ليلى وأنا .....

[مشعل الوسّامي]

الإهداء ................لكم ...




سهران وحدي..
بالمكان اللي على أرضه ... انتهت ..
قصة و حكاية ..
عاشها قلبي ..
شقى فيه وتعب ..
ماغير صوت الريح يعزف ..
لي نغم ناي بحزن ...
وفداخلي ..
يصرخ ... سهر ..
ياصبح ..
تكفى لا تجي ..
في هالمسا ..
ودي اسولف .. حالتي ..
اثر السهر ..
صمته يهيض ماستر صدري... ..ألم .
في قصتي ..
بحكي ..
وبشعل له قناديل .. وشعر..
ببحث..وفتش..داخلي ..
بلقا ملامح باهته ..
مو واضحه..
فيني بقايا..
من زمان مسافرة..
طيش ..
وبراءة طفل يعبث ..بي
كثير اشيا ببعثرها ..
على الدفتر .. شعر ..
يادفتري ..
بنثر على بيض الورق ..
حزني...مطر..
لين السطر ..
يشرب الم فيني ..سكن ...
بعض الليالي ..
جوها يغري خفوقي بالسهر.
فوق الورق..صاحت..
مشاعر بالمحاني .. راقدة ....
وبدفتري ..
كانت احاسيسي .. شعر ..
انتي .. وانا...
بعض الفرح عشنا...
وعتب....
عاش بطفولتنا ..
تعب .....
بس الأكيد ان احتويناه ..
بلعب ..
مثل البحر هذه الحياة ..واجسامنا ..
فيها السفن..
وقلوبنا مثل الموانئ ..
لونسافر ..له نجي ...
لحظه ..؟؟
على طاري السفر ..
قلتي بسافر ياحبيبي وانتظر؟
بتسافري ...؟؟؟
يعني غياب
تسافري ...؟؟؟
يعني عذاب
تسافري ...؟؟؟
يعني سهر
ليه السفر..؟؟
عمري شتبي ..؟؟؟
قلت العهد...ناخذ عهد..
مهما نسافر عن بعض ..
في هالمكان ..
بنلتقي ..
ماتقدري ..انك تجي ..
ادري .. صعب..
قلتي بجي ..والله بجي
قلت بنشوف وننتظر ..
منهو .. بيصدق بيننا ..
والحين ..
وش رايك نغني..
بين الزهر..
أجمل اغاني نحسها ..
تدخل كذا فقلوبنا ..
انتي وانا ...
شفتي الورق كيف يتمايل .. بالشجر
فرحان حيل ومنطرب ..
نركض ويلحقنا الفراش .. ونلحقه ..
بعد المطر ..
بين الروابي والنخل ..
نلعب
ولانعلم خفايا وقتنا ..
هل في ألم .. بدروبنا ..
محدن سأل ..
.. العاصفه ..
جتنا وشلت مابنا .. ماتت سعادتنا هنا ..مثل الجدار المهتري ..
نصبح ورق
"نرقى على متن الهوى "
ويطشنا ..
فوق الرمل .. مثل العب ..!
حتى نعيش أحلامنا ..
جتني ودموع بعينها ... متنافره ...
يالله حياتي .. مسافرة ...؟؟
حان الوداع وساعة
التوديع .. جت ..
وبلحظة الفرقا ... بكت
وتذكرت ..؟ذاك الحديث اللي.. حصل..
في .. يومها ...
قالت...اجي...
عمري...بجي...
اذكر ترى في بيننا... سر وعهد ..
مهما تباعدنا ترى لازم .. تجي .... حتى كلامي..
مكتمل ...
راحت تلوح بيدها ... صورة بقت في .. داخلي ...
ياطيبتي .....
راحت ولا ادري ..
هي تجي..
او.. ماتجي..
انطر وبزرع له جفوني ...في
غيابه بالسهر..طول العمر..
اسأل وارد له منصدم
ليه الحبيبه مااصبرت...؟؟
راحت ولا حتى اسألت..
بعده حروفي ماانطرت .. قالت
حكي فوق الورق ..

