طـــول غيــــباتك ..

[مشاري الشليمي]

الغيـاب ..

وآآآآه من الغيـــاب ..















[POEM="font="Simplified Arabic,5,teal,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]ما قلت لك يا حبيبي طول غيباتك .. = تلعب بحسبة سنيني يا هوا سنيني .. !!
وشـ فيك تبعد وتزرع فيني آهاتك .. = وتحصد قصايد حزن مستوطن ٍ فيني ..!!
طالت دروبي وأنا أركض في متاهاتك .. = حتى وصلتك وأسأل خطوتي ويني ..؟؟
زعلان جيتك وقلبي ذاق حسراتك .. = جيتك أبيك إتعذر لي و تغريني ..
ماجيت أدور عذر عادي من شفاتك .. = جيتك تراضي شموخي .. مو تراضيني ..!!
وقلي وش أسباب غيباتك وصداتك .. = وأقول لك شنهو اللي ( جابني ) فيني ..
ما جابني غير ( إنت ) وطيب نسماتك .. = والشوق .. و اللهفه .. وضحكة عدوّيني ..
تعال إسمع بوسط القلب دقاتك .. = وأحلام دنياك .. لكن لا تصحيني ..
ودي أردمامضى منك وفاتك .. = وأطير بك لين أضمى .. ثم ترويني ..
طموحي إني أحقق كل طموحاتك .. = حرام تقتل طموحاتي وتنهيني ..
تدري حبيبي .. دموعك وإبتساماتك .. = ما شفت أنا مثلهم من شافتك عيني ..
يا خي إعتبرني طفل ما يسمع وصاتك .. = وش كان ذنبي لجل بالهم ترميني ..!!
حرام تبخل على عيني بـ شوفاتك .. = لا تحسب إنها سهاله يوم تجفيني ..
أنا طلبتك حبيبي أرجوك و حْياتك .. = من بعد حرب الجفا والشوق .. تلفيني ..
وخلني أعالج جروحك وإنكساراتك .. = بـ دموع عيني وأضمدها بـ شراييني ..
وخلني بـ جنبك أخفف من معاناتك .. = وإنسى معاناة قلبك في مياديني ..
( وروحي وقولي لـ عماتك وخالاتك .. = قولي : بيـرجع وأحط إيديه بيديني ) ..
وبلغهم إنه خيالي في مداراتك .. = ماني بناسيك وإنته منت ناسيني ..
وبلغهم إنك إذا إسمي في خيالاتك .. = ماعاد به شي فوق الارض يغريني ..
وبلغهم إنك إذا جيت بـ مساءاتك .. = نورك يضوّي دروبي لين يهديني ..
وبلغهم إنك إلا من قلت لي .. هاتك .. = أجيك ممنون وأشواقي توديني ..
وبلغهم إنك إذا زادت حركاتك .. = وجا على بالك تعنــّـيني .. تعنــّـيني ..
بس قبل هذا بلاش تطول غيباتك .. = وبلاش تلعب بـ حسبة جد أبو سنيني ..
عشان ما يبلغونك إني بـ سواتك .. = صرت الضحيه ما بين عنادك وبيني ..[/POEM]

 

[قايـد الحربي]

مشاري الشليمي
ــــــــــ
* * *


قصيدة تلامس الروح
تجعل بينها وبين النبض : حكاية عتب
و جناية : عنب ..
محبوكة الغياب و السحاب
فشكراً لك عليها .

 

[ميــرال]

مشاري الشليمي

قريب النص بكل مايحمل من شعور / شعر

صح قلبك
ودام حرفك

 

[صالح الضويحي]

الغـيـــاب


وآآآآآآآآآه من الغياب..


طالت دروبي وأنا أركض في متاهاتك ..
حتى وصلتك وأسأل خطوتي ويني ..؟؟



مشاري الشليمي



رائع فيما كتبت
نص يستحق الاحتفاء
بكل تفاصيله..


تحياتي لك

 

[مشاري الشليمي]

المشاركة الأصلية كتبت بواسطة قايـد الحربي

مشاري الشليمي
ــــــــــ
* * *


قصيدة تلامس الروح
تجعل بينها وبين النبض : حكاية عتب
و جناية : عنب ..
محبوكة الغياب و السحاب
فشكراً لك عليها .

تلامس الروح .. !!

أعتقد أنك أخطأت يا قايد ,,
فـ الذي يلامس الروح هو مرورك وليست قصيدتي يا أستاذي ..

شكرا ً لك ..

 

[طلال أبا جريد]

الشليمي مشاري
حضور غير عادي
صح لسانك
تحيتي

 

[محمد الضويحي]

وشـ فيك تبعد وتزرع فيني آهاتك
وتحصد قصايد حزن مستوطن ٍ فيني
طالت دروبي وأنا أركض في متاهاتك
حتى وصلتك وأسأل خطوتي ويني ..؟؟
زعلان جيتك وقلبي ذاق حسراتك
جيتك أبيك إتعذر لي و تغريني ..
ماجيت أدور عذر عادي من شفاتك
جيتك تراضي شموخي .. مو تراضيني ..!!


مشاري الشليمي ... يسعد لي مساك

نص جاء بين قافية ( اتك / يني ) وكأنها اندماج روحي بين الشاعر
وملهمته / مثل هذه الشاعريه لا تأتي إلا بمن يقول الشعر بحس حاضر
حقيقة تنفسنا معك كل بيت منها وأخذتنا بك ومعك ...



بلا مجامله أنت جميل ... وأسلوبك مميز ومتجدد

 

[مشاري الشليمي]

المشاركة الأصلية كتبت بواسطة ميــرال

مشاري الشليمي

قريب النص بكل مايحمل من شعور / شعر

صح قلبك
ودام حرفك

ميـــرال ..

ردك جميل والاجمل مرورك ..