اللي يبي يشبع هجاء وشتيمة ***فقط عليه يْفوز بالطيب والكار

[حسين البليهي]

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,darkred" type=1 line=0 align=center use=sp num="0,black"]
الا انت تكفى لك مكانة وقيمة =خلك عَلَم في قمته تشتعل نار
انااعتبر خسران مثلك جريمة = ماتدري انك حر من ماكر احرار
ياطب قلبي ياهواه ونديمه =ياللي مخليني محطة للانظار
مشاعري من دون عطفك يتيمة =أنت الأبو والأم والأخ والجار
تعال ابحكي لك جروحٍ أليمة =تعال اقص لدفترك بعض الامرار
تعال ابروي ذكرياتٍ قديمة= تعال ابقرالك عنواين الاخبار
اللي يبي يشبع هجاء وشتيمة = فقط عليه يْفوز بالطيب والكار
الياذبح خَروف قالوا فطيمة =واليانحر مفرود قالوا له حوار
ياسهلها عند الحسود الظليمة =اسهل من القرطوع من در الابكار
رفقاً (بكم) ياهل الحسد والنميمة = ترى وراكم قبر ياعالم ونار
وانتِ لك الله ياالنوايا السليمة = هو العزا للقلب عن كل ماصار
لوكل طقة ذقتها بتْعَليمة =يمديني دكتوراة مع سبق الاصرار [/poem]