غصن ومزن

[سطام مشهور]

ضيقه هالشوارع وين تبغا تروح
المدى رحب لكن : خطوتك جانيه

جابتك والمشاعر ماتعرف النزوح
شفتها للحبايب ساقتك عانيه

كنك اشتقت من بعد السعادة تنوح
او تمنيت لحظه من دلع غانيه

كان درب المحبة درب ماهو شحوح
يفضح اليل همسه من ثغر رانيه

اختلف هالزمان وعاد عشقك يلوح
ارتحل لا .. تحصل طعنتن ثانيه

سج رجلك وطعني وش تبي بالجروح
اكثر العمر ولاء ودنيتك فانيه

جيت محتاج عطفه كان قلبك لحوح
ورحت وغصون روحك للوجع دانيه



(2)



يتعبني الشعر ..لكن لأجلها بتعب
وقص من جنحة الغاوي مواويله

من يوم غابت وإنا ضامي أبي اشرب
لكن هذا الضما واقف على حيله

جفاف والشعر هو الأبعد الأقرب
وشلون مادري ولكن صعب تأويله

يفيض ولقي الورق في رحتي أرحب
يغيب ولقى الندى يبكي مراسيله

وانأ ليا من بغيت اطرب صحيح اطرب
لكن جرحي حبيبي لا تناديله

خليه يرقا من الأسهل إلى الاصعب
الين يجني من اوجاعي محاصيله