|
[مـدرسة الـدنيا ]: النص محذوف لأسباب مؤنثة !
[مـدرسة الـدنيا ]: النص محذوف لأسباب مؤنثة !
[ محذوف نصِك / محذوف صوتِك/ محذوف حلمِك ] كل شي محذوفْ من نون النِسا إلا الأسى وكل نصٍ نكتبه ويطلع حلو / لازم ورا حبره "رجل" أو "أبلسه" وكل شيْ "طيبْ" نقوله يعني إنه يا كذب يا "وسوسه" وكل جملة تريد تكبر من شـِعرنا / يعلموها شلون تسكت / تصحى بدري / تروح صف المدرسه...! [ما اريد أروح المدرسة ...] حرة أنا / بكيفي أنا / وما همنّي لو نختلفْ... ما نعلّم العين البكا / ولا نعلّم الجرح النزف ... ما نعلّم الـ [ الأو تو o2 ] طريقه للصدر ... هذا الصدر ... ما نعلّمه شلون الهوا يتنفسه. بس للأمانة : أعترفْ... بعض القصايد من ذهب / بعض القصايد مُفـْلِسه! وبعض الكتابة من السحر / والبعض حبر و هلوسة واحنا بزمنّا للاسفْ / النقد ميزانه اختلف. لكنما يبقى الصدق مثل الشمس... والشمس لمّا ترتفع فوق العتم / ما نلِمها بالمكنسة . [ما اريد أروح المدرسة ...] حرة أنا / ما همنّي... خل أنقتلْ يا ها الزمن... ولو على نحري تحطّ السيف مغموس بشجن/ وتغطي أيامي بكفنْ أضحك أنا وما انحني : حرّ الصقر ما ينسجن... دمي عزيز وبيرقي عالي إذا عزم النشامى ينشحنْ / ما كو هزيمه تـِنـْكِـسَه / ونبض القلب ما نِحبـِسهْ... والفرع يرجع للأصولْ دربي بعيد بلا وصولْ وآني مسافاتي بحر / ضيّعتْ فيها مركبي / لاهـُو غرق ...لا هـُو رسى [ما اريد أروح المدرسة ...] حرة أنا / وعزمي حديد / ما أقدر أصير من العبيد وأعصاب مخي مربعّه... ما أقدرأصير بلا وجه / مالي ملامح واضحه / مثل الجميع مقنعّه... وملونة ومنوّرة ... مثل الدمى في كرنفال المسخرة ما أريد أخالط زحمة أسواق الشّعر: [ واسمي يباع و يُشترى ] وما أريد شهرة مزوّرة / ولا أريد موتة مكرّرة ... ونفسي أظلّ: [وحدي أنا وفنجان شايي وسكّره / وقلب ٍ تذكر ما نسى.../ ودمع ٍ قسِيتْ وما قسى...] والدّنيا أكبر مدرسه ! حنين عمر// |
حنين
ولك شـ تريدي من هاي المواجع ؟ نص يبعث الأمل في قلب أخيك سيصل صوتكِ لـ أعلى الآفاق وسيحيط بـ مسامعهم غنيه كما عهدتكِ صح كلك |
حنين .. صوت الذات الأبية وصل للذائقة يا صديقة .. واستوطنها ..! جميل ما قرأته هنا فكراً وشعراً ..! وطريقة صياغة انتقادك الساخر شدني كثيراً ..! كوني في حفظ الرحمن محمد |
: هذه القصيدة لا تُكَرّر غيرها ، ولن تُكَرّر نفسها . فيها من الومضات ما تُشعِل الحرائق في أكبر المُدُن ! حقيقةً منذُ العنوان وأنا أقول هناك ما هو مختلفٌ وفريد في الـ دّاخِل . دخلت وتأكّدت من هذا الأمر ، دخلت ولم أخرٌج ولن أخرُج بـ سهولة . - شُكراً حنين - |
بل محذوف كل من يحاول عبثاً طمس الجمال والتقليل من حجمه وقيمته
وأنتِ جميله والله ياحنين .....ومزدان الشعر بأمثالك... تحية إجلال لكِ ولهذا النص :icon20: |
|
اقتباس:
أخي الطيب ...دمت بضوء كثير ايها المبدع شكراااااا |
اقتباس:
شكرا على تشريف نصي بمروك الكريم دمت بضوء وخير شكراااااااااا |
| الساعة الآن 04:46 AM |
Powered by vBulletin® Copyright ©2000 - 2025, Jelsoft Enterprises Ltd.