رحلة الماضي

[متعب بن حسين]

السلام عليكم ورحمة الله وبركاته

[ رحلة الماضي ]

يمرْ الوقت قدامه .. ويكّبر مع كبر عُمره
حنين لــ/رحلة الماضي عزف في داخله ونّات

يبي يرجعْ يشوفه .. ثم يعلن ما خفى صدره
يبي يحكي عن احساسه .. يبي يستدّرك اللي فات

حياه اجّبره .. ما يفضح أمام اللي يحبْ سرّه
صغيرٍ تخّجله كلمة [ أحبك ] واعذب الكلمات

وحبّه من طرف واحد .. على الحلوة على المُرّة
يبيّن له من افعاله .. بعينه أصدق النظرات

ثلاث سنين ما غابت عن الميعاد .. لو مرة
تجي لجل الصداقة .. والمحبة لجلها ما / جات

برودتها طبيعية .. وشبّت داخله .. جمرة
وتحييها الظنون اللي .. قست مع قسوة الصدّات

وجات الساعة اللي طبعها ما / تحفظ العشرة
رحلْ مثل الصباح اليا هوتْ شمسه .. رحل بسكات

تخاطفه النصيب ولالنا فوق القدر .. قُدرة
قتل ذيك الأماني في طموحه .. وانعش الحسرات

تلاشى حلمه السامي .. فقد من حسرته صبره
يعيش الماضي المحزن .. بلا لذّات ماله ذات

أنا ذاك الصديق العاشق .. اللي منكّسر ظهره
أنا هذا الجريح اللي طريقه .. ممتلي عثرات

تركّتي شاعرً يكّتب .. لجل يلقاك في شِعره
ولو انّا تفارقنا .. لُقانا داخل .. الصفحات

يطير النوم من عيني .. واشوفك [ نجمة السهرة ]
بليلٍ يستثير الشوق .. يشعل خافقٍ ما / بات

يمرْ الوقت قدامي .. ولا خيره ولا شرّه
ينسّيني الحنين اللي تخلّد داخلي ما / مات

متعب بن حسين