[ أهْلُ النّوَايـَـا ]

[عبدالله العويمر]

[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]كنت احسب اني لاحملت الفاس ، والطيب حطبي=تصير ناري جمعة الخلاّن ، ودلالي غلا

على بياض اهل النوايا الطيّبه جا مذهبي=ان غاب غالي قلت وينه ؟ وان وصلني ياهلا

معنى التعب في ناظري لاصار لاحباب..اتعبي=يزهى بهم ، والا على غير الحبايب ماحلا


وياكبرها لاجاك غالي يسألك : قل وش تبي؟=من مدة اليمنى لنا...ياكبرها بين الملا

تكبر بعينك كلمته ، ياكلمته فوووق اركبي=فوق الكتوف اللي احملت قدره ، ولك قافي تلا

إي والله اني ماحسبت حساب لي عقل ٍ غبي=على كثر ماجاه مايحسب ورا البسمه بلا

كنت اعتقد لو واحد من الفين يصفى..مكسبي=كان اليقين اني من احبابي بوقتي ماخلا

خِلِيت منهم ..والقصايد ماخلت من مطلبي=وين انت ياللي لاسألوني قلت بالطيب اعتلا؟!!!

وانا يمين الله اعرف انه غلط كل ماابي=في وقتنا كل شي يكون الاّ الوفي عنّه جلا

ولاني على وقت ٍ مضى نادم ..وباقي بحطبي=باشّب ناري لجمعة الخلاّن ، ودلال الغلا [/POEM]

 

[حنان محمد]

العويمر

من عذب قصائدك نروي أفئدتنا

لك تحياتي

 

[حـريــر]

عبد الله العويمر

لغة راقية وحديث عذب

دمت رائعا كما انت

 

[كايد الرويلي]

عبدالله العويمر

نص كتب بماء الذهب

شكرا لهطولك المفعم بالجمال

دمت شامخا ومبدعا

 

[صالح العرجان]

كنت احسب اني لاحملت الفاس ، والطيب حطبي
تصير ناري جمعة الخلاّن ، ودلالي غلا

على بياض اهل النوايا الطيّبه جا مذهبي
ان غاب غالي قلت وينه ؟ وان وصلني ياهلا


عبدالله العويمر

منبع للجزاله ورصانه المعنى


صح لسانك

 

[متعب المضعان]

[POEM="font="Simplified Arabic,5,red,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]كنت احسب اني لاحملت الفاس ، والطيب حطبي=تصير ناري جمعة الخلاّن ، ودلالي غلا
على بياض اهل النوايا الطيّبه جا مذهبي=ان غاب غالي قلت وينه ؟ وان وصلني ياهلا [/POEM]


عبدالله العويمر


ولنا موعد مع الابداع


وتطويع المفردات المرصعة بالجزالة


الف مليون صح السانك


ولاعدمتك يالجزل

 

[أميرة الشعر]

الله
وربي كلام من ذهب
0
كنت اعتقد لو واحد من الفين يصفى..مكسبي
...........كان اليقين اني من احبابي بوقتي ماخلا
خِلِيت منهم ..والقصايد ماخلت من مطلبي
............وين انت ياللي لاسألوني قلت بالطيب اعتلا؟!!!
\
/
\
(شديت بالدنيا حزام ولا لقيت الي قوى
........ يالله دخيلك مالقيت الي نشد ابه الظهر )
\
/
\
ليبقى عبدالله العويمر :
ولاني على وقت ٍ مضى نادم ..وباقي بحطبي
..............باشّب ناري لجمعة الخلاّن ، ودلال الغلا
0
قصيده أولها زاخر وآخرها فاخر
شكراً لشاعرها وهذا العمل الباهر 0

 

[ناصر المخيليل]

عبد الله

كلمات جميلة

سعدت بمعانقتها


صح اللسانك


تحياتي لكل حرف خطيته