بـؤرة الفقــر ,,,

[خالد العنزي]

جواباً لأنتـقاد حاد وعتـب من اخوي حسيـن البليـهي

وانتقاماً من بيـشة اللي ماوراها عيـشة وراعي توصيـات الفلس قايد الحربي




,
,,


انا يا " حسيـن " لي يوميـن ماني خـوش
,,,,,,,,,,,,,,,,, على قولـة " خلـف " بلشـان بالعيشـه


بعـد ماكنـت احـوش من الدراهم حـوش
,,,,,,,,,,,,,,,,, لـك الله , لي شهـر متعلّـق ابـ " بيشه "


ماغيـر مقابـل الشاشـة على البلّـوش
,,,,,,,,,,,,,,,,, واهـاوش وانفعـل واسحب من الشيشه


واثـاري سوق الأسهم مايجي بالهوش
,,,,,,,,,,,,,,,,, وكـاد ,, السـوق مايرحم ,, دراويشـه


يغنـيلي السهم " طل الصبح علّوش "
,,,,,,,,,,,,,,,,, واغنّـي للسهم ,, " كداااب ياخيشه "


بغضتـه بغضتـ المسمار , للشاكوش
,,,,,,,,,,,,,,,,, وهو يعشقنـي , عشق العـود للريشه


سهـم بيشه ذهب لكن ذهب مغشوش
,,,,,,,,,,,,,,,,, بـلانـي فيه " قايـد " مـع مطاريشـه


غميـضه عفـش بيـتي ينرمـي بالحوش
,,,,,,,,,,,,,,,,, واشـوف الأخ , نايـم حـدر " كنديشه "


وانا ياحسيـن كانـك شفتـني مخروش
,,,,,,,,,,,,,,,,, تـرى كـل السبب من قايـد , وبيشـه






ارجـو من السمـي خالد الحربي تفعيـل عضويـتي بمتـدى بـؤرة الفقـر

اذا ناوي يفتـح فرع بالريـاض

 

[خالد صالح الحربي]

*

أنَا من يَوْم شفت القافيَة.." شينيّة"..
وأنا أدري إنّ الأمور.. مَا هي.. خَوش..!
أعذرني يابو يزيد.. العرض.. اللي سبق أنّي عرضته عليك.. أُلْغي..
لأنّ فروع شركة : " بؤرة الفقر".. مزدهره.. ولا حنّا بحاجة.. لفتح فرع بالرياض..
وإذا كنت حريص على هذا الشيء.. يجب أنّكم تَخلّصون من كل الهوامير عندكم..
وبعدين راح نسوي أجتماع.. أنا وزايد.. عقايل../. وبعدها نقرّر..
الآن ماأقدر أقول إلاّ الله يرزقك.. ويبعد عنك.. عيال.. الحرام.

 

[محمد ثاني]

لا حول ولا قوة إلا بالله .... كان الله في عونك

عاد انت مالقيت إلا بيشة !!

الله يسامح اللي كان السبب

 

[تركي الحربي]

بؤرة الفقر

هو الوحيد المفتوح على مدار الساعه

شعاره :

هل من مزيد

 

[العـنود ناصر بن حميد]

.
.

هلا بك خالد

مدري اقول الله يعينك

والا اقول الله يسامح اللي كان السبب

المشكلة أنك تدري أن ماورى بيشة عيشه

بس تدري خالد

نزول مؤشر الأسهم يمكن يعود على أبعاد بالفايده

مدام كل شاعر مشتغل بالأسهم

وكل ما نزل سعر السهم جاد بقصيدة

يعني بينتعش قسم الشعر بأبعاد

بس الخوف أن تكون كلها قصائد تشتكي من الاحباط

.
.

أهلاً بوجودك أخي

والله يعوض عليك

 

[خالد العنزي]

المشاركة الأصلية كتبت بواسطة خالد صالح الحربي

*

أنَا من يَوْم شفت القافيَة.." شينيّة"..
وأنا أدري إنّ الأمور.. مَا هي.. خَوش..!
أعذرني يابو يزيد.. العرض.. اللي سبق أنّي عرضته عليك.. أُلْغي..
لأنّ فروع شركة : " بؤرة الفقر".. مزدهره.. ولا حنّا بحاجة.. لفتح فرع بالرياض..
وإذا كنت حريص على هذا الشيء.. يجب أنّكم تَخلّصون من كل الهوامير عندكم..
وبعدين راح نسوي أجتماع.. أنا وزايد.. عقايل../. وبعدها نقرّر..
الآن ماأقدر أقول إلاّ الله يرزقك.. ويبعد عنك.. عيال.. الحرام.

لا والله مهي خوش يالسمي

القهر قايد وسلطان يربحون وانا اخسر

عموما اذا ماتبوني انت وزايد

راح اصير شيوعي وتكسبون خطاي , انت وذمتك عاد

 

[خالد العنزي]

المشاركة الأصلية كتبت بواسطة محمد ثاني

لا حول ولا قوة إلا بالله .... كان الله في عونك

عاد انت مالقيت إلا بيشة !!

الله يسامح اللي كان السبب

وش تبي اشتري بجنرال موترز اجل ؟


لا وكلها خمسين سهم ابشرك

 

[خالد العنزي]

المشاركة الأصلية كتبت بواسطة تركي الحربي

بؤرة الفقر

هو الوحيد المفتوح على مدار الساعه

شعاره :

هل من مزيد

وحاسدنا خالد الحربي عليها بعد

تركي خلها على الله