انتـــظار

[نايف كسار الجزاع]

اسعد الله اوقاتكم
* محاولة .. عبث .. وارتباك *
آمل ان يستقيم بين قلوبكم


إنتظار :
صبر , وسهـر
شوق , وشقا , ونفحة قهـر .

إنتظار :
وتمضي الساعه على العاشق شهـر .

وانت وينك ؟
أو متى يصحي حنينك ؟

كنت بالمسرح مشاهـد :
غايتك تجلس , تشاهـد :
كل مشهـد لا ظهـر ,
لكن إنك تجهل اللي يختفي خلف الستار !!

ياما انتظرت , ولا وصل منك خبر .
وياما سهرت , ولا مر طيفك أو عـبر .
وياما صبرت , وملني حتى الصبر .

وشفتك أمس , وقلت لي : وش أنتظر ؟
وليه أنا واقف هنا !! وهناك ركزت النظر ؟
وكيف ما مليت جمر الإنتظار !! والجو حار ؟

واذكر إنك قلت : يمكن :
عن قبالي , صاحبي تمنع ظروفه !!
وعن وصالي , يمنعه ريبه وخوفه !!
وإنه الغايب , ولو شفته حضـر .

ومشيت ما أعطيتك جواب ,
ولاشكرت حروف ترحيبك , بعد طول الغياب !!

واليوم جاوبت السؤال ,

بس بسؤال :

قلي وش معنى إنتحار ؟ .. !!

قلت :
معناها ( إنـت / حـار )

قلت لك : لا , لا , خطأ
ولأجل أسهلها عليك :

همست بإذنك همس ,
راجع سؤالك أمس !!

قلت لي : وضح لي أكثر ,
قلت لك : حاضر , تبشٌـر !!

إنتحار :
حاله تصيب إنسان ما عنده عزيمه ,
صارت الدنيا بوجهه ليل , ما فيها نهار .

شخص تايه ..
دون غايــــه ..
يطرد أسراب السراب ,
وكان أعمى قلب , وعيونه تغشاها الضباب .

وقلت لي : لا , لا تكمٌل

إنتحار :
هي كلمتين , وبإختصار :
شخص يشعر بالهزيمه , ما شعر بالإنتصار .

قلت لك : سهمك أصاب ,
لكن أصبر , قبل تفرح , وش أصاب ؟

معنى الإحساس بهزيمه :
حالة المهزوم قبل الإنسحاب !!

وتدري ياخلي بلاش ,
لازم أنهـــــي هالنقاش !!

ودي أعطيك الإجابه ,
دام ما جبت الجواب !!
ولازم تعرف الصواب .

بإختصار :

تدري وش معنى انتحار ؟
.
.
.
.
.
( شـخـص مـل الإنـتـظـار ) ! , ! , ! .

نايف الجــزاع

 

[إيمان محمد ديب طهماز]

الله الله يا نايف

محطات الإنتظار سكتب على لافتات الصبر

( انتحار )

قد وصفت الحالة وكأنك أطعت الشعر عجينا في كفّ احساسك فشكّلته على هيئة وجعك كماتريد

بوح راقٍ

تقديري

 

[عبدالإله المالك]

نايف
فلسفة شعرية عميقة كتبت بلغة شعرية مرهفة متمكنة من الأدوات الشعرية الحديثة والجميلة

 

[حنان العصيمي]

بالفعل ..
هذا هو الانتحار ...

صح لسانك يا مبدع
عوداً حميداً .. ولا تغيب

 

[صبــــا الجهني]

رغم جمر الانتظار..
إلا انها جميله ..أنيقه الى اقصى الجمال..