| ليـلة البـارح | ..!

[مسك الشمال]

السلام عليكم ؛’

عُذرا ً على الغياب ..!

/
\
هي لكم ؛ علّها تشفع عن شيءٌ من غيابي ../

[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
لو ما خفوقي يحبك حيل يالجارح=ماجيت اعاتب على جرحك لي البارح .!
ما كان قصدك أنا ادري لكن القاصد = طير بسمانا غدى كل يوم لك ذارح .!
خلاّك تجرحني وخليتني أزعل = وهذا أنا جيت .. ولساني يبي يصارح .!
قلّي أمانه .. وش اللي يجبرك تجرح ؟ = دام الغلا اللي ملاني دوم بك سارح .!
يشهد علي الولي يا كيفها الضيقه ؟ =في جوف صدري .. وكيف الهم به مارح .؟!
وضعي صعب .. مير الاصعب كيف احل وضعي ؟= الحب ويّا العقل وافكاري امطارح .!
نعم أحبك .. ولكن ما هو معناها = أرضى ب(مداوي جروحي) يصبح (الجارح) .!
إحترت بايامنا اللي فاتت بفهمك = والحين موقفْك صار لحيرتي .. شارح .!
والله لو ماالخفوق يحاصرك بالحب = كان من الاول نسيت شصاير البارح .؟![/poem]

سوالم ؛’

.
.

 

[محمد السالم]

يشهد علي الولي يا كيفها الضيقه ؟
في جوف صدري .. وكيف الهم به مارح .؟!


الله المستعان يا مسك

نص حزين وفيه عتاب يبدو بأن صاحبه كتبه مع ضعف الأمل في المعاتب

تقبلي مروري المتواضع

 

[صالح العرجان]

إهمال القافية بالشطر الأول يفتح للشاعر أفق انه يحلق ويحلق
لحدود المدى

مسك الشمال
ونبض يفوح من دلال العتب كله شجن

 

[مسك الشمال]

المشاركة الأصلية كتبت بواسطة محمد السالم

يشهد علي الولي يا كيفها الضيقه ؟
في جوف صدري .. وكيف الهم به مارح .؟!


الله المستعان يا مسك

نص حزين وفيه عتاب يبدو بأن صاحبه كتبه مع ضعف الأمل في المعاتب

تقبلي مروري المتواضع

محمد السالم ؛’

شكرا ً لمرورك .. شرّفت إختك

.
.

 

[جُمان]

[ ليلة البارح ]
غمامةٌ حُبلى بِحُزنٍ معتَّق ../ أمطرتنا وجعاً

شُكراً جداً يا مِسك الشمال

.

.

 

[وليد الفالح]

مسك الشمال
نص يأخذنا لمواطن الإبداع
بالرغم من نبرة الحزن العاليه
حضورك مطر