يسامر خاطري العمس؟
صابر وماغيره سكاتي احتزمته=كنّي البردان ودّه يمعط الشمس
سجني البارد على جداره وسمته=وابْأصابع وحدتي دوّنت لي درس
والفقير اللي حلم توّ افتهمته=وقتها مثلي تمنّى جمره ولبس
شفت جنبي ضي وبرمشي لثمته=بالنظر بادفى مدامه حايل اللمس
والنفس يركض ولو بيدي لجمته=كيف يترك روح ثكلى تعاني الحبس؟
دافيه .. جتني كما حلمٍ حلمته=اسمها حمّى تبيني وتحلم بعرس!
اشتهي غفوة دفاها لاعدمته=وقتها تسيح المتاعب وانغمس غمسْ

.
.[/poem]

من يقراء شعر ويفهمه
يعرف أنك بخلت بعضها
عبدالعزيز
هات السالفه هاتها كلها


وإن أبيت تقولها
ما أقول إلا صح لسانك وصح فكرك