عبدالله بن سعد السهلي

[عبدالله السهلي]

يا عين لو طال السهر ما ظنتـي حولـك منـام
الهـم جانـي مبتـداه ورحمـة الله شامـلـه

تلعب بي الدنيا وأنا كنت أحسب أن الحظ قـام
الله يعوض خير فـي جهـد الأيديـن العاملة

مثل العقيم اللي رزقـه الله ف أحلامـه غـلام
من فرحته مـا فارقـت راس الغـلام أناملـه

ما تمت الفرحة وراحت روحه في سن الفطـام
الله عطـا والله خـذا فرحـة ولاهـي كاملـه

أقدار سوت بي سوات الشلف عجلات الـولام
تبطش ويبطش فالحشا صيب الجروح الداملـه

والحظ ما يسمـع ولا ينطـق ولا عنـده نظـام!
أظن لو يعـرف شقـا راعيـه فـز وقاملـه

ما فات مات ويبتدي مادام لـي شـف ومـرام
دام الأمل موجود ف قلـوب الوجيـه الآملـه

اللي زرع يحصد وانا بالنور واجهـت الظـلام
واللي يكـرر غلطتـه بانـت عليـه الخاملـه

ياسيف انا سقت القـدم يمـك ولا فيهـا كـلام
خل النظر حول النظر تلقـا علومـي صاملة

الذيب ما هرول عبث والطق فالميـت حـرام
والحـر تكفيـه الإشارة لا بغيـت تعامـلـه

أنا ما أسج الرجل للي يرتخي وقـت الزحـام
أسجهـا للـي علـومـه طيـبـه وأزامـلـه

لا من صحبنا ما صحبنـا إلا رفيعيـن المقـام
الكير نحرب نافخه والمسك نصحـب حاملـه

ما هانت العشرة يا أخوك إلا على عيال الحرام
اترك سميلات الجداد البـس اجـداد الساملـه

اللي ما يعنيني ما يعنينـي ولا أعطيـه اهتمـام
كوامـلـه نواقصه. نـواقـصـه كـوامـلـه

قلنا ذلـول حـزام مردوفـه وزعلنـا حـزام
يحسب ذلول احزام له مدري يحسب احزام له!!

أقدام سيقـان النعـام اتأثـر بـروس النعـام
أثر النعامة راسها لا طـال تصبـح ثاملـه؟!

حمل الرسائل والمسافه فوق جنحـان الحمـام
الطير بالمكتوب حايم للوطـن مـا حـام لـه

روس الحبال معقده ما بين جـوخ وبـز خـام
الموقف الغصـاب سلـم لـي علـى قراملـه

{الطيبين مصدريـن العلـم قصـاص العظـام
الطيب لو مـا جاولـه جاهـم يغنـي زاملـه}

وإن ضاعوا أهل المعرفة قلنا على الدنيا السلام
أصـل الأصائل يحتويهـا ما تعـود هاملـه

يعنها اللي فاللقا ضـاري علـى ورد الحيـام
يزعزع البيدا ولا جـار الضمـا فـي زاملة

وكان الزمن عيا يطيـع فخلهـا راس وسنـام
وأخوك من بعد التعب عبـر ابتسامـه جاملـه



للشاعر : عبدالله بن عماره