من رواية فاتورة الدكان لم تحترق

[عبدالله العويمر]

المشاركة الأصلية كتبت بواسطة خالد الداودي

صحــى يرش الماء على جبهة نهاره ليستفيق
من نومة البارح ووقـظ حزن بعض الارصفه

من يطعـــن الحاجة بنحــرها ينسكب لما يليق
في داخله ويسيل في وجــه الحقيقــــة المترفة

فتــــح ذراع الباب يا دكــــــانة الصبر العتيق
طاحـــت من اعلى الباب فاتورة وشيء وقفّـه

عن قطع رزقة يا رعاة المال شوفو له طريق
تعب يشك العمر في ردهة ضميره ويخصفـه

جرّح شرايين القصيدة النايمه واشعل حريق
في غرفة اللاوعي من اخبـــار سعر التعرفه

نشد قريب الــــدار عن بوابة الحلـم المضيق
مرت بواخر صمته تستقري السؤال وتعرفه

اذكر تبسّــــــم ثم قال البحر ما ينقـــذ غريق
لو كلنا غرقــى نقـول الضيق ربي يصـرفـه

باكر وباكر حلمها عن قبــل باكــر ما يطيق
اللي يشوفه بس هذه الارض جــدا منصفـه

يحدّه الفقـر ان رحل متثــاقل الخطـوه تعيق
اقــــدامه الــدرب وتبعثره لهموم مســـرفه

ويحده الليل ان ضوى بلا عشاء ويبــل ريق
صبـــح المراره بقهـــوة مرّه وعليها تكلفه

ويخـــاف من موته عن اولاده بلا اخ شقيق
يخاف يلحقـــهم من النسيـــــان دين يخلفّه

مثله يرش الماء يطير الماء من كفوفه عقيق
يالله برزق من سمــاء عن دين من يتسلفه

هو يمسك بحبل من (الرزاق) يالحبل الوثيق
كفوفنا طيور الدعـــاء واحلامنا مستنزفه

للكاتب / خالد الداؤدي

دائما مختلف ياخالد

شاعر لاتخيّب من يفتح متصفحك

جميل ياطّيب