سوق النطاعه جبر
اللي بني مصر في الاصل
كان إنسان
مكنش جبان
لا كان واطي
ولا تطاطى لاي كان
اللي بني مصر في الأصل
كان صاحي
وكان ياما كان
اصيل شهم
فارس كان .. إنسان
لكن اللي خرب مصر
كان بالصدفه من العسكر
وجه للحكم متغندر
لكنه نسي ..أتنكر
ومسك فيها واتعسكر
وحلف ليشرب دمنا
حتى لو يسكر
سقي الجميع المر
وكل خيرها
وحلى بالسكر
فتح بيبان الوطن
للعدا ولكل ندل خسيس
وفي وجه الغلابة
كل بيبان الامل سكر
اصل البعيد أتهطل
والسن له احكام
فاكر بأنه أله
مش راح يزوره الموت
لأنه مش إنسان
ساعة الحقيقة دنت
وأتهدم البنيان
بنيان بنوه الغجر
ألي كانوا
أمس شلة الأعوان
والغضبة لغم انفجر
في كل بيت وميدان
هيحطم الطغيان
وبكرة نشوف الغجر
ويا سيدهم
بينطوا بره السفينة
مهم الحقيقة فيران
والجبن ده طبعهم
والغدر والنسيان
سوق الحلاوة جبر
والثورة للجدعان
اللي أتقطم ظهرهم
من قسوة السجان
تلاتين سنه بيحكم
وانا بسأل الدنيا
ده عادي يا دنيا
يرد صدي صوتي
مش عادي ..
ده واله جنان
صبرت لما
طهق الصبر من صبري
وفارقني وهو بيلعن الجبن
والكسرة والتوهان
واليوم صحيت ومش ناوي
ابقي سجين ولا اهادن السجان
سوق النطاعه جبر
مبقاش لنطع مكان
والحرة تجوع يامصر
متكلش بالعصيان
الثوره ليها تمن
هنقدمه .. رضا وأيمان
عاشت بلدنا كريمه
وأم للبلدان
أشرف نبوي
آخر المشاركات
01-27-2011, 10:57 AM
سوق النطاعه جبر
العرض الشجري