** أمـــل و ألــــم **

[خالد الحافي]

المشاركة الأصلية كتبت بواسطة بندر الصقر

[POEM="font="Simplified Arabic,4,blue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]مصافحة أولى .. أتمنى أن تحوز على رضا ذائقتكم ..





هنا مل الشعر .. صام الكلام .. وزانت الاحلام=هنا انهيت كابوسك .. وبديت احقق احــلامي

هنا الصحوة .. هنا بأرمي ثياب كلــلها آلآم =وأخيط من الأمل ثوبي ..وتو العمر قدامـــي

هنا فكرت باللي صار وقعدت اضحك من الايام =وانا ماني غشيم ولا غرير.. بلعبة ايامـــي

هنا وقت انتصر عقلي على قلبي على الأوهام =وحطيت النقط فوق الحروف..وخجلت أوهامي

هنا وش يفرق الآمال والآلام .. غيــر اللام =وأنا قررت أعــدلها وعلى كيفي بأحط لامي

هنا تبقالي الذكرى .. وهي للشاعر الالهــام =وأنا عفت الشعر .. مادام في ذكراك الهــامي

تحسبني اذا صديت .. بأسهر ليــلتي مانام ؟ =وبتحراك ..وأترجاك .. وقلبي للقى ضامــي؟

أبــد ماتلوي ذراعي ولانت بكفو منك أنظام =ولا تستاهل القلب وهواه الطاهر الســـامي

هذاك أول وأنا لأجلك .. غديت الشاعر الرسام=وكتبتك أجمل أبياتي .. ورسمتك أجمل أحلامي

هذاك أول وانا حروفي بوصفك دمها ما صام =على خد الورق في دفتري اللي عج بآلامــي

مسامح كثر ماعذبت في حبك .. من الأقــلام =وصدقني ولو حن الشعر ..؟ لأكسر أقــلامي [/POEM]

بندر
حييت عدد ماهلت الأمطار
وصح حرفك وفكرك الراقي
تراه لهالحين ضيف ويرحب بعد
اخوك ولاتسجل أعجابي انت عارفه منذ مبطي