الحزن ..الحظ ..الابتسامه!!

[سعد مسهوج]

السلام عليكم

.
.
.

من الارشيف القريب


.
.
.


[POEM="font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]

تدري وش اللي حـيّـر الناس امره= والـنـاس تتسال خــفـوقي عــلامه ؟
:

اني اشـيـل بداخــل الـقـلـب جمره=واعطي على كل الهمـوم ابتسامه !
:

الحـــزن يطلع لي مـع كل زمـره=والدمـع مبـطـي بالعيون انسجامه
:

هالـقـلب يتواكل مع الوقت عمره= ولا يـقـلل ..مـن تـعـبـه احتـرامه !!
:

والحـــظ بعيوني له اعيون حمره=وفوق القرون احيان يلبس عمامه
:
ما كـان يسعـفـني على شـق تـمره=وابعــد علي من السمـا في سنامه
:
ويـومـه تــدلا ..مـا تـــدلا بـثـمره=كـنـه على مثـلي يســوق الفهـامه
:
لذا .. غمرت الهم والنـاس غمره=امـوت اســـــد ولا اتـنـعّـم نعامه [/POEM]
:


.
.
.

وكل عام وانتم بخير


اخوكم


سعد العلاطي

 

[خالد صالح الحربي]

:
نَصْ جميل وَ موجع في آنٍ واحد ..
زادتهُ القافيَة رونقاً وَ جمالاً ..
سعيدٌ بقراءتك ياسعد ..

 

[سعد المطلق]

سعد مسهوج


لك اسلوبك المميز




رائعه من رائع



دمت بود

 

[محمد السالم]

اني اشـيـل بداخــل الـقـلـب جمره

واعطي على كل الهمـوم ابتسامه !


سعد هذا البيت عن قصيدة كاملة يا سعد

دام فكرك النير يالحبيب


اخوك

 

[عبدالرحمن الغبين]

أموت أسد، ولا أتنعّم نعامة !

في هذا الشطر إختصار للكثير،
والوفير، والمثير من الشعر،
هناك الموت ويقابله الحياة،
ليست الحياة فقط، إنما الحياة بالنعيم.
وهناك الأسد، ويقابل الأسد رأس النعامة المدفون في التراب.

أن تجتمع هذه التضادات في أربع كلمات فقط،
في شطر واحد، فهذا والله لشطر فائق ورائق.
وأن تعكس مبدأ جميلاً في نفس الوقت،
فهو يدل على أن صاحب هذا الشطر للشعر لائق.

 

[فهد مفلح]

الله عليك

والله ماتعطي ابتسامه
انت تعطينا ابيات من ذهب

صح لسانك

 

[شــمــ نـجـد ــس]

:
قصيدة من السهل الممتنع

ولِشاعرها سعد مسهوج ..

كامل الشكر ..

:

 

[سعد مسهوج]

خالد الحربي



تسلم يالغالي


هذا من ذوقك



تشرفت بمرورك وتعقيبك




حيااااااااك الله