تفداني انت ..!! وليش ما تفداني ؟؟؟

[شـُمـُــــــوْخ]

السلام عليكم ورحمة الله وبركاته،

اسعد الله اوقاتكم بكل خير

قصيدة جديده اتشرف بانعكاس أحرفها بأعينكم ..

هدف القصيدة ليس بالافتخار الشديد بالذات اكثر من ماهو: دعم للحصانة الذاتية في داخل كل انثى،



تفداني انت وليش .. ماتفداني ؟
ومليون مثلك كلهم .. يفدوووني

انا .. عريبة ساس .. بنت احصاني
ولا انت ! والي يشبهك .. من دوني

هذا كلام الحق .. صح لساني
لا يزعلك يا العاقل المجنوني

لاتحسب ان العز .. بالمجاني !
ولاتحسب الي قدّك .. يقدوني

العز له يا المفتدي .. سيساني
تاريخ سُجّل بالشرف مصيوني

وبنت الكفو ! ما تتبع الخبلاني
الدين يبقى درها المكنوني

لنّ الشرف .. جمالها الرباني
و جمالها ! افـ خـَشية وليِّ الكوني

في قلبا دين .. وتقى وإيماني
وماهيب تعطي قلبها للدوني

الله يرحم شايبن وصاني
بـ اني احط الدين بين عيوني

يقول انا شعر الحوات* اخواني
مانيب سلعه عند من ساموني

وان قلت لي بـ انك تبي تفداني
ادري وتدري .. والعرب يدروني

انا عريبة ساس .. بنت حصاني
مليوون مثلك .. كلهم يفدوني

هذا كلام الحق .. صح لساني
والله يجزي خير .. من ربوني

* ألحوات: باللهجة الشعبية جمع ( لحية ) او ( ذقن) .

ودمتم.~