كفوف الصبر

[صالح العرجان]

المشاركة الأصلية كتبت بواسطة أحلام مؤجلة

‏تتوه الخطوة بـ ساقي وياخذني الطريق هناكْ
......................................وأعيش بـ ذاكرة ماضـي يزيد بحزني وغمّـي
يمـرّ الحلم يسرقني ثوانـي عن /مـدى الإدراكْ
.................................... إلى الماضي من سنيني قبل يكبر معي همّـي
وأقبّـل راس ديرتنـا ، وبـاب البيـت ، والشبّـاكْ
.................................... وغرفـة والدي .. وأنده "يبـه" ويردّ لي / سمّـي
"يبـه" وينك كبـر عمري وجرحي عاري وفتّـاكْ
................................... أبي أغفى على صدرك وأدثرني بـِ حضن أمّـي
وأقول سنيـن من غبتـي أسافـر للحلم مـَ ألقاكْ
................................... وجوع الشوق يايمه نهش من (لحمي ودمّـي)
وأعانـق حنّـة العيـد وغراش العطـر والمسواكْ
..................................... واخبـي كلّ ماشـالوا من آآآثـارك .. ورا كمّـي
هناك أسهر مع اخوانـي نعـدّ النجم ... والأفلاكْ
.................................. وأبعثـر سلّـة ألعابـي واجمٌعهـم / وأنـا أسمّـي
يموت الصبر في آخر مشاويري وجـع .. وإنهاكْ
.................................. وأطيح وحلمي المتعب يصيح بخطوتي /هِمّي
ياقلبي لـِ الغياب المـرّ كم غالـي مشا وخلاكْ ؟
................................... وكم صااااحب رحـل وأول / ذخرتـه للزمن يمّـي
ألملمهـم ... وأرتبهـم مع أحلامي عنـا وإربـاكْ
................................. شتـات دروبهم يسأل وش تخلّي وش اتلمّـي !!
انـا اللي [يانع ورودي] تلاشت وأصبحت أشواكْ
............................... "زفيـر الآاااه" يحنيهـا ... ويجـرح شوكهـا فمّـي
متى يمطر رمِل صبري / دعـا / ماخالطه إشراكْ
................................ وأنادي "ياكفـوف الصبر " وينك لـِ المطر / زمّـي



وينك لـ المطر زمّـي ؟



أحلام مؤجلة

ياقلبي لـِ الغياب المـرّ كم غالـي مشا وخلاكْ ؟
.......................... وكم صااااحب رحـل وأول / ذخرتـه للزمن يمّـي

ألملمهـم ... وأرتبهـم مع أحلامي عنـا وإربـاكْ
................................. شتـات دروبهم يسأل وش تخلّي وش اتلمّـي !!


هنا للعمر خطوات مسموعه يا احلام
صح لسانك يا شاعره

ود و ورد 🌹