إيـقــاع الـمـطـــر

[علي الحسني]

كيف حالي
وش هي اخباري عساني مانحرمني
الشكر لله ما زلت آتنفس
إيه صدري ضاق بي لكن متصالح يسامح
لو حواني صدر غيري شوق جامح ..
مافهمني غير صدري
لو تنفست بصعوبه أعرف انه مايخليني كذا يرجع يحن
مايخليني ويفتح للنسيم الباب لاطال الشجن
المهم انه نصحني . لو جرحني
قال لي : إحذر تسلم قلبك أي انثى وتندم
كلهن اخوات من نفس الفصيله
لاتحاول يوم تحلم
قلت ما في اليد حيله
قال لاتزعل أجل لاضقت بك
قلت يمكن اسمعك في يوم ..
خل اللوم
المهم اني بخيربليل حالك
كيف حالك

 

[علي الحسني]

فقـدتـك حـيـل لـــو إنـــك فقدتـيـنـي كـفـقـدي لـــك
.......... لصـارت صورتـي قـدام عينـك صـعـب تمحيـهـا

يـا أجـمـل حـلـم لـكـني عجزت اوصل لتأويـلـك
.......... بربك مـهـجـتــي ذابت بنارك من يطـفـيــهــا

دخيلك لاعجـزتـي عــن وصـالـي هــات منـديـلـك
.......... عشان اجمع صورك اللي بدمعي فيه واخفيها

 

[علي الحسني]

التبغ هذا اللذي سبته على شانك
................. رجعت له والسبب في الحالتين انتي

/

من اول اغنى عنه وردك وريحانك
................. واليوم عوّد نديمي بعد ماشنتي

/

شنتي بهجرك وتطنيشك ونكرانك
................. ايست منّك تعودي مثل ماكنتي

/

وشلون قلبك فقد إحساسه وخانك
................. والا قسى حين من قلبي تمكنتي

/

ماكنك الغيمه اللي عذب تحنانك
................. أغرى بسحره خفوقي يوم لي لنتي

/

أبعتبر إن ذيك الغيمه اكفانك
................. واغسلك بالدمع ماني قايلٍ خنتي

/

بذكرك بالخير لكن مو على شانك
................. من شان قلبٍ بتعذيبه تفننتي

 

[علي الحسني]

أحتاج لك مو غرام أحتاج لك أكسجين
بغيابك أغيب في غيبوبتي وانكمش
/

أعيش في حالة اللاوعي حتى تجين
وبجيتك تمطر الدنيا فرح وانتعش

 

[علي الحسني]

يرضيك يبقى كذا صدري بدونك سجين
ماتسمعي صرخة ضلوعي ذبحها العطش

 

[علي الحسني]

ودي أغمض عليك احدى عيوني وانام
............. والثانية ماتغمض ساهرة تحرسك

 

[علي الحسني]

جيتي على الموعد
جيتيني في وقتك
الليله الليله .. محتاج لك أكثر
أكثر من البارح
واحتاج لك بكره أكثر من الليله .
. حبيبتي والشوق
يجتاحني لك فوق
بكثر مآ أنتي .. شعلة حنان وذوق
بس لاتخليني لوحدتي والبرد
تدرين من دونك أحسني مفقود
من كثر ما احبك
فعلاً أنا مفقود
والأصعب من الفقد
لو التقيك بيوم .. ما القاني بقلبك

 

[علي الحسني]

لاتنظري لي بعين العطف يا أملاً
........... غسلت منه ابتساماتي بدمعاتي
دعيني اجترع الآهات ذا قدري
........... فإن سلواي أضحت في معاناتي
قسّي فؤادك أخشى أن يصيبك ما
.......... أصابني ففؤادي ضل عن ذاتي
لاتخضي للهوى إن الهوى ألمٌ
.......... دواؤه من ضروب المستحيلاتِ