شروووق الشمس...

[سعد المطلق]

[poem="font="simplified arabic,5,blue,normal,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]بـــأول شروق الشمس يابعدممشاي=بديت أحس بداخل الصدر ضيقه




وجه الغروب اللي نوى يتعب إخطاي=ماله على صبر الخطاوي طريقه

إن ماقتلته يقتله صبح مسراي=لون الذهب لابد يشرق بريقه



ليه الغياب اللي ظهر ينشدإحماي=متساوي فيه الزفير وشهيقه

ماجيت يمه ناقل داي برداي=الطيب زرقة رمح يسبق زريقه

يا أخي تعبت أبيع طبعي ومبداي=كرهت حلمٍ مرني قلت أفيقه

أحيان أشوف الكون يسبح بيمناي=وأحيان أشوفه ظالم ما أطيقه


يادروب ماجيت أنتظر صادق الراي=عندي على بعض السوالف وثيقه



مجبور أدس بداخل الحرف معناي=لوإن جنحاني ترفرف طليقه





أضمها لا ردد الصمت شكواي=من قبل تبحر بالبحور العميقه





يا ذيب ياللي بالخلا تسمع عواي=أنا كذا.ياذيب.طيبي سليقه





جيت أسالك عن سالفة عازف الناي=وحكاية الراهب وصدر الحقيقه

تدري؟ بلاش أجيك كلي من أقصاي=جعل الحروف الميته في حريقه[/poem]