[POEM="font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]..نور وطفى ياشمعتي= حالي بدونه مرعبة ..
..امشي ولأعلم وجهتي =حتى دروبي متعبه ..
.. اكره بدونه دنيتي =الليل بعده مااصعبه ..
.. ضيع غيابه راحتي =لجله خيالي بتعبه ..[/POEM]

وارجع اسولف .. للمسا
قصة بحر ..
مستفعلن..مستفعلن
وتمر .. سنة..
بعده.. سنة..وبكل سنة احضر.. الى نفس ..
المكان .. وانتظر..
يمكن .. تجي ..
اضحك على نفسي ..؟واقول ..
لازم...تجي..
مسكين يا قلبي..متى فيك بتحس ..؟؟
دار الزمن ..
وتغيرت حالي..علي..
كني غريب بداخلي..
متغيره فيني ملامح
والصور ..
ذابت زوايا خاطري ...
وانفض غبار الذكريات ...
واكتبه..

ووراقي الصفراء بكت
حزن المكان بشعرها
غدر الأحبة بي نحت
لوحة بكاني حبرها
صورة بعد غيبة صحت
جتني تلاعب شعرها


ا

نادت ولاني يمها ..
او قربها ...
يامنيتي ..
بعدك غيابك ...شلني
شوف الالم ... واضح علي..
وهدني ..
غصبن علي.. شفني تراني..
احتضر ..
والله ألم ...
والله الم ...
عمري..تراه بينتهي ..
نامت وبعده .. ماصحت ..
منه سماي .. تلبدت .. وتراكمت
فيها الغيوم ..المرعبه..
ذكرى أليمه ... وانتهت
وارجع اسولف للمسا..
عن حالتي..
وحكايتي..
انتي وانا
ذكرى وسط جمر الألم فيني...
صحت..

 

[مشعل الروقي]

مشعل

سميي .

لم تكن انت وليلي فقط

بل كان هناك نبض واحساس

كان هناك عشق يهمس بين الاسطر

كان هناك قصه اجمل مافيه الصدق

واسواء مافيها النهاية .
.
.

تقبل مروي استاذي .
ودمت راقياً .
.
.
م ش ع ل

 

[محمد الضويحي]

يخرب بيتك يا مشعل .... أي قلب من جليد سيذوب عند قراءت هذا النص
في كل حرف حراره شوق صامته وحنين ملتهب والله إنني تأثرت حيل
جميل أن يكون الحرف ملئ بإحساس الشاعر وكأن به شحنات متوقده

ياطيبتي

راحت ولا أدري

هي تجي ..... او ما تجي ........

عمرها ماجت دام ها الابداع حاضر فيكفي أنها اوقدت في داخلك كل هذا الحنين


مشعل ....... بدون مجامله نص أرجواني بنكهة الرومنس ............

 

[عبدالله ثويني المانع]

..

** مشعل الوسّامي **

أهلاً بك وبجمال الشعر ورقّـة الشعـور ..
نص ممتع يجذب القارئ ليعيش تفاصيله
المتباينة ..
نقرأ ونكرر القراءة ويستمر شكرنا
للشاعر الجميل : مشعل الوسّامي

ألف شكر وأزكى تحية ..

..

 

[نواف التركي]

مشعل الوسامي

موسيقى جميله بنص أجمل , يـ أخذنا لأدق التفاصيل لنغنّي معه , ونتذكر معاً طفوله وأريحيه نكاد نعانقها معاً بهذا النص .


صح بوحك

يا مشعل
ودمت بخير

 

[عبدالعزيز محمد المالكي]

مشعل الوسامي

ونوتة ..
عزفتها بأناقة ..
تجذبنا إلى حيث المطر .. والغيم

 

[حسين آل صمع]

بين الأرق والورق تناغم الشعر


و تناما الكلام عصافير



جميل هذا الغرق



صح كلك

 

[عادل الرديعان]

مشعل الوسَامي


لله درك

نص مبهر في ادق تفاصيله

روعه احساسك عزفتها لنا لحناً فأبدعت

نص سامي لايضاهيه الا سمو روحك

صح لسانك وسلم بنانك على هذه الرائعه


سجل اعجابي

دمت بكل

ود