مــــوتى النّهــــــار ومتعبين الليـــالي

مفوز التبيناوي · 01-16-2007, 04:04 PM

يسرني أن أضع أول مشاركاتي في هذا المنتدى الرائع والراقي
أتمنى أن تنال إستحسانكم

[POEM="font="Simplified Arabic,4,indigo,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]يالله والتسبيـح لـك والتهالـيـل=ياواحدٍ فـوق السّمـاوات عالـي
يامِهْلِك أهل الفيل بطيـور أبابيـل=تجْعَل مصيـر الظّالميـن الـزّوالِي
جتني هواجيسي تقافى تِقِل سيـل=تزوْد لانسنـس هبـوب الشّمـالِي
تسري بفكري كل ماعسعس الليـل=واسري مَعَه واطاوعَه من هبالـي
أمشي واهوجِس واستعيد التفاصيل=ولو صِرْت وسط الناس كنّي لحالي
وبنات فكري كِنّهـا شِـرّد الخيـل=ميدانهـا واسـع مداهـا خيالـي
قِحْص ٍ خزايزهن بديـع التّماثيـل=غوالـي ٍ مـا تَقْبَـل الاّ غوالـي
جَنّي يصارِعْن الاعنّـه مشاويـل=واسْرَجْتهِن واخْترت قافٍ طرالـي
وين انت رايح يازمـان التّهاويـل=تمشي على ما تشتهي مـا تبالـي
ما تِلتفِت للي تـردّى بـه الحَيْـل=ولا تنـزّل لـي تجـاوِب سؤالـي
خَذيت طبْع الجيل يا طابـع الجيـل=تستهتـرون بكـل طبـع ٍ مثالـي
جيلٍ تمـرَّد راح جيـل الرّجاجيـل=واصْبَحْت تايِه بينهن عزّتـا لـي
شفْت المهونه والعنـا والبهاذيـل=عقْب المهابه قمْت أجامِـل عيالـي
جيل المهايَط والغنـاء والخلاخيـل=موتى النّهـار ومتعبيـن الليالـي
جيل آخِر القصّات جيـل البناطيـل=جيـلٍ يقلِّـد لابسـات الشّـيـالي
يقول واحدهـم كسَـرْت الفناجيـل=أنـا كِـذا، مـا للشّكالـه ومالـي
والبنطلون الجنز من غير تفصيـل=إيزي، وانا ملّيـت لِبسـة عقالـي
ولا عَلَي من كثرة القـال والقيـل=(طنِّش تعيش) وشلّتي راس مالـي
ماهَم من اللي حصّل العلم تحصيـل=واستهدَف صروح الشّرَف والمعالي
ولاهَم على درب الرّجال المشاكيـل=اللي سعوا للطيـب بـاوَّل وتالـي
ولاحَسّبوا غيب الليـال المقابيـل=جيـلٍ نشـأ مستهتـرٍ وإتكـالـي
ولااعمّ كل الجيل من شان مااعيـل=فيهـم شبـابٍ قرّبـوا للكـمـالي
لكن من اللي شُفْت مثّلْـت تمثيـل=لاواهنيّ اللـي مـن الهـمّ خالـي
يابِنْت ياللي خَطّت العيـن بالميـل=تكفين،ووصالِـك بعيـد المـنـالي
تشيّمي عـن مودعيـن التّعاليـل=دخّـان ومعسّـل وعـودٍ يلاالـي
وانا عزاي إنّي على الدِّين مااميل=واسترجع من المعصيه وانفعالـي
وعزاي فوحَة ريحة البنّ والهيـل=في مجلس ٍ مابين غالـي وغالـي
وعزاي ليامنّه نقَز طالـع سهيـل=وقمنا على (المنشا) نخيل الخيـالي
وجَهّزْت شنطة عزبتي والمعاميـل=خوّة عزيزيـن الرّفيـق الرّجـالي
عِشْنا وشفْنا وابعدتنـا المراحيـل=ولا بقي منّي كِثِـرْ مامضـى لـي[/POEM]

