ياخالد بن عبيـد .................؟

بدر الحنيف · 06-04-2006, 08:22 PM

ارجو ان يشفع لي هذا الحضور عن غيابي الذي كان رغماً عني
متمنياً ان ترتقي لذوقكم , وهي قصيدة مسنده الي الأخ العزيز خالد العنزي

شبيت بحروفي وجيت بملعبي
من الزعل , فكري , تلوج بنيّته

من وين ببدا واللهب ضم حطبي
والضيق في صدري نسج محميّته

بحّرت بعيوني وفتّلت شنبي
ولقيت من عزة , فخر شخصيّته

ياخالد بن عبيد واعرف ويش ابي
الطرق , قدامك وشف ,, ماريّته

ياخوك يادمي ولحمي واعصبي
ضاقت , وجرحي ينزف بسرّيته

الجرح شاطرني وزوّد بتعبي
والظل لا جيته ,, حدتني حيّته

الحال قفر وهمّها قش ,......
والشر من غيري عجزت اكفيّته

لافنّد علوم العرب وجهٍ هبي
ماني , وكيل آدم على ذريته

لي حق احامي دون ربعي وعربي
في وجه من حقده , بقلبه بيته

لن الغبي مهما حصل يبقى غبي
ونجران مايصخي , هدر ياميّته

خالد ترى ضيّعت مالي , وذهبي
ماهي على خشفٍ حرمني جيته

السالفه صدمه تعكر مشربي
بالصاحب اللي , غشني بحميته

من صدمته تزلزت حتى اركبي
آخر من ,, اتوقع , يغيّر , نيته

الضيق ياخالد سبى حالي سبي
في وجه حسناتي ,, يقلط سيّته

صخرت له من دم قلبي مايبي
لين كبرت في داخلي , شعبيته

واذا تضايق جيت حامي منسبي
يوم الردي وجهه , بوجه , مريّته

آسد مطلوبه ,, واحقق مطلبي
وآمد من ,, كف الرضا ,, عانيّته

الحب ملعونٍ اذا اجتاح , الصبي
خصوص , لاصار الوفا ,, سجيّته

مايستمع به شر ,, وبرب النبي
يعمي , عيونه , ضده , بحريّته

هيّته لاكبرت , كبر راس الظبي
لوّن ,, حجم طويق يشبه , هيّته

ولا يحس بخبث حوله مختبي
حتى يذوق ,, الطعنه من ايديّته

العفن لو تعطيه عينك منصبي
قدمك , يفضخها عمى ,, ماويّته

وليا عطا مثل الربا للمرتبي
يردف عطاه , ليا عطا , مانيّته

ياخوك يادمي ولحمي واعصبي
ضاقت , وجرحي ينزف بسريّته

مايذبح الرجال والحر الأبي
بين البشر ,, مهما تكن جنسيّته

من تمّنه ظهرك بوجه الأجنبي
ولااقفيت يطعن ظهرك , بشبريّته

هذي هي علومي ونار بحطبي
والكارثه ,, طيب ,, وغيّر نيته

رح واعتبرها اجر من يوم تعبي
وقل بدر ,, فرّط في اجر يوميّته

وسلامتــــكم

هنادي المطيري · 06-04-2006, 08:30 PM

0
0
0

من وين ببدا واللهب ضم حطبي
والضيق في صدري نسج محميّته

\
/

العفن لو تعطيه عينك منصبي
قدمك , يفضخها عمى ,, ماويّته

وليا عطا مثل الربا للمرتبي
يردف عطاه , ليا عطا , مانيّته

ياخوك يادمي ولحمي واعصبي
ضاقت , وجرحي ينزف بسريّته

مايذبح الرجال والحر الأبي
بين البشر ,, مهما تكن جنسيّته

من تمّنه ظهرك بوجه الأجنبي
ولااقفيت يطعن ظهرك , بشبريّته

:
:

بدر الحنيـــف

غيرررر .. بوووح حزين غاوي // أكثر من رائع
واللهـ العبرهـ اخنقتني وانا اقــراهـآ
جعل ربي يوسع صدرك وينصرك على من يعاديك
وصح لســـــــآنك لاهنـــــت

دمت ،

عبدالله ثويني المانع · 06-04-2006, 11:19 PM

..

الغالي / بدر الحنيف .. يا هلا فــيك شرفتنا بحضورك

هذه الرائعة يا بدر لم أتجرا على اقتباس شيء منها

هي كلها تستحق الإعجاب .. كعادتك تصيغها

بشكل مــبهر .. قـوة معاني وأسـلوب شــيق

أرق التحايا لقلبك

..

**خالد صالح الحربي** · 06-04-2006, 11:34 PM

.
.

العزيز: بدر..الحنيف..
والصوت..الجميل.. عندما..يكون..في..الجبال..
لا..بُدّ..أن..يكون..صداهُ.. رائعاً.. /. وَ.. ذائعاً..
أهلاً..و سهلاً..بكَ.. يابدر..
لكَ..الفضاء..فحلّق..كما..شئت..

.
.