(( السعـــــــــوديات ))

[محمد العايد]

السعوديـــــات

*السعوديات.. دم .... السعوديات ديــن
السعوديات ...هيــل .. وزعفران... وياسمين

السعوديات .... سيـــل ... من امهات المؤمنين

*

*

*

السعوديات .. طهرالصبح يانسنس وطاف
حامل ٍ ريح الخزامى والعفاف
يستبيح الليل ويبل الجفاف

*

*

*

*و انت ياللي جلّ تفكيرك خرافة
والحيا والدين عندك شي تافه
كان مفهوم الثقافة عندكم ..عري وسخافة
السعودية ثقافتها حيا
والظلام اليانغمستوا فيه....
( بنت دمّي) شفتها لمعة ضيا
الثقافة كانها عري وسخافة
ماعليها....مننا................أيةحسافة..


*

*

*

*السعوديات ماباعن جسدهن خلف شاشة
وسط ثوب ٍ مايزيد الا فجور
ولانقص ألا قماشه
لاجل مركز اول...... اومركز وصافة

السعوديات ...دم ......السعوديات دين


السعوديات .. هيل .. وزعفران .. وياسمين


السعوديات ....سيل من امهات المؤمنين


*

*

*

[POEM="font="Simplified Arabic,5,darkblue,bold,italic" bkcolor="transparent" bkimage="" border="none,4,gray" type=3 line=0 align=center use=ex num="0,black""]السعوديات هــــاك المحصنات =حافظات الدين واركان العهــد
حشمة ومصحف وسجادة صلاة = يبتدن في ((قل هو الله أحـــد))
السعوديات غيــــر عن البنــات = شوفوا أطهر بنت في أطهر بلد
وكانها راحت لفزعات و وصات =شف حديــهن كنها ميــــــة ولد[/POEM]

*

*

*


السعودية وتلبس طهرهــا نفنوفها
السعودية وحنّت بالعفاف كفوفـها....
السعوية .... (يسولف) عطرها للصبح كيف وصوفها
شامخة بوقوفها .....ستر وعباة
وماشهــد بخضوعها الا الصلاة


السعودية ...مهرة العز الاصيلة
قصة المجد بمرابعها طويلة
تلبس الاكرام ........... شيلة
وش حلاة .المجد يوم التم .... باطراف الجديلة

السعوديات دم السعوديات دين
السعوديات هيل وزعفران وياسمين
السعوديات سيل من امهات المؤمنين

*

*

*

[POEM="font="Simplified Arabic,5,darkblue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]المحشمات. المكرمات. الرعابيب = الوافيـــــات ..الاولات ..العفايف
الغاليــات. الحافظــات المواجيــــب = الشامخــات.. مّوشحـــّـــات الغدايف
المبعدات.... عن التفــاهات والعيب = المشرقات.. بنـــــــــور فوق النوايف
الحايزات العز والمجد والطيب = الطاهرات محصّنات الشفايف
اليا اتنخن فينا تشب المحاديب = يقبل حدينـــــــا بايع العمر عايف
في عـزهن كان المنايا معازيب = ياكم ضيف ٍحــــلٍّ ماهوبخايف [/POEM]

محمد العايد