مع كل الود لكم أخوكم/ مفوز التبيناوي

مفرّح آل مفرّح · 01-16-2007, 04:34 PM

و أنا عزاي إني على الدين ما أميل

و أسترجع من المعصيه و انفعالي

صح لسانك و صحٌت يمناك

لاهنت

و عسَى الله يثبٌتك على الحق
و يحسن خاتمتنا و إيٌاك

مشاركه أولى تصل بها إلى القمٌه
أتمنى لك دوام التميٌز
بـ انتظار كل جديد مِنك

تقبٌل احترامي

نـــجد · 01-16-2007, 05:03 PM


	[POEM="font="Simplified Arabic,4,indigo,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]يالله والتسبيـح لـك والتهالـيـل=ياواحدٍ فـوق السّمـاوات عالـي يامِهْلِك أهل الفيل بطيـور أبابيـل=تجْعَل مصيـر الظّالميـن الـزّوالِي جتني هواجيسي تقافى تِقِل سيـل=تزوْد لانسنـس هبـوب الشّمـالِي تسري بفكري كل ماعسعس الليـل=واسري مَعَه واطاوعَه من هبالـي أمشي واهوجِس واستعيد التفاصيل=ولو صِرْت وسط الناس كنّي لحالي وبنات فكري كِنّهـا شِـرّد الخيـل=ميدانهـا واسـع مداهـا خيالـي قِحْص ٍ خزايزهن بديـع التّماثيـل=غوالـي ٍ مـا تَقْبَـل الاّ غوالـي جَنّي يصارِعْن الاعنّـه مشاويـل=واسْرَجْتهِن واخْترت قافٍ طرالـي وين انت رايح يازمـان التّهاويـل=تمشي على ما تشتهي مـا تبالـي ما تِلتفِت للي تـردّى بـه الحَيْـل=ولا تنـزّل لـي تجـاوِب سؤالـي خَذيت طبْع الجيل يا طابـع الجيـل=تستهتـرون بكـل طبـع ٍ مثالـي جيلٍ تمـرَّد راح جيـل الرّجاجيـل=واصْبَحْت تايِه بينهن عزّتـا لـي شفْت المهونه والعنـا والبهاذيـل=عقْب المهابه قمْت أجامِـل عيالـي جيل المهايَط والغنـاء والخلاخيـل=موتى النّهـار ومتعبيـن الليالـي جيل آخِر القصّات جيـل البناطيـل=جيـلٍ يقلِّـد لابسـات الشّـيـالي يقول واحدهـم كسَـرْت الفناجيـل=أنـا كِـذا، مـا للشّكالـه ومالـي والبنطلون الجنز من غير تفصيـل=إيزي، وانا ملّيـت لِبسـة عقالـي ولا عَلَي من كثرة القـال والقيـل=(طنِّش تعيش) وشلّتي راس مالـي ماهَم من اللي حصّل العلم تحصيـل=واستهدَف صروح الشّرَف والمعالي ولاهَم على درب الرّجال المشاكيـل=اللي سعوا للطيـب بـاوَّل وتالـي ولاحَسّبوا غيب الليـال المقابيـل=جيـلٍ نشـأ مستهتـرٍ وإتكـالـي ولااعمّ كل الجيل من شان مااعيـل=فيهـم شبـابٍ قرّبـوا للكـمـالي لكن من اللي شُفْت مثّلْـت تمثيـل=لاواهنيّ اللـي مـن الهـمّ خالـي يابِنْت ياللي خَطّت العيـن بالميـل=تكفين،ووصالِـك بعيـد المـنـالي تشيّمي عـن مودعيـن التّعاليـل=دخّـان ومعسّـل وعـودٍ يلاالـي وانا عزاي إنّي على الدِّين مااميل=واسترجع من المعصيه وانفعالـي وعزاي فوحَة ريحة البنّ والهيـل=في مجلس ٍ مابين غالـي وغالـي وعزاي ليامنّه نقَز طالـع سهيـل=وقمنا على (المنشا) نخيل الخيـالي وجَهّزْت شنطة عزبتي والمعاميـل=خوّة عزيزيـن الرّفيـق الرّجـالي عِشْنا وشفْنا وابعدتنـا المراحيـل=ولا بقي منّي كِثِـرْ مامضـى لـي[/POEM]